अकोला येथील घरफोडी उघड करण्यात स्थानिक गुन्हे शाखेस यश,शिताफीने मुद्देमालासह सांगली येथुन केली अटक…
अकोला (प्रतिनिधी) – सवीस्तर व्रुत्त असे की,पोलिस स्टेशन जुने शहर अकोला हद्दीत निलेश नवलकिशोर राठी. महेश कॉलनी जुने शहर अकोला हे दिनांक २९/११/२३ रोजी सकाळी ११:०० वा ते ०१:०० वा दरम्यान घर बंद करून, त्याचे दुकानात गेले होते. काही कामानिमीत्य पुन्हा घरी आले असता त्यांना दिवसा घरफोडी झाल्याचे दिसुन आले. घरफोडी मध्ये त्यांचे लाखोंचे सोन्याचे दागिने चोरी झाल्याबबत त्यांनी पो.स्टे जुने शहर अकोला येथे दिलेल्या तक्रारीवरुन अप नं ४५४ / २३ कलम ४५४, ३८० भादंवि अन्वये गुन्हा नोंद करण्यात आला होता,दिवसा ढवळ्या झालेल्या घरफोडीमुळे पोलिसांसमोर एक आव्हान होते. पोलिस अधीक्षक संदीप घुगे यांनी तात्काळ स्थागुशा येथील प्रभारी अधिकारी दुयम अधिकारी यांना त्यांचे पथकासह भेट देवून गुन्हा उघडकीस
आणण्याबाबत आदेशित केले होते.
या दरम्यानच दिनांक २७/११/२३ रोजी पातुर येथील लक्झरी मधून ८० लाख रूपये नगदी चोरी प्रकरणात एक पथक मध्यप्रदेश रवाना झाले होते. सदर पथक हे परत आल्यानंतर काही दिवसांपूर्वी स्थागुशा येथील पथकाला गोपनिय बातमीदारामार्फत सांगली येथील अट्टल घरफोड्याने घरफोडी केली असल्याची बातमी मिळाली होती.सदर बातमीच्या खात्रीसाठी व ईतर पुरावयाच्या अनुषंगाने घटनेच्या दिवशी आरोपीच्या मालकीची असलेली, होंडा
WRV कारचे CCTV फुटेज घटनास्थळावे भागात निष्पन्न झाल्याने ईतर तांत्रिक विश्लेषन सह खात्री पटल्याने पोलिस निरीक्षक शंकर शेळके स्थागुशा, अकोला यांचे मार्गदर्शनात एक पोउपनि, व पाच अंमलदार यांचे पथक नेमुन दिनांक १३/१२/२३ रोजी सांगली जिल्हयात रवाना केले होते. दिनांक १४/१२/२३रोजी दुपारी गुन्हयात वापरलेली कार व आरोपी सांगली कोर्ट भागात असल्याचे समजल्याने, सदर भागात सापळा रचला होता. संशईत
आरोपी हा त्याचे साथीदारासह त्याचे गाडीमध्ये बसल्या बरोबर पथकाने गाडी आडवी लावून त्यास पकडण्यासाठी गेट उघडण्याचा प्रयत्न केला असता, आरोपीने त्वरीत गाडी सुरू करून रिव्हर्स गाडी पळवून मिळेल त्या रोडने दोन वाहनांना धडक देवून पळून जाण्याचा प्रयत्न केला. पळण्यासाठी योग्य जागा नसल्याने काही अंतरावर जावून ईलेक्ट्रीक पोलला धडक देऊन गाडीचे टायर फुटले व गाडी बंद पडली. त्या दरम्यान आरोपीने दाट वस्तीचा व पोलीस पथक लांब असल्याचा फायदा घेवून कारमधून पळ काढला. पथकाने पळून गेलेल्या आरोपी पैकी एक आरोपी अरूण वंसत पाटील यास गोपनिय बातमीदाराच्या मदतीने रात्री उशीरा शिताफीने चौकशी करीता ताब्यात घेतले. सदर आरोपीने अकोला येथील घरफोडी करतांना आरोपी लोकेश सुतार सह सोबत असल्याचे कबुल करून गुन्ह्यातील काही मुद्देमाल हा काढून देण्याबाबत कबुली दिली.
फरार आरोपी लोकेश सुतार हा रेकॉर्ड वरील अट्टल घरफोड्या. असुन त्याने आतापर्यंत कर्नाटक राज्यासह, सांगली, सातारा, सोलापूर, कोल्हापूर,बारामती, पुणे ग्रामीण येथे अनेक गुन्हे दाखल असुन तीन वर्षापुर्वी लोकेश सुतार चालवत असलेली गुन्हेगारी टोळीने घरफोडी, जबरी चोरी, दरोडा, आर्म अॅक्ट सारखे गंभीर स्वरूपाचे गुन्हयांची नोंद असल्याने पोलिस स्टेशन मिरज ग्रामीण मार्फत तत्कालीन पोलिस अधीक्षक यांनी सांगली, कोल्हापूर, पुणे, सातारा या जिल्ह्यातून हद्दपारीचे आदेश काढले होते
गुन्हयात सह आरोपी असलेला व काही मुद्देमालाची विल्हेवाट लावलेला आरोपी अरुण वसंत पाटील रा. ग्राम लिंगनूर ता. मिरज जि. सांगली यास गुन्हयात अटक करुन,सदर आरोपीच्या मदतीने एकुण १३ तोळे सोने जप्त करण्यात आले असुन गुन्हयात वापरलेली कार व आरोपीचा आयफोन गुन्ह्यात जप्त करण्यात आलेला आहे. गुन्हयातील अपघात ग्रस्त कार ही चालविण्याचे स्थितीत नसल्याने तसेच लेखी पत्र देवून पो.स्टे मिरज शहर जि. सांगली यांचे ताब्यात देण्यात आली आहे.
यातील प्रमुख फरार आरोपी ताब्यात आल्यानंतर अकोल्यातील अधिक गुन्हे उघड होण्याची शक्यता असून गुन्हयातील उर्वरीत मुद्देमाल देखील जप्त करण्यात येईल. सदर गुन्हयात एकुण कार, मोबाईल व सोने सह एकुण १८ लाखाचा मुद्देमाल जप्त करण्यात आला आहे. आरोपी हा पुढील कार्यवाहीसाठी पो. स्टे जुने शहर अकोला यांचे ताब्यात देण्यात येत आहे.
सदर कारवाई ही पोलिस अधीक्षक संदीप घुगे साहेब, अपर पोलिस अधीक्षक अभय डोंगरे, यांचे मार्गदर्शनात स्थानीक गुन्हे शाखा अकोला चे प्रमुख पोलिस निरीक्षक शंकर शेळके यांनी नेमलेले पथक प्रमुख पोउपनि. गोपाल जाधव, पो. अंमलदार वसीमोद्दीन शेख, रविंद्र खंडारे, अब्दुल माजीद, महेंद्र मलिये, एजाज अहेमद, यांनी प्रत्यक्ष कार्यवाही पार पाडली.
सदर कार्यवाही पार पाडण्यासाठी सायबर सेल चे पोलिस अंमलदार आशिष आमले हे स्थानीक गुन्हे शाखा प्रमुख व पथक प्रमुख यांचे संपर्कात राहून मोलाचे सहकार्य केले.
