२२ गुन्ह्यांत पाहीजे असलेला आरोपीस सिनेस्टाईल पध्दतीने मानपाडा पोलिसांनी घेतले ताब्यात…
डोंबिवली(प्रतिनिधी) – २२ गुन्ह्यात सहभागी असलेल्या आरोपीला मानपाडा पोलिसांनी आजमगड येथून अटक केली आहे. विशेष म्हणजे मानपाडा पोलिसांच्या पथकाला हा आरोपी पकडण्यासाठी वीटभट्टी कामगारांचा पेहराव करावा लागला. राजेश अरविंद राजभर असे या सराईत गुन्हेगाराचे नाव असून पोलिसांनी तब्बल २१,२६,६००/- रूपये किंमतीचे ३४३.५ ग्रॅम वजनाचे सोन्याचे दागिने हस्तगत केले.
मिळालेल्या माहितीनुसार, फिर्यादी ओमकार भाटकर भोपररोड, देसलेपाडा, डोंबिवली पूर्व येथे राहतात. भाटकर हे रक्षाबंधन सणासाठी आपल्या गावी गेले. दरम्यान दिनांक ३० ऑगस्ट रोजी दुपारी आरोपी राजेश राजभर हा भाटकर यांच्या घराचा दरवाज्याची कडी तोडून सोन्या, चांदीचे दागिने चोरी करून पसार झाला. या घरफोडीची माहिती मिळताच भाटकर यांनी मानपाडा पोलिस ठाण्यात जाऊन तक्रार दाखल केली. पोलिसांनी त्वरित गुरनं ६५० /
२०२३ भादंवि कलम ४५४,३८० प्रमाणे गुन्हा दाखल केला. हा गुन्हा उघडकीस आणण्याच्या दृष्टीने. वरिष्ठांनी गुन्हे प्रकटीकरण पथकाचे अधिकारी व अंमलदार यांना दिलेल्या सुचनांप्रमाणे तपास चालू केला. या गुन्ह्यात आरोपी हा अज्ञात असल्याने त्याच्याबाबत काहीही पुरावा अथवा माहिती नसताना गुन्हे प्रकटीकरण पथकाने अथक परिश्रम करून गुप्त बातमीदार आणि तांत्रिक पध्दतीने कसून तपास केला. पोलीस अभिलेखावर असलेला अट्टल घरफोड्या आणि चोऱ्या करणारा आरोपी राजेश अरविंद राजभर याने हा गुन्हा केल्याची खात्री करून त्यास निष्पन्न केले. त्यानंतर आरोपीचा ठावठिकाण्याबाबत गोपनीय माहिती मिळवली असता तो मुळगाव जि. आजमगड राज्य उत्तरप्रदेश येथे जाऊन स्वताहाची
ओळखल लपवून राहत असल्याची खात्रीशीर माहिती मिळवली. आरोपीच्या शोधासाठी एक पोलीस पथक तयार करून आजमगड, उत्तरप्रदेश येथे पाठविले. पथकाने आरोपीच्या येण्याजाण्याच्या मार्गाची माहिती काढून त्यामार्गावर असलेल्या विटट्भटटी कारखान्यावर थांबून कामगारांप्रमाणे पेहराव करून सापळा रचला. त्यावेळी आरोपी हा त्याची मोटारसायकल पल्सरवर येतांना दिसताच सदर पोलिस पथकाने आरोपीस पत्ता विचारण्याच्या बहाण्याने थांबवले. त्यास उत्तरप्रदेश येथुन ताब्यात घेण्यात आले. त्यानंतर त्याने गुन्ह्याची कबुली दिली म्हणून त्यास अटक केली. आरोपी राजभर कडून पोलिसांनी तब्बल २१,२६,६००/- रूपये
किंमतीचे ३४३.५ ग्रॅम वजनाचे सोन्याचे दागिने असा मुददेमाल हस्तगत केला आहे.आरोपीस दिनांक ०७/११/२०२३ पर्यंत पोलिस कोठडी असून पुढील तपास चालू केला आहे. आरोपीवर २२ गुन्हे
दाखल असून मनापाडा पोलीस ठाणे, महात्मा फुले, पनवेल, अर्नाळा सागरी, अंबरनाथ, कोळसेवाडी, बदलापूर, शिवाजीनगर, डोंबिवली, डायघर या ठिकाणी गुन्हे दाखल आहेत. याबाबत सहाय्यक पोलिस आयुक्त सुनील कुराडे यांनी सांगितले की, आरोपी राजभर अत्यंत एक हार्डक्रिमिनल आहे. ज्याच्यावर या अगोदर २२ गुन्हे दाखल
आहेत. हा अजमगड उत्तर प्रदेश रायपूरचा राहणार असून याला वरिष्ठ पोलिस निरीक्षक अशोक होनमाने आणि त्यांच्या पथकाने उत्तर प्रदेश मध्ये जाऊन पकडले. यापूर्वी नवी मुंबई, मीरा-भाईंदर या ठिकाणी देखील पथक जाऊन आले होते, मात्र त्यांना यश आले नव्हते. मात्र आता मानपाडा पोलिस स्टेशनला आरोपी पकडण्यात
यश आले आहे असून सोनं जप्त केले आहे. एकूण सात गुन्हे उघडकीस आणले आहे. त्यामुळे अतिशय चांगली कामगिरी झालेली आहे. वरिष्ठ पोलिस निरीक्षक अशोक होनमाने आणि त्यांचा टीमला आरोपीला पकडण्यासाठी खूप मेहनत घ्यावी लागली. वीटभट्टीवर कामगारांच्या रूपात वेशांतर करून दोन दिवस त्या ठिकाणी थांबून
त्यानंतर हा आरोपी मोटरसायकलवरुन जात असताना त्याच्यावर झडप घालून त्याला पकडले आहे. त्यानंतर या गुन्ह्याची कबुली केलेली आहे. आरोपीचा यूपीमध्ये त्याचा बंगला असून मोठ्या प्रमाणात पैसे कमवलेले आहेत. गावी तो एैशोआरामात राहत होता आणि मुंबईमध्ये काहीतरी काम करतो असे गावातील लोकांना दाखवायचा.
