सराफाचे दुकानातून बॅग लिफ्ट करणारी आंतरराज्यीय टोळी नांदेड पोलिसांचे गळाला…
अर्धापुर व नांदेड ग्रामीण पोलिस स्टेशन हद्दीत सोन्याची बॅग लिफ्टींग करणाऱ्या आंतरराज्यीय टोळीतील एकास 4,23,000/- रुपयाच्या मुद्देमालासह अटक,स्थानिक गुन्हे शाखा, नादेडची कामगिरी……
नांदेड(प्रतिनिधी) – सवीस्तर व्रुत्त असे की,नांदेड जिल्हयातील पोलिस स्टेशन अर्धापुर व नांदेड ग्रामीण हद्दीत सोनारांच्या दुकानातून बॅग लिफटींगचे गुन्हे घडलेले होते. सदर गुन्हयांना आळा बसवा व सदरचे गुन्हे उघडकीस आणून गुन्हेगारांना अटक करण्यासाठी पोलिस अधीक्षक श्रीकृष्ण कोकाटे यांनी पोलिस निरीक्षक उदय खंडेराय यांना स्वतंत्र पथक नेमून गुन्हे उघडकीस आणण्यासाठी आदेशीत केले होते. त्यानुसार पोलिस निरीक्षक, स्थागुशा नांदेड यांनी सदरचे गुन्हे उघडकीस आणण्यासाठी सपोनि रवि वाहुळे व पोलिस अंमलदार यांचे एक स्वंतत्र पथक नेमून त्यांना सूचना दिल्या होत्या. पो.स्टे. अर्धापुर व पो.स्टे. नांदेड ग्रामीण हद्दीतील गुन्हयांच्या अनुषंगाने सदर पथकाने पोलिस स्टेशन अर्धापुर व नांदेड ग्रामीण हद्दीतील गुन्हयांच्या घटनास्थळी जावून भेट देवून माहिती घेतली असता आरोपींची गुन्हे करण्याची पध्दत एक सारखी असल्याचे निदर्शनास आले. सदर गुन्हयांच्या अनुषंगाने
अधिकची माहिती घेतली असता आरोपी हे बाहेर राज्यातील असल्याचे माहिती मिळाली असता पोलिस अधीक्षक नांदेड यांचे आदेशान्वये सदर पथकास तेलंगणा, आंध्रप्रदेश व ओडीसा
राज्यात आरोपींचा शोध घेणेकामी रवाना करण्यात आलेले होते. सदर पथकाने बाहेर राज्यात जावून दोन्हीही गुन्हयातील आरोपींना निष्पन्न केले. सदर आरोपींनी नांदेड येथे देखील किरायाने रुम केल्याची माहिती प्राप्त झालेली होती. सदर माहितीच्या आधारे सापळा लावून व सतत शोध घेवून निष्पन्न आरोपी दिपक इसफुल प्रधान, वय 21 वर्ष, व्यवसाय बेकार, रा. दाहीसाही, मुंडामल, ब्यासनगर, जाजपुर रोड, जि. जाजपुर राज्य ओरीसा यास ताब्यात घेण्यात आले आहे.
सदर आरोपीस विश्वासात घेवून पो.स्टे. अर्धापुर गुरनं 405/2023 कलम 379,34 भादंवि व पो.स्टे. नांदेड ग्रामीण गुरनं 839/2023 कलम 380,34 भा.दं.वि. च्या गुन्हयांबाबत विचारपुस केली
असता त्याने गुन्हे केल्याचे कबूल केले आहे. सदर आरोपीकडून कडून 4,23,000/- रुपयाचा मुद्देमाल त्याच्या ताब्यातून हस्तगत करण्यात आला आहे. गुन्हयातील इतर आरोपी निष्पन्न करण्यात आलेले आहेत. आरोपीस पुढील तपासकामी पो.स्टे. नांदेड ग्रामीण यांचे ताब्यात देण्यात आले आहे.
सदरची कामगिरी श्रीकुष्ण कोकाटे, पोलिस अधीक्षक, नांदेड, अबिनाश कुमार, अपर पोलिस अधीक्षक, नांदेड, डॅा खंडेराव धरणे, अपर पोलिस अधीक्षक, भोकर यांचे मार्गदर्शनाखाली उदय
खंडेराय, पोलिस निरीक्षक, स्था. गु.शा, नांदेड, सपोनि श्री रवि वाहुळे, सफौ माधव केंद्रे, पोना पद्मसिंह कांबळे, दिपक पवार, संजीव जिंकलवाड, चापोशि कलीम शेख, पोहवा दिपक ओढणे,राजू
सिटीकर,मारोती तेलंग,गुंडेराव करले, सुरेश घुगे, पोशि देवा चव्हाण, गजानन बयनवाड, ज्वालासिंघ बावरी, चापोशि हनुमानसिंह ठाकूर, पोहवा संग्राम केंद्रे, पोशि मारोती मोरे, धम्मानंद जाधव यांनी पार पाडली आहे. सदर पथकाचे पोलिस अधीक्षक यांनी कौतुक केले आहे.
