पिस्टलाचा धाक दाखवून लूटमार करणारे हिंजवडी पोलिसांच्या ताब्यात…
पिस्टलाचा धाक दाखवून लूटमार करणारे हिंजवडी पोलिसांच्या ताब्यात…
पिंपरी चिंचवड (प्रतिनिधी) – पिस्टलाचा धाक दाखवून लूटमार करणाऱ्यांना हिंजवडी पोलिसांनी मिळालेल्या गोपनीय माहितीवरून कौशल्यपूर्ण तपासाच्या आधारावर शिताफीने अटक केली आहे. त्यांच्याकडून ५१,०००/- रुपये देशी बनावटीचे रिव्हॉलव्हर, दोन जिवंत काडतुस व एक होंडा शाईन आणि ८७,०००/- रुपये किंमतीचे एक गावठी कट्टा, चार काडतुस व मेपोडे ॲक्टीव्हा मोटार सायकल आदी जप्त केले आहे.
या बाबत अधिक माहिती अशी की, पोलिस आयुक्त पिंपरी चिंचवड यांनी अवैधरित्या अग्नीशस्त्र किंवा घातक हत्यारे जवळ बाळगणा-या इसमांची माहिती घेवुन त्यांचेवर कडक कारवाई करण्याचे आदेश दिले असताना (दि.२५मे) रोजी वरिष्ठ पोलिस निरीक्षक कन्हैया थोरात यांचे सुचनांप्रमाणे हिंजवडी पोलिस ठाणे गुन्हे शोध पथकाचे राम गोमारे सहा. पोलिस निरीक्षक व तपास पथकातील अंमलदार सफौ नरेश बलसाने, पोहवा नरळे, नापोशि चव्हाण, गडदे, पोशि कांबळे, शिंदे, पालवे असे दोन वेगवेगळ्या टिम तयार करुन हिंजवडी पोलिस ठाणे हद्दीत अवैध धंदयांवर व अवैध अग्निशस्त्र व घातक हत्यार जवळ बाळगारे इसमांवर कारवाई करण्याचे अनुषंगाने पेट्रोलींग करीत असताना तपास पथकाचे प्रभारी राम गोमारे सहा.पोलीस निरीक्षक यांना माण फेज ३ हिंजवडी पुणे येथे व सफौ नरेश बलसाने यांना सुस ब्रीजखाली सुस पुणे येथे वेगवेगळे दोन इसम गावठी कट्टे घेवुन येणार असलेबाबत गुप्त माहिती मिळाल्याने दोन वेगवेगळ्या टिमने माण फेज ३ हिंजवडी पुणे व सुस ब्रीज खाली सुस पुणे येथे सापळा लावुन दोन इसमांना ताब्यात घेवुन त्यांना त्यांचे नाव व पत्ता विचारले असता त्यांनी त्यांचे नाव व पत्ता अजय शंकर राठोड (वय २१वर्षे), रा.ऐअर रोड चंडा नाईक तांडा, पाषाण वीट भट्टी जवळ विजय तिम्हण यांची चाळ पाषाण पुणे व जिशान जहीर खान (वय २३), रा.वॉर्ड नं. ३. दापोडी, पुणे मुळ गाव रा.रसल पुर, मुजफ्फर, ता.नगीना, जि.बिजनोर, उत्तरप्रदेश असे असल्याचे सांगितले असता इसम नामे अजय शंकर राठोड याचे ताब्यात ५१,०००/- रुपये देशी बनावटीचे रिव्हॉलव्हर, दोन जिवंत काडतुस व एक होंडा शाईन असे मिळुन आले. व इसम नामे जिशान जहीर खान याचे ताब्यात ८७,०००/- रुपये किंमतीचे एक गावठी कट्टा, चार काडतुस व मेपोडे ॲक्टीव्हा मोटार सायकल मिळुन आली आहे.
इसम अजय शंकर राठोड व जिशान जहीर खान हे एकमेकांचे मित्र असुन त्यांनी वरील दोन्ही मोटार सायकल ह्या बावधन व सुस येथे चोरी केल्या असल्याचे तपासात निष्पन्न झाले आहे. अजय शंकर राठोड व जिशान जहीर खान यांना अटक करुन त्यांचाकडे पोलिस कोठडी रिमांडमध्ये असताना कौशल्यपुर्वक तपास केला असता त्यांनी सुस ब्रीज जवळील डोंगरावर पाषाण पुणे येथे त्यांचे इतर तीन साथीदारांसह मिळुन गावठी रिव्हॉलव्हरचा धाक दाखवुन त्याचे अपहरण करुन त्यांचेकडुन त्याचे गळयातील ८ ग्रॅम वजनाची सोन्याची चैन जबरदस्तीने काढुन घेतली असल्याचे तपासात निष्पन्न झाले असुन त्यांचेकडुन एकुण ३५,०००/- रुपये किंमतीची एक ८ ग्रॅम वजनाची सोन्याची चैन हस्तगस्त करण्यात आली असुन त्याबाबत चतुःश्रृंगी पोलीस ठाणे गु.र.नं.४६९/२०२४ भा.द.वि. कलम ३९७, ३६४ (अ), आर्म ॲक्ट ३.२५ सह मुपोका ३७ (१) (३) १३५ प्रमाणे गुन्हा दाखल आहे.
सदरची कारवाई ही पोलिस विनयकुमार चौबे, अपर पोलिस आयुक्त वसंत परदेशी,पोलिस उपायुक्त परी २,बापु बांगर,सहा पोलिस आयुक्त वाकड विभाग डॉ.विशाल हिरे, यांचे मार्गदर्शनाखाली हिंजवडी पोलिस स्टेशनचे वरिष्ठ पोलिस निरीक्षक, कन्हैया थोरात, पोलिस निरीक्षक गुन्हे ऋषीकेश घाडगे, तपास पथकाचे प्रमुख सहायक पोलिस निरीक्षक राम गोमारे, पोलीस अंमलदार बंडू मारणे, बाळकृष्ण शिंदे, नरेश बलसाने, बापुसाहेब धुमाळ, योगेश शिंदे, कैलास केंगले, कुणाल शिंदे, विक्रम कुदळ, अरूण नरळे, रितेश कोळी, श्रीकांत चव्हाण, चंद्रकांत गडदे, कारभारी पालवे, दत्ता शिंदे, अमर राणे, ओमप्रकाश कांबळे, सागर पंडीत यांनी केली आहे.