लातुर मुरुड पोलिसांनी मोटारसायकल चोरीच्या आरोपात अटक आरोपीकडुन ५ मोटारसायकल केल्या हस्तगत…
मुरुड(लातुर)प्रतिनिधी – सवीस्तर व्रुत्त असे की , पोलिस अधीक्षक सोमय मुंडे यांचे आदेशान्वये अपर पोलिस अधीक्षक डॉ.अजय देवरे, यांचे मार्गदर्शनात पोलिस ठाणे स्तरावर पोलिस स्टेशनला घडलेले किंमती मालाविषयक गुन्हे उघडकीस आणण्याकरिता पोलिस अधिकारी व अंमलदार यांना सूचना व मार्गदर्शन करण्यात आले होते,त्याअनुषंगाने पोलिस स्टेशनला दाखल असलेल्या विशेषतः मोटारसायकल चोरीचे गुन्हे उघडकीस आणण्याकरिता विशेष पथके स्थापन करून गुन्हे उघड करण्याचे प्रयत्न सुरू होते .
त्यानुसार पोलिस ठाणे मुरुडचे सहाय्यक पोलिस निरीक्षक बाळासाहेब नरवटे यांचे नेतृत्वात पोलिस अंमलदारांचे पथक पोलिस ठाण्याच्या हद्दीमध्ये पेट्रोलिंग करून माहिती संकलित करीत होते.चोरीच्या गुन्ह्याच्या माहितीचे संकलन करीत असताना, व माहिती घेत असताना दिनांक 25 नोव्हेंबर 2023 रोजी मुरुड शहरात विनाक्रमांकाची हिरो होंडा मोटार सायकलवर दोन इसम संशयीतरित्या भरधाव वेगात वावरात असल्याचे दिसल्याने त्यास थांबवुन त्याचे याचे नाव गाव विचारता त्याने त्याचे नाव
1) श्रीकृष्ण रामराव जाधव, वय 26 वर्ष, राहणार शिंदेवाडी तालुका माजलगाव जिल्हा बीड.
2) नसिरुद्दीन रशीद सय्यद, वय 29 वर्ष, राहणार सीमरी पारगाव तालुका माजलगाव जिल्हा बीड
असे असल्याचे सांगितले. त्यास त्याचे ताब्यातील मोटरसायकल चे कागदपत्राबाबत विचारपुस केली असता, तो उडवा-उडवीची व संयुक्तिक उत्तरे देत नसल्याने त्याचेवर अधिक संशय वाढला.
सदर संशयीत इसमास पोलिस स्टेशन येथे आणून त्याचेकडे कसुन चौकशी केली असता, मुरुड येथे त्याचे ताब्यातील मोटार सायकल चोरीची असल्याचे निष्पन्न झाले व त्याचेकडे अधिक चौकशी केली असता त्याने आणखी 04 मोटार सायकली काढून दिल्या. अशा एकूण 05 मोटार सायकली काढून दिल्या. मोटार सायकल चोरीच्या गुन्ह्याचे अभिलेखाचे पाहणी केली असता वर नमुद 05 मोटार सायकली पैकी 04 मोटार सायकली पैकी एक मोटर सायकल पोलीस ठाणे दत्तवाडी जिल्हा पुणे शहर तर उर्वरित तीन मोटरसायकली पिंपरी चिंचवड येथील वाकड व पिंपरी चिंचवड पोलिस ठाण्याचे हद्दीतून चोरलेल्या निष्पन्न झाले आहे.
सदरची कामगीरी पोलिस अधिक्षक सोमय मुंडे ,अपर पोलिस अधिक्षक डॉ.अजय देवरे, उपविभागीय पोलिस अधिकारी (लातूर ग्रामीण) सुनील गोसावी यांचे मार्गदर्शनाखाली मुरुड पोलिस स्टेशनचे सहाय्यक पोलिस निरीक्षक बाळासाहेब नरवटे यांच्या नेतृत्वात पोलिस अंमलदार बाबासाहेब खोपे, बोईनवाड, राठोड, कीर्ते, नागनाथ जांभळे यांनी पार पाडली आहे.
