चोरीच्या रिक्षा बनावट क्रमांक लावुन विकणारा चोरट्यास युनीट १ ने केले जेरबंद..,
चोरीच्या रिक्षा घेवुन त्यास बनावट नंबर प्लेट लावुन रिक्षा वापरणार्या आरोपीस ६ रिक्षासह गुन्हेशाखा युनिट १ ने केले जेरबंद….
नाशिक(शहर प्रतिनिधी) – याबाबत सवीस्तर व्रुत्त असे की,पोलिस आयुक्त संदिप कर्णिक यांनी नाशिक शहर परीसरातुन रिक्षा चोरी करणाऱ्या इसमांचा शोध घेवुन त्यांचेवर कारवाई करण्याबाबत आदेशित केले होते. सदरबाबत पोलिस उपायुक्त(गुन्हे) प्रशांत बच्छाव, सहा पोलिस आयुक्त, (गुन्हे शाखा) संदिप मिटके यांनी कारवाई करणेबाबत गुन्हेशाखा युनिट १ यांना मार्गदर्शन केले होते.
त्या अनुषंगाने गुन्हेशाखा युनिट १ मधील पोलिस अधिकारी व अंमलदार हे रिक्षा चोरीच्या गुन्हयातील आरोपीचा शोध घेत असतांना पोहवा विशाल काठे यांना रिक्षा चोरी करणारा इसम भारतनगर परिसरामध्ये फिरत असल्याची गुप्त बातमी मिळाल्याने वपोनि मधुकर कड यांचे मार्गदर्शनानुसार सपोनि/हेमंत तोडकर, पोउपनि चेतन श्रीवंत, पोहवा देविदास ठाकरे, रोहिदास लिलके, पोशि विलास चारोस्कर, समाधान पवार यांचे पथक तयार करून त्यांनी रिक्षा चोरी करणाऱ्या इसमांचा शोध घेतला असता इसम रामनाथ भाउराव गोळेसर वय ४० वर्ष व्यवसाय रिक्षा चालक, रा. विराज कॉलनी, कॅनडा कॉर्नर, नाशिक यास निष्पन्न करुन त्यास त्याचे ताब्यातील चोरीच्या रिक्षा सह मिळुन आल्याने त्याचे ताब्यातुन एक रिक्षा जप्त करण्यात आली आहे.
त्यानंतर त्यास अधिक विचारपुस करता त्याने चोरी केलेल्या आणखी ०५ रिक्षा बाबत माहीती दिली, त्याचे ताब्यातुन एकुण ६,२५,०००/- रूपये किंमतीच्या एकुण ०६ रिक्षा जप्त करण्यात आल्या आहे. सदर रिक्षा चोरी बाबत १) मुंब्रा पोलिस ठाणे, ठाणे शहर येथे । गुरनं ९५८/२०२४ भादविक ३७९ प्रमाणे २) शिवाजीनगर पोलिस स्टेशन, अंबरनाथ, ठाणे शहर येथे गुरनं. १०७८/२०२४ भा.न्या.सं कलम ३०३(२) प्रमाणे ३) कळवा पोलिस ठाणे, ठाणे शहर येथे गुरनं १३५०/२०२४ भा. न्या. सं कलम ३०३(२) प्रमाणे दाखल आहेत. उर्वरित ०३ रिक्षा बाबत तपास चालु आहे. सदर आरोपीतास जप्त मुद्देमालासह पुढील कारवाई कामी शिवाजीनगर पोलिस स्टेशन, अंबरनाथ, ठाणे शहर यांचे ताब्यात देण्यात आले आहे.
सदर कामगिरी पोलिस आयुक्त संदिप कर्णिक, पोलिस उप आयुक्त(गुन्हे) प्रशांत बच्छाव,सहा पोलिस आयुक्त (गुन्हे),संदिप मिटके यांचे मार्गदर्शनाखाली गुन्हे शाखेचे वरिष्ठ पोलिस निरीक्षक मधुकर कड, सपोनि हेमंत तोडकर, पोउपनि चेतन श्रीवंत, पोहवा विशाल काठे, देविदास ठाकरे, रोहिदास लिलके, शरद सोनवणे, प्रदिप म्हसदे, संदिप भांड, नाझिमखान पठाण, धनंजय शिंन्दे, रविंद्र आढाव, उत्तम पवार, विशाल देवरे, पोशि विलास चारोस्कर, जगेश्वर बोरसे, नितीन जगताप, समाधान पवार, सुकाम पवार, मपोशि शर्मिला कोकणी, मनिषा सरोदे, अनुजा येलवे केली आहे.
