अवैध गावठी पिस्टलसह एकास खदान पोलिसांनी घेतले ताब्यात…,
अवैधरित्या गावठी पिस्टल व काडतुस बाळगणार्यास खदान पोलिसांनी शिताफीने घेतले ताब्यात….
अकोला(प्रतिनिधी) – याबाबत सवीस्तर व्रुत्त असे की, अकोला शहरातील पोलिस स्टेशन खदान अकोल्याचे हद्दीत दि.(५) रोजी पोलिस निरीक्षक धनंजय सायरे हे पो.स्टे.च्या डि.बी. पथकासह लोकसभा निवडणुक संबंधाने पेट्रोलींग करीत असतांना त्यांना गुप्त बातमीदारा कडुन बातमी मिळाली की, एक इसम हा हिंगणा फाटा परिसरामध्ये मोटार सायकलने गावठी पिस्टल व जिवंत काडतुस जवळ बाळगुन संशयास्पदरित्या फिरत आहे
अशा गुप्त माहिती वरून सदरची माहिती मा. वरिष्ठांना देवून पो.नि.
धनंजय सायरे व सोबत डि.बी. पथकाचे कर्मचारी यांनी घटनास्थळी जावून नमुद इसमाचा शोध घेतला असता एक इसम हा हिंगणा फाटा येथे संशयास्पदरित्या मोटार सायकलने फिरत असतांना दिसुन आल्याने त्यांस पो. स्टाफचे मदतीने थांबवुन त्यांस त्यांचे नांव विचारले असता त्याने त्याचे नांव मिर्झा इमरान बेग मिर्झा सलिम बेग वय ३३ वर्ष रा. शबनमनगर खैरमोहम्मद प्लॉट अकोला असे सांगीतले वरून त्याचे मोटार सायकलला असलेल्या नायलॉन थैलीची पाहणी केली असता सदर थैली मध्ये एक देशी पिस्टल (अग्णीशस्त्र) मॅगझीनसह किंमत ३०,०००/- रू. व सोबत ०५ जिवंत काडतुस किं. ५०००/- रु. अवैधरित्या जवळ बाळगतांना मिळुन आला व त्याचे ताब्यातील मोटार सायकल क्रं. एमएच ३० – बिजी – ७३२२ किं. अं. ७०,०००/- रू. असा एकुण १,०५,०००/- रू. असा मुद्देमाल मिळुन आल्याने सदरचा मुद्देमाल पंचासमक्ष जप्त करून आरोपी विरूध्द पो.स्टे. खदान अकोला येथे अप.नं. ३१६/२०२४ कलम ३, २५ आर्म अॅक्ट प्रमाणे गुन्हां नोंद करून आरोपीस वि.न्यायालया समक्ष हजर केले असता वि. न्यायालयाने आरोपीचा ०१ दिवस पोलिस कस्टडी रिमांड मंजुर केला आहे.
सदरची कारवाई पोलिस अधीक्षक. बच्चन सिंह यांचे मार्गदर्शनाखाली अपर पोलिस अधीक्षक अभय डोंगरे तसेंच उप-विभागीय पोलिस अधिकारी शहर विभाग अकोला सतिश कुळकर्णी, पो.स्टे. खदान येथील पोलिस निरीक्षक धनंजय सायरे, पो. हवा. विजय चव्हाण, नितीन मगर, संजय वानखडे, पो. शि.रोहित पवार यांनी केली आहे.
