सराफास लुटणारे तिघे करमाड पोलिसांचे ताब्यात…
करमाड(छत्रपती संभाजी नगर) प्रतिनिधी – सवीस्तर व्रुत्त असे की
फिर्यादी
मुरलीधर विठ्ठलराव मैद वय ५० वर्षे रा. ओमसाईनगर, हर्सुल जि. छत्रपती संभाजीनगर
यांनी करमाड पो.स्टे ला तक्रार दिली की, दिनांक १६/११/२०२३ रोजी ०६.०० वाजेच्या सुमारास त्याची करमाड येथील सराफा
दुकान बंद करुन छत्रपती संभाजीनगर येथे घरी जात असतांना आदर्श स्टील दुकानाच्या समोर रोडवर फिर्यादी हा लघुशंका करण्यासाठी थांबला असता पाठीमागून दोन अनोळखी इसम आले व त्यांनी फिर्यादीच्या डोळयात मिर्ची पुड टाकून मारहाण करुन त्याचे पाठीवरील असलेल्या सॅक (बॅग) मधे ठेवलेले चांदीचे १३०० ग्रॅम वजनाचे दागीने किंमत ६६,५००/- रु.चे बळजबरीने हिसकावून पळून घेवून गेले बाबत दिलेल्या तक्रारीवरुन पो.स्टे करमाड येथे
गु.र.क्र ३८२ / २०२३ कलम ३९४,३४ भा.द.वि प्रमाणे जबरी चोरीचा गुन्हा दाखल करण्यात आला होता
मनीष कलावानिया, पोलिस अधीक्षक, छत्रपती संभाजीनगर ग्रामीण यांनी सदर प्रकरणाची गांभीर्याने दखल घेवून वरील नमूद गुन्हयाचे समांतर तपास करण्याचे आदेश स्थानिक गुन्हे शाखा यांना दिले. पोलिस निरीक्षक सतीश वाघ, स्था. गु.शा यांनी तात्काळ दरोडा व जबरी चोरी पथकासह घटनास्थळाची बारकाईने पाहणी करून
तांत्रिक विश्लेषणा आधारे तसेच गुप्त बातमीदारा मार्फत माहीती घेतली असता सदरचा गुन्हा हा पोलिसांचे रेकॅार्डवरील गुन्हेगार गजानन ढगे रा. पिरसावंगी ता. बदनापूर जि. जालना याने त्याचे इतर दोन साथीदारा सह केला असल्याची माहिती मिळाली होती. संशयीत आरोपी हे पिरसावंगी शिवार ता. बदनापूर जि.जालना येथील शेतवस्तीवर लपून असले बाबत खात्रीशीर गोपनीय माहीती मिळाले वरुन स्थानिक गुन्हे शाखेच्या पथकाने पिरसावंगी येथील शेतवस्तीवर सापळा लावला असता तेथे घराचे पाठीमागे एका मोकळ्या मैदानाचे बाजुला संशयीत ईसम
१) गज्या उर्फ गजानन परशूराम ढगे वय २५ वर्षे रा. सिरसवाडी ता.जि जालना ह.मू पिरसावंगी ता. बदनापूर जि.जालना
२) कृष्णा सुभाष कातूरे वय ३० वर्षे रा. पिरसावंगी ता. बदनापूर जि.जालना
३) विठ्ठल भाऊसाहेब कौचट वय २७ वर्षे रा. सिरसवाडी ता.जि जालना
मिळून आले. त्यांना शिताफिने ताब्यात व विश्वासात घेवून गुन्हयासंदर्भात विचारपूस करता त्यांनी सदरचा गुन्हा केला असल्याची कबुली दिली आहे. त्यांचे कडून गुन्हयात वापरलेली मोटारसायकल व मोबाईल असे किमती 1,00,000/- रु. चा मुद्देमाल जप्त करण्यात आला आहे. सदर आरोपीतांना अटक
करण्यात आली असुन पुढील तपास पो.स्टे करमाड करत आहे. त्यांचे कडून आणखीन गुन्हे उघडकीस येण्याची शक्यता आहे.
सदरची कामगीरी पोलिस अधीक्षक मनीष कलवानिया, अपर पोलिस अधीक्षक सुनील लांजेवार यांचे मार्गदर्शनाखाली स्थानिक गुन्हे शाखेचे पोलिस निरीक्षक सतीश वाघ, पो.उप.नि. भगतसिंग
दुलत, पोलिस अंमलदार नामदेव सिरसाठ, दिपेश नागझरे, संजय घुगे, वाल्मिक निकम, अशोक वाघ, योगेश तरमाळे, जीवन घोलप, संजय तांदळे यांनी केली.
