ऐन दिवाळीत घरफोड्या करणारा अट्टल चोरटा गजाआड; लाखोंचा मुद्देमाल जप्त
परभणी(प्रतिनिधी) – परभणी मध्ये घरफोडी करणाऱ्या अट्टल चोरट्यास पकडण्यात एलसीबी च्या पथकाला यश मिळाले आहे, फिर्यादी ऊत्तम नेमाजी भुजबळ, (रा. लोकमान्य नगर परभणी), अखिलेश नंदकुमार वैद्य (रा. श्रीराम नगर, परभणी) आणि विजय पांडुरंग जांबुतकर (रा. आनंद नगर, परभणी) यांनी घरफोडीच्या दिलेल्या तक्रारीवरून बबलूसींग गोपालसींग टाक, वय 40 वर्षे (रा.दत्तनगर कोरेगाव रोड, परभणी) या आरोपीविरुद्ध गुरक्र 459/2023, 478/2023 आणि 479/2023 भादवि कलम 454,457,380 अंतर्गत गुन्हा नोंदवला होता.त्या अनुषंगाने तपास सुरु असतांना
ऐन दिवाळीत परभणी शहरात घरफोड्या झाल्या होत्या त्यावरून पोलिस अधीक्षक श्रीमती रागसुधा आर.यांनी आरोपींचा शोध घेऊन सदर गुन्हे उघडकीस आणण्याबाबत स्था.गु.शा. च्या पथकाला आदेश व मार्गदर्शक सुचना दिल्या होत्या. त्यावरून तांत्रीक विश्लेशनाच्या आधारे व गोपनीय माहितगारांच्या मदतीने त्या भागातील संशयीतांचा शोध घेऊन स्था.गु.शा. च्या पथकाने वरील आरोपीस ताब्यात घेतले असता त्याने वरील तीन गुन्हे केल्याचे कबूल केले असून त्याच्याकडून 3,03,780/- रुपयांचे सोन्याचे दागीने, 6,500/- रुपयांचा 1 ओनिडा कंपनीचा कलर टिव्ही, घरातील देवपुजा करण्याचे 1700/- रुपयांचे तांब्याचे पात्र, 700/- रुपयांचे तांब्याचे गडवे, 2,500/- रुपयांची विद्युत शिलाई मशीन, 2500 रू. इलेक्ट्रिक कामासाठी वापरली जाणारी ड्रील मशीन, 8200/- रू. सोन्याचे दागिने आणि 310 ग्रॅम वजनाचे चांदीचे दागिने असा एकूण जवळपास 3,22,180/- रुपयांचा मुद्देमाल हस्तगत करण्यात आलेला आहे.
सदरची कारवाई पोलिस अधीक्षक श्रीमती रागसुधा आर व अपर पोलिस अधीक्षक यशवंत काळे यांच्या मार्गदर्शनाखाली वसंत चव्हाण, पोनि. स्था.गु.शा., पी.डी. भारती, सपोनि. पोउपनि अजित बिरादार, गोपीनाथ वाघमारे, पोलिस अंमलदार बालासाहेब तुपसुंदरे, विलास सातपुते, विष्णु चव्हाण, मधुकर ढवळे, भदरगे, दिलावर पठाण, निलेश परसोडे, रफियोद्दीन शेख, आशा सावंत, जयश्री आव्हाड, हुसेन पठाण, संजय घुगे, मुरकुटे सर्व ने.स्था.गु.शा.यांनी केली आहे.
