गुन्हेगारी क्रुत्य करणाऱ्या सराईत गु्न्हेगारी टोळीवर हिंगोली पोलिस अधिक्षकांची जिल्हाबंदीची कार्यवाही….
हिंगोली – पोलिस अधीक्षक, हिंगोली जी. श्रीधर यांनी हिंगोली जिल्हयातील सराईत गुन्हेगार व अवैध धंदे चालविणाऱ्या विरुध्द तसेच टोळीने गुन्हेगारी कृत्य करणाऱ्या विरुध्द कडक कार्यवाहीची भुमिका घेतल्याने गुन्हे सराईत करणाऱ्या विरुध्द प्रभावी प्रतिबंध कार्यवाही केली जात आहे. पोलिस अधीक्षक साहेब, जी. श्रीधर यांनी आज पोलिस स्टेशन कुरुंदा हद्दीत राहणारे सराईत गुन्हेगार १)नागोराव ऊर्फ पप्पु पिता रावसाहेब बोंगाणे वय २७ वर्ष
२) गोविंद ऊर्फ बाळु पिता देवराव ऊर्फ बाबाराव पावडे वय २५ वर्ष दोन्ही रा. उमरा ता. औंढा नागनाथ जि. हिंगोली
यांचे विरुध्द पोलीस स्टेशन हट्टा व कुरुंदा शरीराविरुध्दचे ०४ गुन्हे दाखल असुन संघटीतपणे एकुण ०२ गुन्हे असुन ते सतत संघटीतपणे गुन्हे करतच आहेत. व त्यांच्या वर्तनात कोणताही बदल होत नसल्याने व त्यांचे अशा गुन्हेगारी प्रवृत्ती व हालचालीमुळे
परिसरातील नागरीकांच्या शरीरा विरुद्ध धोका उत्पन्न होत असल्याने पोलिस अधीक्षक , हिंगोली यांनी सदर प्रकरणी कडक प्रतिबंध कार्यवाही बाबत आदेश दिल्यावरुन एस. एस. तावडे पोउपनि पो.स्टे. हट्टा यांनी नमुद आरोपीतां विरुध्द कलम ५५ महाराष्ट्र पोलिस कायदा अन्वये हद्दपारीचा प्रस्ताव सादर केला होता. सदर प्रस्तावाची प्राथमिक चौकशी उपविभागीय पोलिस अधिकारी, उपविभाग हिंगोली शहर यांनी सविस्तर चौकशी करुन नमुद आरोपींच्या टोळीस हिंगोली जिल्हयातुल हद्दपार करणे बाबत. पोलिस अधीक्षक, हिंगोली यांचे कडे शिफारस केल्यावरुन नमुद प्रकरणी सविस्तर तपासणी करुन पोलिस अधीक्षक, हिंगोली जी. श्रीधर यांनी त्यांना प्राप्त महाराष्ट्र पोलिस अधिनियम कलम ५५ अन्वये नमुद ०२ आरोपींना आज पासुन पुढील ०२ (दोन)
वर्षा करीता हिंगोली जिल्हयातून हद्दपार केले बाबत आदेश काढले आहेत. पोलिस अधीक्षक, जी. श्रीधर यांनी समाजात शांतता नांदावी म्हणुन सराईत गुन्हेगारांची माहिती घेवून त्यांचे बाबत कोम्बीन व ऑलआउट ऑपरेशन मधुन त्यांची नियमित तपासणी तसेच त्यांचे बाबत कडक प्रतिबंधक कार्यवाही करीत आहेत.
