चोरीचा १.२५ लाखांचा मुद्देमाल हस्तगत; हिंगणघाट पोलिसांची मोठी कारवाई
हिंगणघाट: टिनाचे शेड फोडून १ लाख २५ हजारांचा मुद्देमाल लांबविणाऱ्या चोरट्यांच्या मुसक्या आवळल्या; डीबी पथकाची धडक कारवाई
हिंगणघाट (दिनांक २८ ऑक्टोबर २०२६): स्थानिक पोलीस स्टेशन हिंगणघाट अंतर्गत ढोकपांडे ले आऊट परिसरातील एका टीनाच्या शेडमधून लोखंडी रॉड, कॉपर केबल, बॅटरी व इतर साहित्यासह एकूण १ लाख २५ हजार रुपयांचा ऐवज चोरणाऱ्या चोरट्यांच्या विरोधात पोलिसांनी धडक कारवाई केली आहे. या प्रकरणी एका मुख्य आरोपीला ताब्यात घेण्यात आले असून, त्याच्याकडून चोरीचा संपूर्ण मुद्देमाल जप्त करण्यात आला आहे. या कारवाईमुळे हिंगणघाट परिसरात खळबळ उडाली आहे.
गुन्ह्याची पार्श्वभूमी व फिर्याद
पोलीस सूत्रांकडून मिळालेल्या माहितीनुसार, फिर्यादी सुरज झित्रुजी आस्कर (वय ३३ वर्षे, रा. इंदिरा गांधी वार्ड, हिंगणघाट) यांनी पोलीस स्टेशन हिंगणघाट येथे येऊन तोंडी रिपोर्ट दिला होता. त्यांच्या मालकीच्या ढोकपांडे ले आऊट येथील एका टीनाच्या शेडमध्ये ठेवलेला लोखंडी माल, कॉपर वायर आणि ट्रॅक्टरची बॅटरी अशा साहित्यावर अज्ञात चोरट्यांनी डल्ला मारल्याचे फिर्यादीत म्हटले होते.
या तक्रारीवरून पोलीस स्टेशन हिंगणघाट येथे दिनांक २६ ऑक्टोबर २०२६ रोजी अन्वये गुन्हा नोंदवून तपास सुरू करण्यात आला होता.
गुप्त माहिती आणि सापळा
गुन्ह्याचे गांभीर्य लक्षात घेऊन वरिष्ठांच्या मार्गदर्शनाखाली आरोपींचा शोध घेण्यासाठी डीबी पथकातील अधिकारी व अंमलदार यांना परिसरामध्ये रवाना करण्यात आले. तपासादरम्यान पोलीस पथकाला गुप्त बातमीदाराकडून मिळालेल्या माहितीच्या आधारे, नांदगाव बालाजी जिनिंग जवळ असलेल्या झोपडपट्टी परिसरात राहणाऱ्या एका इसमाकडे संशयित माल असल्याबाबत खात्रीशीर माहिती मिळाली.
त्यानुसार पोलिसांनी तात्काळ संबंधित इसमाच्या घरी धाव घेतली. तिथे एक इसम हजर मिळून आल्याने पोलिसांनी त्यास त्याचे नाव विचारले. त्याने आपले नाव राम रमेशराव राऊत (वय १९ वर्षे, रा. संत गोमाजी वार्ड, हिंगणघाट, ह.मु. नांदगांव बालाजी जिनिंग आबादी जागा) असे असल्याचे सांगितले.
कसून चौकशीत फुटले बिंग व मुद्देमाल जप्त
पोलिसांनी राम राऊत याच्याकडे शेडमधील चोरी गेलेल्या साहित्याबाबत कसून विचारपूस केली. चौकशीदरम्यान त्याने गुन्ह्याची कबुली दिली. त्याने सांगितले की, सदरचा लोखंडी माल, रॉड व वायर (मुद्देमाल) हा त्याने आपल्या अर्जुन सातपुते (चुलत भाऊ) याच्या मदतीने दालमिल जवळील ढोकपांडे ले आऊटमधील टिनाचे शेडमधून चोरी केला होता. हा माल मोटारसायकलवरून आणून त्याने आपल्या घराजवळील आबादी जागेत लपवून ठेवला होता.
पोलिसांनी आरोपीच्या निशानदेहीवरून ताबडतोब कारवाई करत खालीलप्रमाणे एकूण १,२५,००० रुपये किमतीचा मुद्देमाल जप्त केला:
-
२ फूट लांबीचे ३२ एमएमचे ५०० लोखंडी रॉड – अंदाजे किंमत ९०,००० रुपये
-
१०० मीटर कॉपरचा केबल – किंमत १५,००० रुपये
-
लोखंडी चेक नट ३०० नग – किंमत १२,,००० रुपये
-
लोखंडी रॉड ५०० नग – किंमत २,००० रुपये
-
लोखंडी बुल्ले १७० नग – किंमत २,००० रुपये
-
ट्रॅक्टरची जुनी वापरती लाल रंगाची बॅटरी – किंमत २,००० रुपये
-
एकूण जुनी किंमत: १,२५,००० रुपये
यशस्वी कारवाई करणारे पथक
सदरची ही धडक कारवाई वरिष्ठ अधिकाऱ्यांच्या मार्गदर्शनाखाली पार पडली. यामध्ये:
-
मार्गदर्शक: पोलीस अधीक्षक सौरभ कुमार अग्रवाल साहेब, अप्पर पोलीस अधीक्षक सदाशीव वाघमारे साहेब, उपविभागीय पोलीस अधिकारी सुशीलकुमार नायक साहेब आणि पोलीस निरीक्षक अनिल राऊत साहेब (पोलीस स्टेशन हिंगणघाट).
-
पोलीस हवालदार प्रशांत ठोंबरे, पोलीस नाईक राजेश शेंडे, पोलीस शिपाई आशिष नेवारे आणि पोलीस शिपाई मंगेश वाघमारे यांनी सहभाग घेतला.
या गुन्ह्यातीली फरार असलेल्या इतर आरोपींचा शोध पोलीस নিवाऱ्याकडून वेगाने सुरू असून, या घटनेमुळे परिसरातील गुन्हेगारी घटकांचे धाबे दणाणले आहेत.
