स्थानिक गुन्हे शाखेने सराईत गुन्हेगारांना ताब्यात घेऊन केली घरफोडीच्या दोन गुन्ह्यांची उकल…
हरसुल व त्रंबकेश्वर हद्दीत लुटमारीसह घरफोड्या करणारी टोळी नाशिक ग्रामीण स्थानिक गुन्हे शाखेने केली गजाआड…
नाशिक(प्रतिनिधी) – याबाबत सवीस्तर व्रुत्त असे की,दि.२९ नोव्हेंबर २०२४ रोजी रात्रीचे सुमारास त्रंबकेश्वर पोलिस ठाणे हद्दीतील वेळुंजे गावचे शिवारातील रहिवासी भगवान महाले यांचे घरामध्ये अज्ञात आरोपींनी प्रवेश करून सोन्याचे दागिने व रोख रक्कम असा एकुण ५,२३,१७४/- रू. किं.चा मुद्देमाल चोरी करून चोरून नेला होता, सदर बाबत त्रंबकेश्वर पो.स्टे. गुरनं २१०/२०२४ भा.न्या.सं. कलम ३०५ (अ) प्रमाणे गुन्हा दाखल होता.
त्याचप्रमाणे घटनेनंतर हरसुल पोलिस ठाणे हद्दीत दि. १५ डिसेंबर २०२४ रोजी मध्यरात्रीचे सुमारास अज्ञात आरोपींनी वाघेरा शिवारातील रहिवासी अजय धोंगडे यांचे घराचा दरवाजा तोडुन घरामध्ये प्रवेश करून त्यांना व त्यांची आई यांना कोयता व सु-याचा धाक दाखवुन, आरडा ओरड केल्यास मारून टाकु असा दम देवुन अंगावरील व घरातील डब्यात ठेवलेले सोन्याचे दागिने मोबाईल फोन असा एकुण २६,५००/- रू. किं.चा मुद्देमाल जबरीने चोरून नेला म्हणुन यावरुन हरसुल पो.स्टे. गुरनं २६७/२०२४ भा.न्या.सं. कलम ३०९ (४), ३३१ (६), ३५१ (३), ३२४(४), ३(५) प्रमाणे गुन्हा दाखल करण्यात आला होता.
सदर दोन्ही घटनेचे गांभीर्य लक्षात घेता नाशिक ग्रामीण जिल्हा पोलिस अधिक्षक विक्रम देशमाने यांनी जिल्हयातील उघडकिस न आलेले मालाविरुध्दचे गुन्हयांचा आढावा घेवुन, गुन्हे उघडकीस आणण्यासाठी स्थानिक गुन्हे शाखेचे पथकास सुचना दिल्या होत्या. त्यानुसार स्थागुशाचे पोलिस निरीक्षक राजु सुर्वे यांचे पथकाने वरील दोन्ही गुन्हयांमधील अज्ञात आरोपींची गुन्हा करण्याची पध्दत व त्यांनी परिधान केलेले कपडे तसेच बोलीभाषा यावरून सदर आरोपी हे नाशिक शहर परिसरातीलच असल्याचा तर्क लावुन तपास सुरू केला. त्याप्रमाणे खब-यांमार्फत गुप्त माहिती घेवुन नाशिक शहरातील चुंचाळे, अंबड व गंगापुर परिसरातुन सराईत गुन्हेगार १) आदित्य एकनाथ सोनवणे, वय २५, रा. समशेरपुर, ता. अकोले, जि. अहिल्यानगर, हल्ली रा. अंबड, नाशिक २) किरण अविनाश जाधव, वय २३, रा. जाधव संकुल, अंबडलिंक रोड, चुंचाळे शिवार, अंबड, नाशिक ३) गोपाळ मधुकर उघडे, वय २९, रा. वेळुंजे, ता. त्रंबकेश्वर, जि. नाशिक ४) सनी संजय कटारे, वय २१, रा. गंगापुर गाव, ता. जि. नाशिक ५) विधीसंघर्षीतग्रस्त, रा. जाधव संकुल, चुंचाळे शिवार, अंबड, नाशिक यांना निष्पन्न. करुन ताब्यात घेतले
वरील आरोपींना विश्वासात घेवुन सदर गुन्हयांबाबत चौकशी केली असता, त्यांनी त्यांचा साथीदार ६) अजय प्रसाद, रा. जाधव संकुल, अंबड, नाशिक याचेसह मागील दोन महिन्यांमध्ये एर्टिगा कार भाडेतत्वावर ठरवुन त्रंबकेश्वर व हरसुल परिसरात जावुन वरील दोन्ही गुन्हे केल्याची कबुली दिली आहे. सदर आरोपींचे कब्जातुन वरील गुन्हयांतील चोरीस गेलेल्या रकमेपैकी १७,०००/- रोख रक्कम हस्तगत करण्यात आली आहे. ताब्यात घेतलेले वरील आरोपींना हरसुल पोलीस ठाणे येथे हजर करण्यात आले आहे.
यातील आरोपी हे सराईत गुन्हेगार असुन त्यांचेवर यापुर्वी नाशिक शहर, नाशिक ग्रामीण व अहिल्यानगर जिल्हयामध्ये दरोडा, जबरी चोरी, घरफोडी, आर्म अॅक्ट, दुखापत यासारखे गंभीर स्वरूपाचे गुन्हे दाखल आहेत. सदर आरोपीतांनी कबुली दिल्यावरून घरफोडी व जबरीचोरी असे एकुण ०२ गुन्हे उघडकीस आले असून आणखी गुन्हे उघडकीस येण्याची शक्यता आहे.
सदरची कामगिरी नाशिक ग्रामीण जिल्हा पोलिस अधिक्षक विक्रम देशमाने, अपर पोलिस अधिक्षक आदित्य मिरखेलकर यांचे मार्गदर्शनाखाली स्थानिक गुन्हे शाखेचे पोलिस निरीक्षक राजु सुर्वे, सपोनि संदेश पवार, सफौ नवनाथ सानप, शिवाजी ठोंबरे, पोलिस अंमलदार संदिप नागपुरे, विनोद टिळे, किशोर खराटे, हेमंत गिलबिले, प्रदिप बहिरम, प्रविण गांगुर्डे, सतिष जगताप, योगेश पाटील, सचिन देसले, बापु पारखे यांचे पथकाने वरील आरोपींना ताब्यात घेवुन वरील गुन्हे उघडकीस आणलेले आहे.
