आळंदी परीसरात अवैधरित्या ज्वलनशील असलेल्या गॅस सिलेंडरचा साठा करणारे व विकणारे खंडणी विरोधी पथकाच्या ताब्यात…
पिपरी चिंचवड(महेश बुलाख) – सवीस्तर व्रुत्त असे की पोलिस आयुक्त विनयकुमार चौबे यांनी पिंपरी चिंचवड पोलिस आयुक्तालय हद्दीमधील अवैध धंद्यांची माहिती काढून, कडक कारवाई करणेबाबत सुचना दिलेल्या होत्या. त्यानुसार पोलिस उपायुक्त गुन्हे यांचे मार्गदर्शनाखाली गुन्हे शाखेकडील खंडणी विरोधी पथकाचे वरीष्ठ पोलिस निरीक्षक अरविंद पवार, सहा. पोलिस निरीक्षक उध्दव खाडे व अंमलदार हे अवैध धंद्यांची माहिती काढत असतांना पोलिस हवालदार प्रदीप गोडांबे यांना बातमी मिळाली की,आळंदी, मरकळ रोड, धानोरेफाटा येथील पत्र्याचे खोलीत एक इसम घरगुती भरलेल्या सिलबंद गॅस सिलेंडर मधुन छोट्या रिकाम्या ४ किलो च्या गॅस सिलेंडरमध्ये गॅस अवैधरित्या रिफील करुन त्या विक्री करत आहे.” अशी खात्रीशीर माहिती मिळाल्याने, खंडणी विरोधी पथकाचे वरीष्ठ पोलिस निरीक्षक अरविंद पवार यांनी सहा पोलिस निरीक्षक
उध्दव खाडे यांना स्टाफसह रवाना केले. खंडणी विरोधी पथकाचे अधिकारी व अंमलदार यांनी मिळालेल्या बातमीचे ठिकाणी ०२ तास सर्च ऑपरेशन करुन, एका पत्र्याचे खोलीत सुरु असलेल्या बेकायदेशीर गॅस रिफीलींग करीत असलेल्या ठिकाणी छापा मारला. छाप्यामध्ये इसम
संदीप नरसिंग लांडगे वय-२४ वर्षे रा. देवनिवास बिल्डिंग, रुम नं. १, ठाकूरवस्ती, मरकळ रोड, आळंदी, पुणे
हा मिळून आला. तसेच सदर ठिकाणी ६२,८००/-रुकिंचा एकुण मुद्देमाल त्यामध्ये ०८ घरगुती वापराचे सिलेंडर, ०१ व्यवसायिक सिलेंडर, १३ लहान गॅस भरलेले सिलेंडर, ३७ रिकामे लहान सिलेंडर, ०५ पितळी रीफीलर नोजल, ०२ गॅस रिफिलिंग सर्किट असे साहित्य मिळून आल्याने ते जप्त करुन, सदर इसमांविरुध्द आळंदी पोलिस ठाणे गुन्हा रजि. नं. ३०९ / २०२३ भा.दं.वि कलम ४२०, २८५,२८६ सह जिवनावश्यक वस्तुचा कायदा १९५५ चे कलम ३,७ सह स्फोटक पदार्थ अधिनियम सन १९०८ चे कलम ५ अन्वये गुन्हा दाखल करुन, आरोपीस पुढील कार्यवाहीकामी आळंदी पोलिस ठाणे यांचे ताब्यात देण्यात आले आहे.
सदरची कारवाई विनय कुमार चौबे, पोलिस आयुक्त पिंपरी चिंचवड, डॉ. संजय शिंदे पोलिस सह आयुक्त, वसंत परदेशी अपर पोलिस आयुक्त,. स्वप्ना गोरे, पोलिस उपायुक्त, गुन्हे, सतिश माने, सहा. पोलिस आयुक्त, गुन्हे यांचे मार्गदर्शनाखाली अरविंद पवार, वरिष्ठ पोलिस निरीक्षक, सहा. पोलिस निरीक्षक उध्दव खाडे, खंडणी विरोधी पथकाचे पोलिस अंमलदार प्रदीप गोडांबे, आशिष बोटके, किरण काटकर यांचे पथकाने केली आहे.
