हरविलेले लाखोच्या किमतीचे मोबाईल तांत्रीक आधारे शोधुन मुळ मालकास सुपुर्द..नांदेड सायबर पोलिसांची कामगिरी..

नांदेड –  जिल्हयातील सार्वजनिक ठिकाणाहून व बाजारातून महागडे मोबाईल गहाळ झालेल्या मोबाईलचा शोध घेण्याकरीता पोलिस अधिक्षक नांदेड यांनी पोलिस स्टेशन सायबर पोलिस निरीक्षक ओमकांत आनंदराव चिंचोळकर यांना आदेशीत केले होते. त्यानूसार सायबर सेल, स्था.गु.शा. व नांदेड जिल्हयातील सर्व उपविभागाचे पथक तयार करून मिसिंग मोबाईलचा शोध घेण्याची मोहीम राबविण्यात आली होती. त्यानुसार नांदेड येथील उपविभागातील पथकाने व स्थागुशाच्या पथकाने जिल्हयातील गहाळ झालेल्या मोबाईलचा शोध वेगवेगळया ठिकाणी जावून नांदेड जिल्यातील एकूण 114 मोबाईल किंमत 17,48,000/- रूपयाचे हस्तगत केले आहेत. त्यांचे आज एकत्रितरीत्या  पोलिस अधिक्षक यांच्या हस्ते वाटप करण्यात आले. शोध झालेल्या
मोबाईलचे IMEI क्रमांकाची माहिती नांदेड पोलिस दलाचे “Nanded Police” या Facebook Page व Twitter
वर टाकण्यात आली आहे. त्यापैकी नागरीकांनी आपल्या हरवलेल्या मोबाईलचा IMEI क्रमांक ओळखुन सायबर पोलिस स्टेशन नांदेड  येथून मोबाईल घेवून जाण्याचे आवाहन करण्यात येत आहे.
सदरची कार्यवाही ही पोलिस अधिक्षक श्रीकृष्ण कोकाटे, अपर पोलिस अधिक्षक  अबिनाश कुमार, नांदेड डॉ. खंडेराय धरणे, भोकर. गृह पोलिस उपअधिक्षक श्रीमती डॉ. अश्विनी जगताप पोलिस निरीक्षक .डी.जी.चिखलीकर, ओमकांत आनंदराव चिंचोळकर यांच्या मार्गदर्शनाखाली पो.स्टे सायबर पोउपनि जी.बी.दळवी, पोलीस अमंलदार सुरेश वाघमारे, राजेन्द्र सिटीकर, दिपक ओढणे, दाविद पिडगे, मोहम्मद असीफ, व्यंकटेश सांगळे यांनी पार पाडली.
सदर कामगीरी बाबत पोलिस अधिक्षक श्रीकृष्ण कोकाटे यांनी सर्व पथकाचे अभिनंदन केले आहे.