जेजुरीत दर्शनाला यायचे व घरफोडी करुन पसार व्हायचे,अशा टोळीला स्थानिक गुन्हे शाखेने केली शिताफिने अटक….

जेजुरी(पुणे ग्रामीण) प्रतिनिधी – सवीस्तर व्रुत्त असे की जेजुरी येथे
देवदर्शनाला येऊन घरांची कडी कोयंडा तोडून घरफोडी चोरी करण्यात  आलेली होती ,सदरचे गुन्हे उघडकीस आणण्याकरीता  पोलिस अधीक्षक  पुणे ग्रामीण यांनी स्थानिक गुन्हे शाखेच्या तपास पथकाला मार्गदर्शन व सुचना केल्या होत्या. स्थानिक गुन्हे शाखेचे पथकाने घरफोडी चोरीचे गुन्हयांचे अनुषंगाने तपास सुरू केला असता, जेजूरी व सासवड पोस्टे हद्दीत घडलेल्या गुन्ह्यांची वेळ तसेच गुन्हे पद्धतीमध्ये साम्य होते. त्या अनुषंगाने पथकाने सी.सी.टी.व्ही. तपासनीत आले. तसेच गोपनीय बातमीदारांकडून माहिती प्राप्त करत असताना सदरचे गुन्हे हे सराईत गुन्हेगार

राहुल हिरामण लष्करे रा. काळा खडक, वाकड ता हवेली जि पुणे

याने केले असून त्याने यापुर्वी अशाप्रकारचे दिवसा घरफोडी चोरीचे
गुन्हे केले आहेत आणि तो लाल रंगाचे अपाची मोटार सायकल वरून साथीदारासह नसरापुर फाटा परीसरात येणार असल्याची खात्रीशीर माहिती मिळाली. स्था. गु. शा. चे पथकाने

१) राहुल हिरामण लष्करे वय २२ वर्षे रा. काळा खडक, वाकड ता हवेली जि पुणे

२) अजय एकनाथ चव्हाण वय २२ वर्षे रा. जांभळी बु ता. भोर जि. पुणे मुळ रा. खांडवी ता गेवराई जि बीड

यांना सापळा लावून ताब्यात घेतले. चौकशीमध्ये त्यांनी जेजूरीला खंडोबाचे दर्शनासाठी आलेनंतर वाल्हे व सासवड शहरात सोसायटीतील बंद घरांची कडी कोयंडा तोडून चोरी केली असल्याचे सांगितले. त्याबाबत खात्री करता,

१) जेजूरी पो स्टे गु.र.नं. ६४५ / २०२३ भा.दं.वि.का.क. ४५४,३८०

२) सासवड पो स्टे गु.र.नं. ४६६ / २०२३ भा.दं.वि.का.क. ४५४,३८०
असे गुन्हे उघडकीस आले आहेत. आरोपींकडून गुन्हयात चोरी गेलेले चांदीचे पैंजण, जोडवी, नाकातील सोन्याची दोन नथ व मोबाईल फोन, गुन्हा करतेवेळी वापरलेली मोटार सायकल असा एकूण ५६,२००/- रु. किं.चा मुद्देमाल हस्तगत करण्यात  आलेला आहे. आरोपी राहुल हिरामण लष्करे हा सराईत असून त्याचेवर पुणे शहर हद्दीत यापुर्वी पाच गुन्हे दाखल असून तो नवीन साथीदाराला घेवून चोरी करतो.
सदरची कामगिरी  पोलिस अधीक्षक . अंकित गोयल, पुणे ग्रामीण, अपर पोलिस अधीक्षक आनंद भोईटे  बारामती विभाग, यांचे मार्गदर्शनाखाली स्थानिक गुन्हे शाखेचे पोलिस निरीक्षक अविनाश शिळीमकर, स.पो.नि. राहुल गावडे, पोलिस अंमलदार सचिन घाडगे, अजित भुजबळ, विजय कांचन, राजू मोमीण, अतुल डेरे, प्रकाश वाघमारे, धिरज जाधव, अमोल शेडगे, मंगेश भगत, प्राण येवले यांनी केली असून आरोपी पोलिस कोठडीत असून पुढील तपास जेजूरी पोलीस स्टेशन करत आहे.

–