जालना राज्य राखीव पोलिस दलाच्या जवानाने कर्तव्यावर असतांना गोळी झाडुन केली आत्महत्या…
जालना – जालना येथील राज्य राखीव पोलिस दलाच्या
शस्त्रागारामध्ये आज सकाळी साडेआठ वाजेच्या सुमारास एका जवानाने स्वतःहून गोळी झाडून आत्महत्या केल्याची घटना समोर आली आहे. आत्महत्येचे कारण समजले नसून या जवानाचे सचिन गोविंदराव भदरगे (वय ३८) असं नाव आहे. मृतदेह उत्तरीय तपासणीसाठी जिल्हा रुग्णालयात हलविण्यात आला आहे. तिथे वैद्यकीय अधिकारी डॉ. रुपा आंबेकर यांनी त्यांची पाहणी केली असून जवळपास ५ बुलेट डोक्यात घुसल्याने त्यांचा जागेवरच मृत्यू झाल्याचे सांगितले आहे. बहुतेक इन कॅमेरा शवविच्छेदन होण्याची
शक्यता असल्याने या जवानाचा मृतदेह छत्रपती संभाजीनगर येथे पुढील प्रक्रियेसाठी पाठवण्यात येईल, अशी शक्यताही त्यांनी बोलून दाखवली. आत्महत्येचे कारण अद्यापही गुलदस्त्यात असले तरी जवानाने असं टोकाचं पाऊल उचलल्यामुळे परिसरात हळहळ व्यक्त केली जात आहे. जालना राज्य राखीव पोलिस बल गट क्रमांक ३ येथील जवान सचिन गोविंद भदरगे यांनी आज सकाळी आठ वाजेच्या सुमारास स्वतःवर गोळी झाडून आत्महत्या केली
आहे. आत्महत्येच्या कारणाचा पोलिस शोध घेत आहेत. राज्य राखीव पोलीस बल गट क्रमांक ३ येथील शस्त्रागारात सचिन हे कार्यरत होते. ३८ वय असलेले सचिन गोविंद भदरगे आणि त्यांचे आणखी एक सहकारी आज सकाळी शस्त्रागारात कर्तव्यासाठी हजर होते. सकाळी आठ वाजेच्या सुमारास या ठिकाणी त्यांचे
सहकारी शस्त्रागराच्या बाहेर असताना शस्त्रागारात अचानक गोळ्या झाडल्याचा आवाज असल्याने त्यांनी ताबडतोब शस्त्रगरात धाव घेतली. त्यांना सचिन हे रक्ताच्या थारोळ्यात पडलेले आढळून आले. सहकारी शस्त्रागाराच्या बाहेर कर्तव्य बजावत असताना सचिन यांनी तेवढ्या वेळेत गोळी झाडल्याचे सांगण्यात येत आहे दरम्यान, गोळीचा आवाज ऐकून त्यांचे सहकारी ताबडतोब
शस्त्रागारात परतले तोपर्यंत सचिन भांदरंगे यांचा मृतदेह रक्ताच्या थारोळ्यात कोसळल्याचे सांगण्यात आले आहे. यासंदर्भात राज्य राखीव पोलीस बल गट क्रमांक ३ कडूनगुप्तता पाळण्यात येत आहे. उपविभागीय पोलिस अधिकारी, सदर बाजार पोलिस ठाण्याचे पोलिस निरीक्षक प्रशांत महाजन यांनी घटनास्थळाकडे धाव घेत पाहणी केली आहे.
