खंडणीसाठी डांबुन ठेवलेल्या तामीळनाडु येथील युवकाची गुन्हे शाखेने सुखरुप केली सुटका…
डांबून ठेवलेल्या तामिळनाडू येथील एका युवकाची सुरक्षित सुटका करून ६ आरोपींना गुन्हे शाखेने घेतले ताब्यात घेऊन केले गजाआड, गुन्हे शाखा व दरोडा व वाहन चोरी पथक 2 ची कामगिरी…
पुणे(शहर प्रतिनीधी) – एक इसम वय 35 रा.तिरुवन्नामलाई, तामिळनाडू हा दि 06 जानेवारी 2025 रोजी तमिळनाडू येथून मुंबई करता निघाला होता.त्यानंतर दि 09 जानेवारी 2025 रोजी सकाळी 09 ते 10 च्या दरम्यान पीडित इसम याने त्याचे फोन वरून त्याचे नातेवाईकांना तिरुवन्नामलाई तामिळनाडू येथे फोन करून कळवले की त्याला काही लोकांनी किडनॅप केलेले आहे. आणि त्याला हॉटेलवर नेऊन फार मारहान करत आहेत,पैशाची मागणी करत आहेत व ते पुणे शहरात आहेत. याबाबत पोलिस उपायुक्त गुन्हे निखिल पिंगळे यांच्याकडून माहिती मिळाल्यानंतर वरिष्टांच्या मार्गदर्शनाखाली गुन्हे शाखेच्या पथकांनी दुपारी 3.00 वा. पासून तांत्रिक माहितीच्या आधारे सतत फुरसुंगी, कुंजीरवाडी ,शेवाळवाडी, त्यानंतर शिक्रापूर नगर रोड या परिसरात तपास करून यातील पीडित इसम यास सुरक्षितरित्या दि. 09 जानेवारी 2025 रोजी रात्री मुक्तता करून खालील नमूद आरोपी यांना ताब्यात घेतलेले.1) मोहम्मद फर्मान मेहेरबान वय 27 वर्ष 2) अर्जुन कुमार शिवकुमार वय 28 वर्ष दोन्ही रा. नरूलापूर तहसील बिजनोर उत्तर प्रदेश 3) देवेंद्र सुनील अलभर वय 25 वर्ष रा देवपैठण तालुका श्रीगोंदा जिल्हा अहमदनगर 4) अंकित अर्जुन अडागळे वय 25 वर्ष रा.पवई आयआयटी मार्केट मुंबई 5) अविनाश दत्तात्रय कदम वय 43 वर्ष रा.शिक्रापूर मलटण फाटा शिक्रापूर 6) प्रियांक राणा देवेंद्र राणा वय 33 वर्ष रा. 401/1 न्यू आदर्श नगर रुडकी जिल्हा हरिद्वार राज्य उत्तराखंड यांना ताब्यात घेतले
याबाबत सवीस्तर व्रुत्त असे की,वर नमुद आरोपींनी दि. ०८ जाने २०२५ व ०९ जाने २०२५ रोजी फिर्यादी याना आणून त्यांचे बिन्नास प्रा.ली कंपनीचे मॅनेजर यांचे मधे झालेल्या ३००० यू.एस.डॉलर DT करंसी खरेदीचे आर्थिक व्यवहाराचे कारणावरून फिर्यादी याना पिंगरा हॉटेल सोलापूर रोड हडपसर पुणे येथे हाताने मारहाण करून धमकी देऊन बेकायदेशीर डांबून ठेवले होते अशी माहीती समजल्याने फिर्यादी यांचा सविस्तर जबाब नोंद करून हडपसर पोलिस स्टेशन येथे गु. र.क्र. ४६/२०२५ भारतीय न्याय संहिता कलम १२७(७),३५१ (२),११५(२),३(५) अन्वये कारवाईसाठी वरिष्ठांचे मार्गदर्शना प्रमाणे हडपसर पोलिस स्टेशन येथे नमूद पिडीत व आरोपीस हजर केले .पुढील तपास हडपसर पो ठाणे करत आहे .
सदरची कामगिरी.पोलिस आयुक्त अमितेश कुमार,सह पोलिस आयुक्त .रंजनकुमार शर्मा ,.अप्पर पोलिस आयुक्त गुन्हे .शैलेश बलकवडे,.पोलिस उप आयुक्त गुन्हे निखील पिंगळे,.सहा. पोलिस आयुक्त गुन्हे (2).राजेंद्र मुळीक, यांचे मार्गदर्शना खाली पो.निरी विजय कुंभार (AEC-2), पो.निरी संदिपान पवार (ADS-2), पो.निरी. युवराज हांडे (Unit 5) , पो.निरी.पठाण (Unit-6), सहा पो.निरी.सी.बी.बेरड, ADS-2 तसेच ADS-2, AEC-2, UNIT 5,व 6 चे स्टाफ यांनी केली आहे.
