शेती पंपाची चोरी करणारे हिंगणघाट डि बी पथकाचे ताब्यात,मुद्देमालासह तिघांना घेतले ताब्यात….

शेती साहित्याची चोरी करणारे चोरटे हिंगणघाट पोलीसांच्या जाळयात,मुद्देमालासह तिंघांना घेतले ताब्यात….

हिंगणघाट(वर्धा)प्रतिनिधी – याबाबत सवीस्तर व्रुत्त असे की,प्रकाश हरिभाऊ रोकडे रा नांदगाव जि. वर्धा यांनी पोलिस स्टेशन हिंगणघाट येथे तक्रार दिली की, दि. 31/03/2025 चे 07.30 वा दरम्यान तक्रारदार हे त्यांचे बोरगाव शिवारातील शेतात गेले असता त्यांना शेतातील बंड्यामध्ये  शेती ओलीत करण्याकरता ठेवलेल्या दोन मोटार पंप मोटार दिसून आले नाही. तेव्हा त्यांनी कोणीतरी अज्ञात चोरट्याने बंड्यातून बंड्याचे कुलूप तोडून 1)5Hp ची मोटार पंप की.25000 रु.,2) 7.5Hp मोटार पंप की 7000 रू असा जु. किं.32000/- रु चा माल चोरून नेल्याबाबत प्रकाश हरिभाऊ रोकडे रा नांदगाव जि. वर्धा यंचे तक्रारी वरून अज्ञात आरोपीविरूध्द चोरीचा सदरचा गुन्हा नोंद केला असून सदर गुन्हयांतील तपास सुरू होता

वरीष्ठांचे आदेशानुसार सदर गुन्ह्याचा तपास हा पोलिस स्टेशन हिंगणघाट येथील डि बी पथक यांचेकडे देण्यात आला त्यानुसार दि 09/06/2025 रोजी रात्र दरम्यान पोलिस स्टेशन हिंगणघाट येथील डि.बी. पथकाचे पोलीस हवालदार प्रशांत ठोबरे.नापोशि  राहुल साठे पोशि आशिष नेवारे, मंगेश वाघमारे,हे त्याचे पथकासह पोस्टे परिसरात पेट्रेलिंग करीत असता नंदोरी कडून हिंगणघाट कडे एका पल्सर मोटर सायकलवर तीन इसम तोंडाला बांधून संशयितरित्या फिरताना दिसून आल्याने त्यांचा पाठलाग करून त्यांना ताब्यात घेऊन विचारपूस केली असता त्यांनी त्यांचे नाव 1) व्‍यंकटी मारुती दांडेकर वय 26 वर्ष रा. टेंम्युर्डा 2) तुषार गहूजी पाल व 24 वर्ष राहणार टाकळी तालुका वरोरा जिल्हा चंद्रपूर 3) हेमंत विनोदराव चौधरी व 34 वर्ष राहणार शेगाव तालुका समुद्रपूर जिल्हा वर्धा असे सांगून त्यांच्या जवळील थैलीची पाहणी केली असता पहिली मध्ये लोखंडी कटर, स्क्रू ड्रायव्हर मिळून आल्याने त्यांना पोलीस स्टेशनला आणून अधिक विचारपूस केली असता त्यांनी दोन महिन्यापूर्वी हिंगणघाट नांदगाव येथील परिसरामध्ये मोटरपंप चोरी केल्याचे सांगितले

सदर चोरीतील दोन्ही मोटर पंपबाबत आरोपी क्रमांक 03 हेमंत विनोदराव चौधरी व 34 वर्ष राहणार शेगाव तालुका समुद्रपूर जिल्हा वर्धा याचेकडे चौकशी केली असता ते त्याने त्याचे शेतात लपवुन ठेवल्याचे सांगीतले यावरुन डी बी पथकाने त्याचे शेतातील बंड्याची पाहणी केली असता दोन मोटर पंप मिळून आल्याने जप्ती पंचनामा कारवाई दरम्यान जप्त करून आरोपीता कडून 1) )5Hp ची मोटार पंप की.25000 रु.,2) 7.5Hp मोटार पंप की 7000 रू 3) एक बजाज कंपनीची पल्सर मोटरसायकल क्रमांक MH 34 CC 0415 की.1,00,000/- रु 4) एक लोखंडी मोठे कटर की.600 रु 5) स्क्रू ड्रायव्हर की.100रु असा एकूण जुमला किंमत 1,32,700/-  रु चा मुद्देमाल जप्त करण्यात आला असुन सदर गुन्हयांचा पुढील तपास हिंगणघाट पोलीस करीत आहे.

सदरची कामगिरी पोलिस अधिक्षक अनुराग जैन, अपर पोलिस अधीक्षक डॅा सागर रतनकुमार कवडे  यांच्या मार्गदर्शनात उपविभागीय पोलिस अधीकारी हिंगणघाट रोशन पंडीत, पोलिस निरीक्षक देवेंद्र ठाकुर ठाणेदार पोलिस स्टेशन हिंगणघाट यांचे आदेशाने डीबी पथकाचे पो हवा प्रशांत ठोबरे.नापोशि राहुल साठे पोशि आशिष नेवारे, मंगेश वाघमारे यांनी केली