नांदेड शहरात अवैधरित्या शस्त्र विकणारे व बाळगणार्यावर स्थानिक गुन्हे शाखेची कडक कार्यवाही…
नांदेड – शहरात व जिल्हयात अवैधरीत्या शस्त्र विक्री करणारे व बाळगणाऱ्यांवर कार्यवाही करण्यासाठी पोलिस अधीक्षक श्रीकुष्ण कोकाटे यांनी पोलिस निरीक्षक, व्दारकादास चिखलीकर यांना आदेशीत केले होते. त्यानुसार पोलिस निरीक्षक, स्थागुशा, नांदेड यांनी अवैध शस्त्र विक्री करणारे व बाळगणाऱ्यांची माहिती काढून
आरोपीस अटक करण्यासाठी पथके तयार करुन सूचना दिल्या होत्या.त्यानुसार दिनांक 27/10/2023 रोजी गुप्त बातमीदारा मार्फत माहीती मिळाली की, नगीनाघाट परिसरात एक इसम
तलवारी व खंजीर त्याचे किरकोळ साहीत्य विक्रीचे गाडयाचे खाली लपवून ठेवून ग्राहक आल्यास विक्री करीत असल्याची माहिती मिळाली होती.
सदर मिळालेल्या माहितीच्या आधारे नगीनाघाट परिसरात जावून छापा मारला असता सदर इसम दर्शनसिंघ लाभसिंघ, वय 35 वर्ष, व्यवसाय व्यापार, रा. बंगीकला ता. तलवंडी (साबोली) जि. भटींडा राज्य पंजाब याचे गाडयातून 21 तलवारी व 11 खंजीर असाएकूण 36,000/- रुपयांचा मुद्देमाल जप्त केला आहे.
सदर ताब्यातील इसमास पुढील तपासकामी पो.स्टे. वजिराबाद यांचे ताब्यात देण्यात आलेले आहे.
सदरची कामगिरी श्रीकृष्ण कोकाटे, पोलिस अधीक्षक, नादेड, अबिनाश कुमार, अपर पोलिस अधीक्षक, नांदेड, खंडेराव धरणे, अपर पोलिस अधीक्षक, भोकर, यांचे मार्गदर्शनाखाली द्वारकादास
चिखलीकर, पोलिस निरीक्षक, स्थागुशा, नांदेड, सपोनि रवि वाहुळे, सपोनि पांडूरंग माने, सपोउपनि माधव केंद्रे, पोहेकॉ गंगाधर कदम, सुरेश घुगे, अफजल पठाण, बालाजी तेलंग, पोना दिपक पवार,
संजिव जिंकलवाड, तानाजी येळगे, रणधिरसिंह राजबन्सी, / विलास कदम, गजानन बयनवाड, मपोकॉ किरण बाबर, चापोकों गंगाधर घुगे व चापोकॉ हनुमानसिंह ठाकूर यांनी पार पाडली आहे. सदर पथकाचे पोलिस अधीक्षक यांनी कौतुक केले आहे.
