सराफ व्यवसायिकाला लुटणारी टोळी गजाआड; स्थागुशा पुणे ग्रामीण ची कारवाई
सराफ व्यवसायिकाला लुटणारी टोळी गजाआड; स्थागुशा पुणे ग्रामीण ची कारवाई
पुणे – दुकानातील सोने चांदीचे दागिने घेवून घरी जात असताना एका सराफ व्यवसायीकाला दुचाकी स्वारांनी सिनेस्टाईल पद्धतीने लुटाल्याचा प्रकार समोर आला आहे. सलग दहा दिवस सीसीटीव्ही फुटेज तपासण्यात आले. गुन्हा करून आरोपी हे त्यांचेकडील दोन पल्सर मोटार सायकलवरून शिवापूर-राठवडे-आंबवणे मार्ग कापूरहोळ बाजूकडे गेल्याचे आढळून आले. परंतु अनोळखी आरोपींची ओळख पटली नसल्याने गुन्हा उघडकीस आणणे हे पोलीसांसमोर आव्हान होते. गुन्हा कितीही गंभीर असला तरी पण त्या गुन्ह्याच्या तपासात सातत्य ठेवल्यास त्याची उकल होतेच, हे पोलिसांनी दाखवून दिले आहे.
राजगड पोलिस स्टेशन हद्दीतील शिवापूर वाडा गावच्या हद्दीतील आकांक्षा ज्वेलर्स चे मालक यशवंत राजाराम महामुनी रा.शिवापूर ता. हवेली जि.पुणे हे दि.०५ नोव्हेंबर रोजी रात्री ०९/०० वा.सु. दुकानातील सोने चांदीचे दागिने घेवून घरी जात असताना कोंढणपूर रोडवर दोन पल्सर मोटार सायकलवरील अनोळखी इसमांनी त्यांना धक्काबुक्की करून जबरदस्तीने त्यांचे ताब्यातील सोन्या-चांदीचे दागिने एकूण ६,५८,०००/- रू किं. चे चोरून नेले होते. त्याबाबत त्यांनी राजगड पो स्टे येथे फिर्याद नोंदविली होती.
सदर गुन्हयाचा समांतर तपास स्थानिक गुन्हे शाखा, पुणे ग्रामीण चे वतीने सुरु केला असता, अंकित गोयल साो., पोलिस अधीक्षक, पुणे ग्रामीण यांनी गुन्हा उघडकीस आणण्याच्या अनुषंगाने मार्गदर्शक सुचना दिल्या होत्या, गुन्हयाचे अनुषंगाने सीसीटीव्ही फुटेज तपासण्यात आले तसेच तांत्रिक विश्लेषण करण्यात आले. नंतर सलग दहा दिवस सीसीटीव्ही फुटेज तपासण्यात आले. गुन्हा करून आरोपी हे त्यांचेकडील दोन पल्सर मोटार सायकलवरून शिवापूर- राठवडे-आंबवणे मार्ग कापूरहोळ बाजूकडे गेल्याचे आढळून आले. परंतु अनोळखी आरोपींची ओळख पटलेली नसल्याने गुन्हा उघडकीस आणणे हे पोलीसांसमोर आव्हान होते. स्थानिक गुन्हे शाखेच्या पथकाने सदर गुन्हयाचे अनुषंगाने आजूबाजूचे परीसरातील गोपनीय बातमीदार सतर्क केले तसेच रेकॉर्डवरील सराईत गुन्हेगारांची माहिती प्राप्त करण्यास सुरूवात केली असता, गोपनीय बातमीदाराकडून मिळालेल्या माहितीच्या आधारे सदरचा गुन्हा हा सराईत गुन्हेगार नामे १) निलेश पांडुरंग डिंबळे रा. कल्याण, ता. हवेली, जि.पुणे याने त्याचे साथीदार नामे २) रोहित साठे रा. सहकारनगर अण्णाभाऊ साठे वसाहत नं २ पुणे, ३) निखिल कांबळे रा.लेन नं.०६, बिबवे नगर, अप्पर पुणे ४) साहील पटेल रा.आंबेडकर वसाहत लक्ष्मीनगर पुणे ५) निलेश दशरथ झांजे, रा. वडगाव झांजे, ता. हवेली, जि.पुणे, व इतरांच्या मदतीने केला असल्याची खात्रीशीर माहिती मिळाल्याने त्यांचा शोध घेवून आरोपी नामे १) रोहित ऊर्फ बाबा प्रकाश साठे (वय २५ वर्षे), रा. सहकारनगर, आण्णा भाऊ साठे वसाहत नं. ०२ पुणे २) निखिल भगवंत कांबळे, (वय २८ वर्षे), रा. आई माता मंदिर, लेन नं.०६, बिबवेनगर, अप्पर पुणे ३) निलेश दशरथ झांजे, (वय २५ वर्षे), रा.वडगाव झांजे, भैरवनाथ मंदिराजवळ, ता. वेल्हे, जि. पुणे ४) शफीक मकसूद हावरी (वय १९ वर्षे), रा.निलकमल सोसायटी इंदीरानगर कुंभारवाडा, यांना ताब्यात घेण्यात आले. त्यांनी गुन्हा केल्याचे निष्पन्न झाले असून त्यांचेकडून गुन्हयातील चोरी गेलेले साडे आठ तोळे वजनाचे सोन्याचे व तीन किलोग्रॅम वजनाचे चांदीचे दागिने असा एकूण ६ लाख ५८ हजार रुपये किंचा मुद्देमाल हस्तगत करून गुन्हयात वापरलेली मोटारसायकल जप्त करण्यात आलेली आहे.
अशा प्रकारे सदरची कामगिरी पोलिस अधीक्षक अंकित गोयल, पुणे ग्रामीण, अपर पोलिस अधीक्षक आनंद भोईटे पुणे विभाग, उपविभागीय पोलिस अधिकारी तानाजी बरडे सो यांचे मार्गदर्शनाखाली स्थानिक गुन्हे शाखेचे पोलिस निरीक्षक अविनाश शिळीमकर, राजगड पोस्टेचे पोलिस निरीक्षक आण्णासाहेब घोलप, स्था.गु.शा. सपोनि नेताजी गंधारे, पोउपनि प्रदीप चौधरी, अभिजीत सावंत, पोलिस अंमलदार प्रकाश वाघमारे, सचिन घाडगे, राजू मोमीण, अतुल डेरे, चंद्रकांत जाधव, मंगेश थिगळे, विक्रम तापकीर, विजय कांचन,अजित भुजबळ, राहुल घुबे, दत्ता तांबे, निलेश शिंदे,अमोल शेडगे, तुषार भोईटे, मंगेश भगत, धिरज जाधव,अक्षय सुपे यांनी केली आहे. आरोपी सध्या पोलिस कोठडी रिमांड मध्ये असून पुढील तपास राजगड पोलिस स्टेशनचे पोनि. आण्णासाहेब घोलप, सपोनि नितीन खामगळ, पोलिस अंमलदार राहुल कोल्हे हे करत आहेत.
