अनैतिक मानवी वाहतुक प्रकरणी अकोला पोलिसांची उल्लेखनीय कामगिरी,आतापर्यंत १०५ प्रकरणांचा यशस्वीपणे केला निपटारा…
अकोला – अकोला जिल्हयामध्ये पोलिस अधिक्षक संदीप घुगे तसेच अपर पोलिस अधिक्षक अभय डोंगरे यांच्या मार्गदर्शनाखाली अनैतिक मानवी वाहतुक कक्ष महीला व बाल अत्याचारासंदर्भाने कलम ३६३, ३६६(अ) भादवि तसेच महीला मिसिंग चा तपास करत आहे. अनैतिक मानवी वाहतुक कक्षाने आजपावेतो ७२ गुन्हे व ३३ मिसिंग असे एकुण १०५ प्रकरणे उघडकिस आणले आहेत. पोलिस स्टेशन खदान अप नं ६३ / २०२२ क ३६३ भादवि मधील आरोपी व पिडीत मुलगी हे नांदेड येथे राहत असल्याबाबत खात्रीलायक माहीती मिळाल्यावरून पोस्टॉप अ.मा.वा. कक्ष अकोला असे आरोपी व पिडित मुलगी यांचा शोध घेणे कामी नांदेड येथे सरकारी वाहनाने रवाना झाले. पोलिस स्टेशन नांदेड येथे जावुन पोलिस निरीक्षक यांना भेटुन गुन्हयाबाबत माहीती देण्यात आली. पो स्टे वजीराबाद येथील स्थानिक पोलिसांच्या मदतीने गुन्हयातील आरोपी व पिडीत मुलगी यांचा शोध नांदेड शहरात घेतला असता ते शक्ती नगर नांदेड येथे मिळुन आले त्यांना गुन्हयाबाबत माहीती देवुन विश्वासात घेवुन विचारपुस करून सोबत घेवुन पो स्टे वजीराबाद येथे परत
आले सदर गुन्हयाच्या पुढील तपासकामी आरोपी व पिडीत मुलीला सोबत घेवुन अ.मा.वा. कक्ष अकोला येथे रवाना आल्यानंतर.अनैतिक मानवी वाहतुक कक्ष अकोला येथे परत येवुन पो स्टे खदान यांच्या पुढील कार्यवाहीकामी ताब्यात देण्यात आले.
सदर कार्यवाही ही पोलिस अधिक्षक संदीप घुगे तसेच अपर पोलिस अधिक्षक अभय डोंगरे सा, उपविभागिय पोलीस अधिकारी सुभाष दुधगावकर सा. शहर विभाग अकोला यांच्या मार्गदर्शनाखाली उपरोक्त कामगिरी ही पोउपनि विजय खर्चे, पोहेकॉ सुरज मंगरूळकर, पोहेकॉ धनराज चव्हाण, मपोकॉ पुनम वाहन चालक पोकॉ अविंद्र खोडे, मपोकॉ पुजा गाढे यांनी केली असून लवकरच इतर गुन्हयामध्ये सुध्दा तत्परतेने पिडीत मुली व आरोपी यांचा कसुन शोध घेऊन गुन्हयांचा निपटारा अनैतिक मानवी वाहतुक कक्ष अकोला करीत आहेत
