सराईत घरफोड्या अक्षय स्थागुशा च्या ताब्यात,२ घरफोडीचे व १ मोटारसायकल चोरीचा गुन्हा केला उघड…

स्थानिक गुन्हे शाखेने उघड केले घरफोडीचे दोन गुन्हे व मोटर सायकल चोरीचा एक गुन्हा,एक आरोपी ताब्यात…

यवतमाळ(प्रतिनिधी) – याबाबत सवीस्तर व्रुत्त असे की,यवतमाळ जिल्हयात वाढत्या चोरी, घरफोडी व मोटर सायकल चोरी चे गुन्हयांना प्रतिबंध  करण्यासाठी व घडलेले गुन्हे उघडकीस आणण्या करीता पोलिस अधीक्षक डॉ. पवन बन्सोड यांनी पोलिस निरीक्षक स्थानिक गुन्हे शाखा, यवतमाळ यांना आदेशीत केले होते त्याच अनुषंगाने पोलिस निरीक्षक स्थानिक गुन्हे शाखा, यवतमाळ यांनी त्यांचे अधिनस्त पथकांना अभिलेखावरील गुन्हेगारांची गोपनिय माहीती काढुन गुन्हे उघडकीस आणने बावत सुचना दिल्या होत्या.
त्यानुसार दिनांक १६/०२/२०२४ रोजी पोलिस निरीक्षक स्थानिक गुन्हे शाखा, यांचे आदेशानुसार स्थागुशा चे पथक प्रलंबित गुन्हयाचे समांतर तपासकामी पेट्रोलींग करीत असतांना गोपनिय माहीती मिळाली की, जेल मधुन सुटलेला व रेकॉर्डवरील सराईत गुन्हेगार इसम नामे अक्षय दयाराम मसराम याने घरफोडया व मोटर सायकल चोरी केली असुन तो चोरीची अॅक्टीवा मोपेड घेवुन आर्णी रोड, भोयर बायपास परिसरात फिरत आहे. अशा माहितीवरुन नमुद इसमाचा शोध घेवुन इसम नामे अक्षय दयाराम मसराम वय ३० वर्ष रा. नेताजी नगर, यवतमाळ यास स्थागुशाचे पथकाने अत्यंत शिताफीने ताव्यात घेवून विचारपुस केली असता आरोपी इसम नामे याने आण रोड वडगांव परिसरात दोन घरफोडया व एक अॅक्टीवा मोपेड चोरी केल्याची कबुली देवुन गुन्हयात चोरी केलेली १) सोन्याचे दागीणे वजन ३६ ग्रॅम ७८ मीली कि.बाजार भावाप्रमाणे २,२२,८००/- रु २) दोन नग मोबाईल फोन कि. ४०,०००/- रु ३) एक अॅक्टीवा ०६ जी मोपेड क्रमांक एम.एच. २९ वि.यु. ३७२१ कि.अं. ८०,०००/- रु असा एकुण ३,४२,८००/- रु चा मुद्देमाल जप्त करण्यात आला आहे.
नमुद प्रकरणात पोलीस स्टेशन अवधुवतवाडी येथील

१) अपराध क्रमांक ५१/२०२४ कलम ४५४, ३८० भादवि

२) अपराध क्रमांक ६६/२०२४ कलम ४५४, ३८० भादवि

३) अपराध क्रमांक ७५/२०२४ कलम ३७९ भादवि

असे तिन गुन्हे उघडकीस आणले असुन गुन्हयातील आरोपीस पुढील तपासकामी पोलिस स्टेशन अवधुतवाडीचे ताब्यात देण्यात
आले आहे.
सदरची कारवाई  पोलिस अधीक्षक यवतमाळ डॉ. पवन बन्सोड, अपर पोलिस अधीक्षक पीयुष जगताप, यांचे मार्गदर्शनात आधारसिंग सोनोने पो.नि. स्थागुशा, सपोनि विवेक देशमुख, पोउपनि धनराज हाके, पोलीस अंमलदार बंडु डांगे, सैयद साजीद, योगेश गटलेवार, अजय डोळे, रुपेश पाली, रितुराज मेडवे, धनंजय श्रीरामे, योगेश टेकाम यांचे पथकाने पार पाडली आहे.