कुख्यात गुंड मनोज कान्हेकर याचेवर तुमसर पोलिसांची MPDA कायद्यान्वये स्थानबध्दतेची कार्यवाही….
तुमसर येथील कुख्यात गुंड मनोज देविदास कान्हेकर याला विधानसभा निवडणुकीच्या अनुषंगाने एमपीडीए कायद्यान्वये स्थानबध्दतेची कार्यवाही,मध्यवर्ती कारागृह, नागपुर येथे रवानगी…..
तुमसर(भंडारा)प्रतिनिधी – याबाबत सवीस्तर व्रुत्त असे की,मनोज देविदास कान्हेकर वय 38 वर्ष रा. कुंभारे वार्ड, तुमसर हा पोलिस स्टेशन तुमसर परीसरातील कुंभारे वार्ड, तुमसर येथील रहिवासी असुन तो गुंड धोकादायक व खुनसी प्रवृत्तीचा व्यक्ती आहे. हा सन 2017 पासुन निर्विघ्न गुन्हेगारी क्षेत्रात सक्रिय असुन त्यांचेवर पोलिस ठाणे तुमसर येथे खुन, खुनाचा प्रयत्न, सरकारी कर्मचारी हमला, मोक्का, अवैध हत्यार बाळगणे, दारु विक्री करणे, जुगार खेळणे अश्या प्रकारचे अनेक गंभीर गुन्हे दाखल आहेत.
त्याचेवर वेळोवेळी तडीपार व अन्य प्रतिबंधात्मक कारवाई करुन सुध्दा त्याचे वर्तनात कोणतीही सुधारणा न झाल्याने त्याचे गुन्हेगारी कृत्य सतत सुरुच आहेत. त्यामुळे सार्वजनिक सुव्यवस्थेवर परिणाम होऊन सार्वजनिक सुव्यवस्था धोक्यात आली आणि त्यांच्या गुंड प्रवृत्तीच्या कृत्यांमुळे शहरात त्याची प्रचंड दहशत निर्माण झाली होती
त्यामुळे दिनांक 20 नेव्हेबर 2024 रोजी विधानसभा निवडणुकीचे मतदान असल्यामुळे त्यामध्ये कोणत्याच प्रकारची बाधा येऊ नये म्हणुन नमुद समाज विघातक व्यक्तींवर वेळीच अंकुश बसविने गरजेचे होते. त्याचप्रमाणे सदर सराईत गुन्हेगारांना कायद्याचे कसोटीत बसवुन त्यांचे गुन्हेगारीचा अस्त करणे हाच एकमेव पर्याय असल्याने जिल्हा पोलिस अधीक्षक नूरुल हसन यांच्या मार्गदर्शानात मनोज देविदास कान्हेकर वय 38 वर्ष रा. कुंभारे वार्ड, तुमसर याचे विरुध्द एमपीडीए कायद्यान्वये प्रस्ताव तयार करण्यात होता,सदर प्रस्तावास दिनांक 14/11/2024 रोजी मा. श्री संजय कोलते, जिल्हाधिकारी, भंडारा यांचे आदेशान्वये सदर गुन्हेगार मनोज देविदास कान्हेकर वय 38 वर्ष रा. कुंभारे वार्ड, तुमसर यास मध्यवर्ती कारागृह, नागपूर येथे दाखल करण्यात आले आहे.
सदरची कारवाई पोलिस अधिक्षक नूरुल हसन, अपर पोलिस अधिक्षक ईश्वर कातकडे, पोलिस निरीक्षक स्थागुशा नितीन चिंचोळकर यांचे मार्गदर्शनात पोलिस निरीक्षक पोलिस स्टेशन तुमसर महादेव आचरेकर,पो.हवा. राजेश पंचबुधे,जयसिंग लिल्हारे, नापोशि अंकोश पुराम, मार्कड डोरले यांनी केली.
