अवैधरित्या गुटख्याची वाहतुक करणाऱ्यांवर जळंब पोलिसांची मोठी कार्यवाही…
जळंब पोलिसांची लांजूड फाटा येथे गुटख्याची अवैध वाहतुक, विक्री व साठवणुक करणाऱ्यावर मोठी कार्यवाही गुटखा व मालवाहू वाहनासह एकूण-38,68,080/-रु.चा मुद्देमाल हस्तगत., 03 आरोपी अटकेत….
जळंब(बुलढाणा)प्रतिनिधी – याबाबत सविस्तर व्रुत्त असे की,पोलिस अधिक्षक विश्व पानसरे यांनी महाराष्ट्र राज्य शासनाने प्रतिबंध केलेला गुटखा व तत्सम सुगंधीत तंबाखूजन्य पदार्थांची विक्री, वाहतूक, साठवणूक करणाऱ्या ईसमांचा शोध घेवून त्यांचेवर प्रचलित कायद्यानुसार कठोर कार्यवाही करुन, जिल्ह्यातील अवैध धंद्यांचे समूळ उच्चाटन करण्यासाठी आदेशीत केले होते
त्याअनुषंगाने प्रभारी अधिकारी पो.स्टे. जलंब सपोनि अमोल सांगळे यांनी अधिनस्त पोलीस स्टाफ यांचे पथकासह पो.स्टे. जलंब हद्दीत मिळालेल्या गोपनीय माहितीच्या आधारे दि.10/04/2025 रोजी नांदुरा येथून खामगांवकडे जाणाऱ्या राष्ट्रीय महामार्गावर एक टाटा अल्ट्रा कंपनीचे मालवाहू वाहन क्र.MH-09-F-9994 यामध्ये काही ईसम हे शासनाने प्रतिबंधीत केलेला गुटखा पदार्थ बाळगून त्याची चोरटी वाहतूक करीत आहेत. सदर माहितीवरुन सपोनि, अमोल सांगळे व पोलीस स्टाफ यांनी नांदूरा ते खामगांव हायवेवर लांजूड फाटा नजीक नाकाबंदी केली असता, माहिती प्रमाणे टाटा अल्ट्रा कंपनीचे मालवाहू वाहन क्र.MH-09-F-9994 हे मिळून आले. सदर वाहनामध्ये शासनाने प्रतिबंधीत केलेला गुटखा व तत्सम सुगंधीत पान मसाला मुद्देमाल मिळून आला.
सदर कार्यवाहीत प्राप्त मुद्देमाल व अटक आरोपी 1) समीर अमीर खान वय 34 वर्षे रा. चंदननगर, इंदौर ता.जि. इंदौर (मध्यप्रदेश) 2) गोवर्धन मायाराम सेन वय 32 वर्षे रा. सोडन ता. घटीया जि. उज्जैन (म.प्र.) 3) हरीकिसन राधेश्याम पांचाल वय 33 वर्षे रा आक्यानजिक ग्राम मालीखेडी उज्जैन (म.प्र.) यांना ताब्यात घेऊन तसेच आरोपीच्या ताब्यातून 1) शासन प्रतिबंधीत सुगंधीत विमल पान मसाला व गुटखा किं. 23,68,080/-रु. 2) टाटा अल्ट्रा कंपनीचे मालवाहू वाहन क्र.MH-09-F-9994 किं. 15,00,000/-रु., एकूण- 38,68,080/-रु.चा मुद्देमाल जप्त करण्यात आला
सदर प्रकरणी, श्री. गुलाबसिंग वसावे (अन्न सुरक्षा अधिकारी) अन्न व औषध प्रशासन बुलढाणा यांचे तक्रारीवरुन वरील तीन आरोपी यांचे विरुध्द पोलिस स्टेशन जलंब येथे भारतीय न्याय संहिताचे कलम 223, 274,275, 123 सह अन्न व सुरक्षा कायदा-2006 चे कलम 26 (2) (i), 26(2) (ii), 27(3)(d),27(3)(e), 3(1)(zz) (iv), 59 प्रमाणे गुन्हा नोंद करण्यात आला आहे. गुन्ह्यातील ईतर आरोपींचा शोध घेण्यात येत असुन पुढील तपास सपोनि. अमोल सांगळे यांच्या नेतृत्वात पो.स्टे. जलंब करीत आहेत.
सदरची कामगिरी पोलिस अधिक्षक विश्व पानसरे,अपर पोलिस अधिक्षक,खामगाव श्रेणिक लोढा,उपविभागिय पोलिस अधिकारी खामगांव यांचे मार्गदर्शनाखाली- ठाणेदार पो.स्टे. जलंब सपोनि, अमोल सांगळे,पोउपनि, सुनिल देव, पोहवा. गोविंदा होनमने, सचिन बावणे, पोशि संदिप गावंडे, मपोशि शेख अंजुम चालक पोशि. रितेश मसने सर्व नेमणूक पोस्टे. जलंब तसेच श्री. गुलाबसिंग वसावे (अन्न सुरक्षा अधिकारी) अन्न व औषध प्रशासन बुलढाणा यांनी केली आहे.
