जहाल नक्षलवादी कट्टर जलमिलिशियास अर्जुन गडचिरोली पोलिसांचे ताब्यात…
23 नोव्हेंबर रोजी टिटोळा गावातील पोलिस पाटील यांच्या हत्येप्रकरणी एका कटटर जनमिलिशियास गडचिरोली पोलिसांनी केली अटक…..
महाराष्ट्र शासनाने जाहीर केले होते एकुण 1.5 लाख रुपयांचे बक्षीस…
गडचिरोली(प्रतिनिधी) – सवीस्तर व्रुत्त असे की,दिनांक 02 ते 08 डिसेंबर रोजी दरम्यान माओवादी हे पीएलजीए सप्ताह साजरा करतात. या दरम्यान ते सरकारी मालमत्तेचे नुकसान करणे, पोलिस दलावर हल्ले करुन त्यांच्या जवळील शस्त्रे लुटून नेणे, रस्ते व इतर प्रकारच्या सरकारी कामात अडथळा आणून जाळपोळ करणे इ. देशविघातक कृत्य करत असतात.
दिनांक 09/12/2023 रोजी टिटोळा ता.एटापल्ली जि.गडचिरोली येथील पोलिस पाटील लालसु वेळदा यांचे हत्येमधील आरोपी जहाल जनमिलिशिया अर्जुन सम्मा हिचामी, वय 19 वर्षे, रा. झारेवाडा, ता. एटापल्ली, जि.गडचिरोली हा पोस्टे गटटा (जां.) हददीत गटटा नाल्याजवळ पोस्टे गटटा (जां.) पोलिस पार्टीच्या हालचालींबाबतची माहीती देण्याच्या उद्देशाने फिरत असल्याच्या मिळालेल्या गोपनिय माहीतीच्या आधारे विशेष अभियान पथकाचे जवान आणि पोस्टे गटटा (जां.) पोलिस पार्टीच्या जवानांनी माओवाद विरोधी अभियान राबवून त्यास अटक केली. अधिक तपासात असे दिसून आले की, 23 नोव्हेंबर 2023 रोजी टिटोळा गावातील युवकांच्या रोजगारासाठी झटणा-या पोलिस पाटलाचा तो पोलिसांचा खबरी असल्याच्या कारणावरुन माओवाद्यांकडुन करण्यात आलेल्या हत्येमध्ये त्याचा प्रत्यक्ष सहभाग होता हे उघड झाले आहे.सदर घटनेच्या काही दिवसापुर्वी त्याने आपली माहीती आणि ठावठिकाणा हा माओवाद्यांना सांगितला होता.तसेच पोस्टे गटटा (जां.),हेडरी,आणि सुरजागड भागातील सुरक्षा जवानांच्या हालचालींवर तो बारिक लक्ष ठेवुन होता.तसेच या वर्षाच्या फेब्रुवारीच्या उत्तरार्धात व मार्च महिन्याच्या सुरुवातीला विसामुंडी आणि अलेंगा येथील बांधकाम उपकरणांच्या जाळपोळ प्रकरणातही त्याचा सक्रीय सहभाग होता. त्यास पोस्टे गटटा (जां.) ता,एटापली जि. गडचिरोली येथे दाखल अप. क्र. 76/2023 कलम 302,36ड 4,143,147,148,149,120-ब भादवी, 3/25 भारतीय हत्यार कायदा, 135 महाराष्ट्र पोलिस कायदा अन्वये गुन्ह्रात अटक करण्यात आलेली आहेत. तसेच टिटोळा ता.एटापल्ली जि.गडचिरोली येथील पोलिस पाटलाच्या हत्येमघ्ये अटक करण्यात आलेला तो पहिला आरोपी आहे.
अटक करण्यात आलेला जहाल जनमिलिशिया बाबत माहिती अशी की त्याचे पुर्ण नाव अर्जुन सम्मा हिचामी २०२१ पासुन तो दलममधे झारेवाडा आणि आजुबाजुच्या भागात जनमिलीशिया म्हणुन सक्रीय होता आणि येत्या काही दिवसात पेरमिली दलममध्ये सदस्य पदावर सामील होण्याची त्याची योजना होती.त्याने दलममधे असतांना त्याने फेब्रुवारी 2022 मध्ये विसामुंडी गावात झालेल्या जाळपोळीमध्ये तसेच मार्च 2023 मध्ये झालेल्या अलेंगा पुरसाळगोंडी गावात झालेल्या जाळपोळीमध्ये त्याचा सहभाग होता त्याचप्रमाणे नोव्हेंबर 2023 रोजी टिटोळा गावातील पोलिस पाटील लालसु टिंगरा वेळदा या निरपराध इसमाच्या हत्येमध्ये त्याचा सक्रीय सहभाग होता.म्हनुनच की काय,महाराष्ट्र शासनाने अर्जुन सम्मा हिचामी याच्या अटकेवर 1.5 लाख रूपयाचे बक्षीस जाहिर केले होते.
गडचिरोली पोलिस दलाच्या प्रभावी कारवाईमुळे जानेवारी 2022 ते आतापर्यंत एकुण 73 माओवाद्यांना अटक करण्यात गडचिरोली पोलिस दलास यश आलेले आहे.
सदरची कारवाई पोलिस अधीक्षक नीलोत्पल,अपर पोलिस अधीक्षक (अभियान) यतीश देशमुख, अपर पोलिस अधीक्षक (प्रशासन) कुमार चिंता, अपर पोलिस अधीक्षक, अहेरी एम. रमेश यांचे मार्गदर्शनाखाली पार पडली. तसेच पोलिस अधीक्षक यांनी माओवाद्यांना माओवादाची हिंसक वाट सोडुन आत्मसमर्पण करुन सन्मानाने जीवन जगण्याचे आवाहन केले आहे.
