अवैधरित्या दारुची वाहतुक करणार्यावर गडचिरोली पोलिसांची मोठी कार्यवाही…

स्थानिक गुन्हे शाखा व चामोर्शी पोलिसांनी केलेल्या  संयुक्तिक कार्यवाहीत अवैध दारुसाठा व चारचाकी वाहनासह एकुण 9,26,000/- रुप मुद्देमाल केला जप्त….

गडचिरोली(प्रतिनिधी) – याबाबत सवीस्तर व्रुत्त असे की,गडचिरोली जिल्ह्रात दारुबंदी असताना अवैधरीत्या छुप्या रीतीने दारु विक्री व वाहतुक केली जाते. त्याविरुध्द पोलिस अधिक्षक निलोत्पल यांचे अवैध दारु विक्री करणा­यांवर अंकुश लावण्याबाबत आदेश सर्व प्रभारींना देण्यात आले होते त्याअनुषंगाने दि 31 मार्च रोजी स्थानिक गुन्हे शाखेचे पथकास गोपनिय बातमीदाराकडून गोपनीय माहिती मिळाली की, मौजा कुनघाडा रै, ता. चामोर्शी, जि. गडचिरोली येथील रहिवासी  गोलु मंडल हा त्याच्या साथीदारासह एका लाल रंगाच्या एक्स यु व्ही 500 या चारचाकी वाहनात चामोर्शी ते घोट कृष्ण नगर मार्गे देशी-विदेशी दारुची वाहतूक करणार आहे.

अशा मिळालेल्या गोपनीय माहितीवरुन सदर मार्गावर पोलिस स्टेशन चामोर्शी व स्थानिक गुन्हे शाखेच्या पथकांनी संयुक्तपणे नाकाबंदी करुन सापळा रचला होता. यादरम्यान पोलिस पथकांना वरील वर्णनाप्रमाणे असलेले संशयीत चारचाकी वाहन भरधाव वेगाने येताना दिसल्यावर पोलीसांनी सदर वाहनाला थांबण्याचा इशारा केला. मात्र वाहन जंगलाच्या दिशेने वळवून आरोपी वाहन जंगलात सोडून पळून गेले.

यानंतर पोलिसांनी सदर वाहनाची तपासणी केली असता, त्यात 1) 180 मिली चे टोयोटा कंपनीच्या एकुण 15 बॉक्स, किंमत 2,16,000/ रुपये, 2) 90 एम एल चे देशी दारूचे एकुण 30 बॉक्स, किंमत 2,10,000/रुपये व 3) एक एक्स यु वी 500 महिंद्रा कंपनीचे चार चाकी वाहन क्रमांक एम एच 49 ए 5925 किंमत अंदाजे 5,00,000/ रुपये असा एकुण 9,26,000/-  रुपयांचा मुद्देमाल कारवाई करुन जप्त केला आहे. संबंधीत घटनेच्या अनुषंगाने पोस्टे चामोर्शी येथे दिलेल्या तक्रारीवरुन कलम 65 (अ), 98 (2), 83 महा. दा. का. अन्वये आरोपी नामे 1) गोलु मंडल रा. कुनघाडा रै, ता. चामोर्शी, जि. गडचिरोली व 2) अज्ञात वाहन चालक यांचे विरुध्द गुन्हा नोंद करण्यात आला आहे. सदर आरोपी हे गुन्हेगारी पार्श्वभुमीचे असून याअगोदरही त्यांच्यावर विविध पोस्टे येथे गुन्हे दाखल आहेत.

सदरची कारवाई पोलिस अधिक्षक नीलोत्पल, अपर पोलिस अधिक्षक (प्रशासन) एम. रमेश यांचे मार्गदर्शनाखाली स्थानिक गुन्हे शाखेचे पोलिस निरीक्षक  अरुण फेगडे, पोस्टे चामोर्शीचे पोनि. अमुल कादबाने, स्थानिक गुन्हे शाखेचे स.पो.नि. भगतसिंग दुलत, पोस्टे चामोर्शी व स्थागुशाचे पोलीस अंमलदार यांनी पार पाडली.