हिंगोली व्यापाऱ्याला खंडणी प्रकरणात,दुकानातील नौकरच निघाला खरा सुत्रधार….
खंडणीसाठी जिवे मारण्याची धमकी देणा-यास १२०० कि.मी. वरून अवघ्या १२ तासात अटक,स्थानिक गुन्हे शाखा हिंगोली व पो.स्टे. वसमत श. ची संयुक्तिक कार्यवाही….
हिंगोली(प्रतिनिधी) – याबाबत सवीस्तर व्रुत्त असे की,दिनांक ०७/०४/२०२४ रोजी वसमत येथील फिर्यादी नामे मनोज दतात्रय दलाल, वय ३८ वर्ष, व्यवसाय कापड दुकान, वसमत यांनी पो.स्टे. वसमत शहर येथे तक्रार दिली की, एका अनोळखी मोबाईल नंबर वरून व्हॉटस्अॅप कॉल करून एक कोटी खंडनी देदो नही तो गोली मारके ठोक देंगे अशी वारंवार धमकी येत आहे अशा पध्दतीची तक्रार दिल्यावरून पो.स्टे. वसमत शहर येथे गुन्हा दाखल करण्यात आला होता. तसेच व्यापारी वर्गामध्ये प्रचंड दहशतीचे वातावरण निर्माण झाले होते.
त्याअनुषंगाने पोलिस अधीक्षक जी. श्रीधर यांनी सदर गुन्हयाचे गांभीर्य लक्षात घेवुन सदर खंडणीखोराचा छडा लावुन तात्काळ अटक करण्यासंदर्भाने स्थानिक गुन्हे शाखेचे पो.नि. विकास पाटील व पो.स्टे. वसमत शहर चे पो. नि. कुंदनकुमार वाघमारे यांना सुचना दिल्या. त्यावरून खंडणीखोराचा मोबाईल नंबर वर कॉल करण्याचा प्रयत्न केला असता तो स्वीच ऑफ अवस्थेत आढळुन येत होता. त्याअनुशंगाने खंडणीखोराच्या मोबाईल नंबरचा अभ्यास करून खंडणीखोराचे मुळ नाव, गाव, पत्ता प्राप्त करण्यासाठी सायबर सेलचे एक विशेष पथक नेमण्यात आले.
सायबर सेल, हिंगोली च्या विशेष पथकाने बंद असलेल्या मोबाईल नंबरचे तांत्रीक विश्लेषन करून माहिती काढली असता सदरचे मोबाईल नंबर हे महेबुब खान अब्दुल खान, वय २४ वर्ष, व्यवसाय वेल्डींग काम, रा. मुसलमानका वास, खेर, ता. पचपदरा, जिल्हा बलोतरा राजस्थान असे असल्याचे निष्पन्न झाले. त्यावरून पोलिस अधीक्षक जी. श्रीधर यांनी बलोतरा पोलिस अधीक्षक कुंदन कवरीया यांना सदर आरोपीचा पत्ता पाठवुन आरोपी पकडणेसाठी मदत करण्याची विनंती केली व पो.स्टे. वसमत शहर चे एक पथक राजस्थानला रवाना केले.
पोलिस पथकाने आरोपी महेबुब खान यास राजस्थान मधुन ताब्यात घेवुन हिंगोली येथे आणुन विचारपुस केली असता त्यास वसमत येथील व्यापा-याची माहिती देणारा इसम नामे फिर्यादी मनोज दतात्रय दलाल यांच्या कापड दुकाणातच काम करणारा कृष्णा तुकाराम बेंडे, वय १९ वर्ष, रा. पळशी, ता.वसमत हा त्याचा पळशी येथील मित्र नामे ज्ञानेश्वर तुकाराम गाडगे, वय २३ वर्ष, धंदा अॅटो चालक, रा. पळशी, ता. वसमत याच्या मार्फतीने मुख्य आरोपी महेबुब खान यास दुकाण मालक मनोज दलाल यास गोळी मारण्याची धमकी देवुन एक करोड रूपये मागण्यास लावुन मुख्य खंडणीचा प्लॅन आखल्याचे निष्पन्न झाले.त्यावरून, आरोपी नामे १) महेबुब खान अब्दुल खान, वय २४ वर्ष, व्यवसाय वेल्डींग काम, रा. मुसलमानका वास, खेर, ता. पचपदरा, जिल्हा बलोतरा राजस्थान, २) ज्ञानेश्वर तुकाराम गाडगे, वय २३ वर्ष, धंदा अॅटो चालक, रा. पळशी, ता. वसमत, ३) कृष्णा तुकाराम बेंडे, वय १९ वर्ष, रा. पळशी, ता. वसमत यास अटक करण्यात आली असुन पोलीस कस्टडी मध्ये ठेवण्यात आले आहे. सदर गुन्हयाचा तपास सपोनि. मांजरमकर हे करीत आहेत.
सदरची कार्यवाही पोलिस अधीक्षक जी. श्रीधर, अपर पोलिस अधीक्षक अर्चना पाटील,उपविभागिय पोलिस अधिकारी ,बसमत मारोती थोरात,स्थानिक गुन्हे शाखेचे पो.नि विकास पाटील, पो.नि. कुंदनकुमार वाघमारे, पो.स्टे. वसमत शहर यांच्या मार्गदर्शनाखाली सपोनि. महादेव मांजरमकर, सपोनि. राजेश मलपिलु, सपोनि. शिवसांब घेवारे, पोउपनि. विक्रम विदुबोने, स्थानिक गुन्हे शाखा, हिंगोली. पोलिस अंमलदार दिपक पाटील, दतात्रय नागरे, इरफान पठाण, ने. सायबर सेल, हिंगोली, राजु गुठ्ठे, प्रभु मोकाडे, डी.जी. मात्रे, ने. पो.स्टे. वसमत शहर, शेख बाबर, गजानन पोकळे, विठ्ठल काळे, गणेश लेकुळे, ने. स्था.गु.शा. हिंगोली यांनी केली आहे.
एका किचकट व दहशत निर्माण करणा-या गुन्हयाचा अवघ्या १२ तासात हिंगोली पोलीसांकडुन छडा लावुन आरोपी अटक केल्यामुळे वसमत मधील व्यापारी वर्गात मोठे समाधानाचे वातावरण आहे.
