महामार्गावर उभ्या वाहनातुन डिझेलची चोरी करणारी टोळी गजाआड…
महामार्गावर थांबलेल्या ट्रकमधून डिझेल चोरी करणारी टोळी स्थानिक गुन्हे शाखेच्या ताब्यात,२०० लिटर डिझेलसह ४९ हजार किंमतीचा मुद्देमाल केला जप्त….
सिन्नर(नाशिक)प्रतिनिधी – याबाबत सवीस्तर व्रुत्त असे की,दि(१७) सप्टेंबर २०२४ रोजी मध्यरात्रीचे सुमारास अज्ञात आरोपींनी सिन्नर – शिर्डी महामार्गावर शंकरनगर परिसरातील एच. पी. पेट्रोल पंपावर उभे असलेल्या १२ टायर ट्रकचे डिझेल टैंक मधुन २०० लिटर डिझेल व कॅबीनमध्ये ठेवलेले ३५ हजार रूपये रोख असा एकुण किं. रू. ४९ हजार रू चा मुद्देमाल लबाडीचे इराद्याने चोरी करून चोरून नेला होता. सदर बाबत सिन्नर पोलिस ठाणेस गुरनं ६८५/२०२४ भा. न्या.सं. कलम ३०३(१) प्रमाणे गुन्हा दाखल करण्यात आला होता.
त्याअनुषंगाने नाशिक ग्रामीण जिल्हा पोलिस अधिक्षक विक्रम देशमाने,अपर पोलिस अधिक्षक आदित्य मिरखेलकर यांनी महामार्गावरील चोरीचे गुन्हे उघडकीस आणणेसाठी स्थानिक गुन्हे शाखेचे पथकास सुचना दिलेल्या होत्या. त्यानुसार स्थानिक गुन्हे शाखेचे पोलिस निरीक्षक राजु सुर्वे यांनी वरील गुन्हयातील आरोपींची गुन्हा करण्याची पध्दत व अभिलेखावरील आरोपीतांची माहिती घेवून पथकास तपास करणेबाबत मार्गदर्शन केले.
त्याप्रमाणे वरील गुन्हयाचे समांतर तपासात स्थागुशाचे पोलिस अंमलदार विनोद टिळे यांना मिळालेल्या गुप्त बातमीनुसार अहमदनगर जिल्हयातील डिझेल चोरी करणारे गुन्हेगार हे शिर्डी-सिन्नर रोडवर एका कारमध्ये येणार असल्याची खात्रीशीर बातमी मिळाली. त्यानुसार स्थागुशाचे पथकाने पाथरे फाटा परिसरात सापळा रचुन सिन्नर बाजुकडे येणारी लाल रंगाची महिंद्रा केयुव्ही १०० कार ताब्यात घेऊन, सदर कारसोबत असलेली आणखी एक सफेद रंगाची मारूती इर्टिगा कार देखील ताब्यात घेतली, यातील संशयीत इसम १) रोहन अनिल अभंग, वय २८, रा. देवाचा मळा, संगमनेर, ता. संगमनेर, जि. अहमदनगर, २) वैभव बाबासाहेब सुरवडे, वय २५, रा. जामखेड, ता. जामखेड, जि. अहमदनगर, ३) दादासाहेब दिलीप बावचे, वय २७, रा. बोधेगाव, ता. कोपरगाव, जि. अहमदनगर यांना ताब्यात घेवुन वरील गुन्हयाबाबत चौकशी केली असता, त्यांनी त्यांचे साथीदार ४) समाधान देविदास राठोड, रा. कोपरगाव, जि. अहमदनगर, व ५) सचिन देविदास डाने, रा. येवला, ता. येवला, जि. नाशिक हल्ली रा. शिर्डी यांचेसोबत मिळुन सिन्नर, डुबेरेनाका व मुसळगाव एम.आय.डी.सी. परिसरात रात्रीचे सुमारास रोडच्या कडेला उभ्या असलेल्या ट्रकांचे डिझेल टँकमधुन डिझेल व रोख रक्कम चोरी केल्याची कबुली दिली आहे.
ताब्यात घेतलेले वरील आरोपी क. १ ते ३ यांचे कब्जातुन महिंद्रा केयुव्ही १०० कार क. एम.एच.०४ जीएन. ५७७७ व मारूती एर्टीगा कार क्र. एम.एच.०१.सी.एच.३४८६, तसेच १० हजार ५०० रू. रोख मोबाईल फोन तसेच बनावट नंबर प्लेट असा एकुण १२,५८,५०० रू. किं.चा मुद्देमाल जप्त करण्यात आलेला आहे. सदर आरोपींना गुन्हयाचे पुढील तपासकामी सिन्नर पोलिस ठाणेस हजर करण्यात आले असून त्यांचे इतर साथीदारांचा पोलीस पथक शोध घेत आहेत. सदर आरोपींकडुन डिझेल चोरीचे आणखी गुन्हे उघडकीस येण्याची शक्यता आहे.
सदरची कामगिरी पोलिस अधिक्षक विक्रम देशमाने, अपर पोलिस अधिक्षक आदित्य मिरखेलकर यांचे मार्गदर्शन व सुचनांप्रमाणे स्थानिक गुन्हे शाखेचे पोलिस निरीक्षक राजु सुर्वे, सपोनि संदेश पवार, सफौ नवनाथ सानप, नापोशि विनोद टिळे, हेमंत गिलबिले, प्रदिप बहिरम यांचे पथकाने केली
