येवला अंदरसूल येथील घरफोडीचा नाशिक ग्रामीण पोलिसांनी महीनाभराचे आत लावला छडा,आरोपींसह मुद्देमाल केला हस्तगत…
येवला तालुक्यातील अंदरसुल येथील फर्निचरचे दुकान फोडणारे चोरटे येवला तालुका पोलिस व स्थानिक गुन्हे शाखेच्या संयुक्तिक कार्यवाहीत केले जेरबंद….
येवला(नाशिक)प्रतिनिधी – यबाबत सवीस्तर व्रुत्त असे की,येवला तालुका पोलिस ठाणे हद्दीत दि. १०/०९/२०२४ रोजी पहाटेच्या सुमारास अज्ञात आरोपींनी येवला अंदरसुल रोडवरील जीवन फर्निचर दुकानाचे पाठीमागील बाजुचे शटर तोडून दुकानात बेकायदेशीरपणे प्रवेश करून दुकानात विक्रीसाठी ठेवलेले एल.ई.डी. टीव्ही, सिलींग फॅन, कुलर, इलेक्ट्रॉनिक्स वस्तु तसेच तांब्याची व पितळाची भांडी असा एकुण २,७०,४००/- रूपये किंमतीचा मुद्देमाल घरफोडी चोरी करून चोरून नेला होता सदर घटनेबाबत येवला तालुका पोलिस ठाणेस गुरनं ४८०/२०२४ भा. न्या. सं. कलम ३०५(अ), ३३१ (४), ३(५) प्रमाणे गुन्हा दाखल करण्यात आला होता.
सदर गुन्ह्याचे अनुषंगाने त्याचे गांभीर्य लक्षात घेता पोलिस अधिक्षक विक्रम देशमाने, अपर पोलिस अधीक्षक आदित्य मिरखेलकर, अपर पोलिस अधिक्षक मालेगाव अनिकेत भारती, उपविभागीय पोलिस अधिकारी, मनमाड बाजीराव महाजन यांनी वरील घटनेच्या अनूषंगाने सविस्तर माहिती घेवून येवला तालुका पोलिस ठाणे व स्थानिक गुन्हे शाखेचे पथकास गुन्हा उघडकीस आणणेसाठी सुचना दिल्या होत्या.
त्यानूसार स्थानिक गुन्हे शाखेचे पोलिस निरीक्षक राजु सुर्वे व येवला तालुका पोलिस ठाण्याचे पोलिस निरीक्षक संदिप मंडलीक यांची पथके सदर गुन्हयाचा संयुक्त तपास करत होते. सदर गुन्हयातील आरोपींची गुन्हा करण्याची पध्दत, गुन्हयातील साक्षीदारांनी आरोपींचे सांगितलेले वर्णन व त्यांची बोलीभाषा यावरून पोलिस पथकांनी गोपनीय माहिती काढून, सदरचा गुन्हा हा छत्रपती संभाजीनगर जिल्हयातील वाळुंज परिसरातील सराईत गुन्हेगारांनी केला असल्याची खात्रीशीर बातमी मिळाली. त्याप्रमाणे स्थानिक गुन्हे शाखा व येवला तालुका पोलिसांनी वाळुंज एम.आय.डी.सी., जिल्हा छत्रपती संभाजीनगर परिसरातून खालील आरोपींना ताब्यात घेतले आहे.१) गुलाम रफिक शेख, वय ४०, रा. हिदायत नगर, वाळुंज बु॥, जिल्हा छत्रपती संभाजीनगर. २) दिपक लावु ठुने, वय १९, रा. वांगेभरारी, सिल्लोड, जिल्हा छत्रपती संभाजीनगर.
सदर आरोपींना वरील गुन्हयाचे तपासात चौकशी केली असता, त्यांनी त्यांचे वाळुंज जिल्हा छत्रपती संभाजीनगर येथील साथीदार संतोष कांबळे, करण कांबळे व इतर साथीदार यांचेसह गेल्या पंधरा दिवसांपुर्वी येवला तालुक्यातील अंदरसुल शिवारात एका फर्निचर दुकानाचे शटर तोडुन इलेक्ट्रॉनिक साहित्य, तांबे/पितळाचे भांडे चोरून नेल्याची कबुली दिली आहे. ताब्यात घेतलेले आरोपींचे कब्जातून वरील गुन्हा करण्यासाठी वापरलेला छोटा हत्ती वाहन, गुन्हयात चोरीस गेलेले ०३ एल.ई.डी. टिव्ही, ७७ किलो वजनाची तांब्याची भांडी व १४ किलो वजनाची पितळाची भांडी असा एकुण ०२ लाख १० हजार रूपये किंमतीचा मुद्देमाल हस्तगत करण्यात आलेला आहे. सदर गुन्हयातील मुख्य आरोपी संतोष कांबळे व करण कांबळे हे सराईत गुन्हेगार असुन त्यांचेवर यापुर्वी गंभीर स्वरूपाचे गुन्हे दाखल आहेत. पोलीस पथके त्यांचा कसोशिने शोध घेत असून सदर आरोपींकडून आणखी गुन्हे उघडकीस येण्याची शक्यता आहे.
सदरची कामगिरी पोलिस अधिक्षक विक्रम देशमाने, अपर पोलिस अधिक्षक आदित्य मिरखेलकर, अपर पोलिस अधिक्षक मालेगाव अनिकेत भारती,उपविभागीय पोलिस अधिकारी, मनमाड बाजीराव महाजन यांचे मार्गदर्शन व सुचनांप्रमाणे स्थानिक गुन्हे शाखेचे पोलिस निरीक्षक राजु सुर्वे व येवला तालुका पोलिस ठाण्याचे पोलिस निरीक्षक संदिप मंडलीक, पोउपनि हर्षवर्धन बहिर, स्थागुशाचे पोउपनि दत्ता कांभीरे, येवला तालुका पो.स्टे. चे पोलीस अंमलदार राजेंद्र पाटील, राजेंद्र बिन्नर, सचिन वैरागर, दिनकर पारधी, गणेश बागुल, सागर बनकर, नितीन पानसरे, पंकज शिंदे, दिपक जगताप, तसेच स्थागुशा पोहवा गिरीष निकुंभ, शरद मोगल, योगेश कोळी, हेमंत गिलबिले, प्रदिप बहिरम यांचे पथकाने वरील गुन्हा उघडकीस आणून कामगिरी केली आहे.
