अल्पवयीन मुलीला दारु पाजुन दोघांनी केला लैंगिक अत्याचार,आरोपींना शोधण्यासाठी दोन पथके रवाना…
आर्वी(वर्धा) – सवीस्तर व्रुत्त असे की आर्वी तालुक्यातुन एक धक्कादायक घटना समोर आली आहे. येथील एका गावात रात्रीच्या सुमारास एक भयानक घटना घडली आहे. याठिकाणी अल्पवयीन मुलीला कारमध्ये बसवून दारू पाजत एकाने बळजबरी अत्याचार केल्याची घटना घडली आहे याबाबत आर्वी पोलिसांनी दोघांविरुद्ध गुन्हा दाखल केला आहे. त्यांच्या शोध घेण्यासाठी स्थानिक गुन्हे शाखेचे पथक आणि आर्वी पोलिसांचे पथक रवाना झाले आहे. सध्या या घटनेत कोण कोण होत याबाबत पोलिस तपास करत आहेत.
या घटनेमुळे मात्र तालुक्यात खळबळ उडाली आहे. रहिवासी पिडीता ही १७ वर्षाची असुन तिला तिच्या गावातीलच अशपाक शॅा आणि शुभम पानबुडे नामक तरुणांनी कारमध्ये जबरदस्तीने बसवले. गावाबाहेरील रस्त्यावर नेत कारमध्येच बळजबरीने दारू पाजली.व नजीकच्या जंगलातील झुडपात नेऊन तिच्यावर लैंगिक अत्याचार केला. तिने कसबसा आपला जिव वाचवून पोलिसांना हा घडलेला प्रकार सांगितला. पोलिसांनी तत्काळ दोन्ही आरोपींविरुद्ध गुन्हा दाखल केला असुन. याबाबत तपास देखील सुरू केला आहे. लवकरच या आरोपींना अटक करण्यात येणार असल्याचे पोलिस निरीक्षक प्रशांत काळे यांनी सांगितले.
तसेच या घटनेमुळे परीसरात संताप व्यक्त केला जात आहे. यासाठी स्थानिक गुन्हे शाखेचे एक पथक आणि आर्वी पोलिसांचे एक अशी दोन पथके आरोपींच्या मार्गावर आहेत. दरम्यान, घटनेनंतर कुटूंबाला एकच धक्का बसला आहे.
