हिंगोली स्थानिक गुन्हे शाखेने केले घरफोडीचे २ गुन्हे उघड,२आरोपी मुद्देमालासह अटकेत…
हिंगोली – सवीस्तर व्रुत्त असे की हिंगोली येथील ग्रामीण पोलिस ठाणे हद्दीतील बळसोंड परिसरातील रामाकृष्ण कॉलनी मध्ये 9 सप्टेंबर 2023 च्या रात्री फिर्यादी सचिन इडोळे यांच्या घरी कोणीच नसल्याची संधी साधून अज्ञात आरोपींनी त्यांच्या घराचे कुलूप तोडून कपाटातील सोन्या- चांदीचे दागिने किंमत 39 हजार 300 रुपयांचा मुद्देमाल चोरून नेला होता.
तसेच 17 सप्टेंबर 2023 रोजी बळसोंड परिसरातील फिर्यादी
दत्ता नायक यांच्या घरी कोणीच नसल्याची संधी साधून अज्ञात
आरोपींनी त्यांचे घराचे कुलूप तोडून कपाटात ठेवलेल्या सोन्या-
चांदीचे दागिने व नगदी रुपये अशा एकूण 66 हजार 750
रुपयांचा मुद्देमाल चोरून नेला होता.
नमूद दोन्ही घटनेत फिर्यादी यांच्या तक्रारीवरून हिंगोली ग्रामीण
पोलिस ठाण्यात भादंवि ४५७,३८० अन्वये गुन्हा दाखल करण्यात आला होता. सदरचे गुन्हे तात्काळ उघड करून गुन्ह्यातील आरोपींना
पकडून मुद्देमाल हस्तगत करण्याबाबत पोलिस अधीक्षक जी. श्रीधर यांनी स्थानिक गुन्हे शाखेला आदेश देऊन मार्गदर्शन केले होते.
स्थानिक गुन्हे शाखेचे पोलीस निरीक्षक पंडित कचवे यांच्या
मार्गदर्शनाखाली स्थानिक गुन्हे शाखा हिंगोलीचे सहाय्यक पोलिस निरीक्षक राजेश मलपिल्लू आणि त्यांच्या तपास पथकाने सदर घटनास्थळी व परिसरात भेट देऊन तपास केला. तसेच गोपनीय बातमीदार व रेकॉर्ड वरील गुन्हेगार तपासात कौशल्यपूर्ण पद्धतीने तपास केला.नमूद गुन्हे
ऋषिकेश भागवत टाले व शुभम संतोष टाले (दोन्ही रा. खुडज ता. सेनगाव जि. हिंगोली)
यांनी केल्याबाबत निष्पन्न करून दोन्ही आरोपींना ताब्यात घेतले.
त्यांच्याकडे विचारपूस करता त्यांनी सदरचे गुन्हे केल्याची कबुली
दिली. तपासात नमूद आरोपींकडून दुनियात चोरून नेलेला सोन्या
चांदीचे दागिने जप्त करण्यात आले. त्याचे वर्णन पुढीलप्रमाणे
हिंगोली ग्रामीण पोलीस ठाणे गुरनं. 439 / 2023 कलम
380, 457 या दुनियातील मुद्देमाल – एक तोळा सोन्याची
षटकोनी मनी डोरल्याची पोत (किंमत अंदाजे 36 हजार रुपये),
2 तोळे चांदीचे पायातील जोडवे (किंमत अंदाजे 2 हजार रुपये),
3 तोळे चांदीचे जोडवे ( किंमत अंदाजे 1200 रुपये).
हिंगोली ग्रामीण पोलिस ठाणे येथील गुरनं 457 / 2023
कलम 380, 457 या गुन्ह्यातील जप्त केलेला मुद्देमाल – 5
ग्राम सोन्याचे मंगळसूत्र ( किंमत अंदाजे 30 हजार रुपये), एकूण
6 ग्राम सोन्याचे लहान बाळाचे 2 ओम 4 अंगठ्या 1 नथ, 1 कुरुडे
2 कानातील बाळ्या सर्व ( किंमत अंदाजे 30 हजार 500 रुपये),
एकूण 6 तोळ्याचे चांदीचे लहान बाळाचे दागिने 2 जोड चैन 2
बाळे, 2 बाजूबंद (किंमत अंदाजे 2750 रुपये), असा दोन्ही
गुन्ह्यातील मिळून वरील प्रमाणे चोरून नेलेले सोन्या – चांदीचे
दागिने किंमत अंदाजे 1 लाख 24 50 रुपयांचा मुद्देमाल जप्त
करण्यात आला.
ही कारवाई हिंगोली जिल्हा पोलिस अधीक्षक जी. श्रीधर, अप्पर
पोलिस अधीक्षक अर्चना पाटील, स्थानिक गुन्हे शाखेचे पोलिस
निरीक्षक पंडित कचवे यांच्या मार्गदर्शनाखाली सहाय्यक पोलिस
निरीक्षक राजेश मलपिल्लू, पोलिस अंमलदार गजानन पोकळे,
लिंबाजी वावळे, विठ्ठल काळे, महादू शिंदे, ज्ञानेश्वर पायघन,
हरिभाऊ गुंजकर, प्रशांत वाघमारे, दीपक पाटील दत्ता नागरे यांनी
केली.
