कत्तलीसाठी जाणारी गोवंशीय जनावरांची स्थानिक गुन्हे शाखेने केली सुटका…

भुम(धाराशिव) प्रतिनिधी – सवीस्तर व्रुत्त असे की आज दि. २०.११.२०२३ रोजी ०१.०० वा. सु. स्थानिक गुन्हे शाखेचे पथक भुम उपविभागीय हद्दीत अवैध धंदे विरुध्द कारवाई कामी पेट्रोलिंग करीत असताना वालवढ, ता. भुम येथे आले असताना  वासुदेव मोरे, पोलिस निरीक्षक स्थानिक गुन्हे शाखा यांना गुप्त बातमीदारामार्फत बातमी मिळाली की, पांढऱ्या रंगाचे  पिकअप बोलेरो वाहन क्र एमएच ११ सीएच ४७२८ व इतर दोप पिकअप मध्ये गाय, बैल, वासरे असे प्राणी कत्तल करण्याकरीता वारदवाडी ते भुम मार्ग धाराशिव येथे घेवून जाणार आहेत अशी खात्रीशीर बातमी मिळाल्याने स्थानिक गुन्हे शाखेचे पथक वारदवाडी फाटा ते भुम कडे जाणारे रोडवरील एम आय डी सी भुम लगत असलेल्या रोडवर वाहनाना पकडण्याकरीता दबा धरुन बसले असता अंदाजे ०४.०० वा. चे सुमारास रोडवरुन पांढऱ्या रंगाच्या तीन पिकअप एकामागोमाग येत असताना दिसल्या त्यांना बातमी प्रमाणे सदरच्या वाहनांचा संशय आल्याने त्यांनी त्यास हात दाखवून थांबिवले असता पांढऱ्या रंगाच्या पिकअप बोलेरो वाहन क्र. एमएच ११ सीएच ४७२८ ही थांबले व त्यांचे मागील दोन पिकअप युटर्न घेवून रोडने परत वारदवाडीच्या दिशेने वेगाने निघून गेल्या ताब्यात असलेल्या पिकअप चालकास त्याचे नाव गाव विचारले असता त्यांने त्याचे नाव

समाधान सुदाम कांबळे, वय २२ वर्षे, रा. पापणस, ता. माढा जि. सोलापूर

असे असल्याचे सागितले वरुन पोलिस पथकाने वाहनाच्या पाठीमागेजावून पाहणी केली असता सदर पिकअप वाहनामध्ये अंदाजे ६४,०००/- ₹ किंमतीचे ६ बैल, गाय दाटी वाटीने बांधून
त्यांना पुरेसी हालचाल करता येणार नाही अशा रितीने छळ करुन त्यांची वाहतुक करीत असताना मिळून आल्याने त्याचे ताब्यातुन अंदाजे ६४,०००/- ₹ किंमतीचे ६ बैल, गाय जनावरासह ५,००,०००/- ₹ किंमतीचे बोलेरो पिकअप वाहन असा एकुण ५,६४,०००/- ₹ किंमतीचा मुद्देमाल जप्त करुन आरोपी नामे समाधान सुदाम कांबळे, वय २२ वर्षे, रा. पापणस, ता. माढा जि. सोलापूर यांचे विरुध्द भुम पोलिस ठाणेत गुन्हा नोंद करण्यात आला आहे. इतर दोन वाहनांचा पोलिस शोध घेत आहेत.
सदरची कामगीरी  पोलिस अधीक्षक,  अतुल कुलकर्णी, अप्पर पोलिस अधीक्षक  नवनीत कॉवत यांच्या मार्गदर्शनाखाली स्थानिक गुन्हे शाखेचे पोलिस निरीक्षक वासुदेव मोरे, सहाय्यक पोलिस
निरीक्षक  शैलेश पवार, पोलिस उप निरीक्षक  संदीप ओहोळ, पोलिस अंमलदार राहुल तेलप, नेताजी गेजगे, प्रशांत आडगळे, राहुल कोळी, हवेल जाधवर, अक्षय मनगिरे, गणेश सुर्यवंशी, किरण शहाणे, रंजित बागल, भगिरथ पंतगे, प्रशांत किंवडे, पोकॉ गणेश पटारे, राजेश वादे यांचे पथकांनी केली आहे.