वाशिम स्थानिक गुन्हे शाखेने केले जिल्ह्यातील व बीड जिल्ह्यातील १३ गुन्हे केले उघड…
वाशिम – समाजामध्ये शांतता व सुव्यवस्था नांदावी व कायद्याचे राज्य अबाधित राखावे यासाठी वाशिम जिल्हा पोलिस दल सदैव दक्ष असून नागरिकांच्या मालमत्तेची चोरी/नुकसान करणाऱ्याविरुद्ध कडक कायदेशीर कारवाई केली जाते. दि.०७.०९.२०२३ रोजी वाशिम शहरातील लाखाळा परिसरातून एक हिरो एच.एफ. डिलक्स दुचाकी गाडी क्र.MH37AE8241 चोरीला गेली होती. सदर दुचाकीचा शोध घेत असतांना त्यातील वाहन चोरट्यास अटक करून त्याच्या ताब्यातून ०२ दुचाकींसह ०१.२० लाखांचा मुद्देमाल हस्तगत करण्यात स्थानिक गुन्हे शाखेला यश प्राप्त झाले आहे.
सवीस्तर व्रुत्त असे की वाशिम शहरातील हिंगोली रोडवरील पाण्याच्या टाकीजवळ वास्तव्यास असलेले मनोज गायकवाड यांची एच.एफ. डिलक्स दुचाकी गाडी क्र.MH37AE8241 दि.०७.०९.२०२३ रोजी लाखाळा परिसरातून चोरीला गेली होती. सदर प्रकरणी पो.स्टे.वाशिम शहर येथे अप.क्र.७९८/२३, कलम ३७९ भादंवि अन्वये गुन्हा नोंदविण्यात आला होता. सदर गुन्ह्याचा तपास करत असतांना मिळालेल्या गोपनीय माहितीवरून सदर गाडी
गणेश सखाराम बांगरे, वय ३६ वर्षे, रा.मालेगाव,जिल्हा.वाशिम हल्ली मुक्काम खडकी, अकोला
याने चोरी केल्याचे निष्पन्न झाले. त्यास ताब्यात घेऊन सखोल चौकशी केली असता त्याच्याकडून
एच.एफ. डिलक्स दुचाकी गाडी क्र.MH37AE8241 व पो.स्टे.खदान, जिल्हा.अकोला अप.क्र.५७३/२३, कलम ४०६ भादंवि मधील एक अक्टीवा स्कुटी अश्या ०२ दुचाकींसह ०१.२० लाखांचा मुद्देमाल हस्तगत करण्यात आला आहे.
सदर प्रकरणाचा तपास करत असतांनाच पो.स्टे.बीड ग्रामीण, जिल्हा.बीड येथील अप.क्र.३२१/२३, कलम ३७९ भादंवि मधील १३ मोटारसायकली चोरी प्रकरणातील फरार आरोपी नामे केशव विश्वनाथ जाधव, रा.मालेगाव, जिल्हा.वाशिम यासदेखील अटक करण्यात स्थानिक गुन्हे शाखेला यश प्राप्त झाले आहे. दोन्ही आरोपींना प्राप्त गोपनीय माहितीच्या आधारे अकोला शहरातून ताब्यात घेण्यात आले असून पुढील कारवाई सुरु आहे.
सदरची कारवाई पोलिस अधीक्षक .बच्चन सिंह(IPS), अपर पोलिस अधीक्षक .भारत तांगडे यांच्या मार्गदर्शनाखाली पोनि.रामकृष्ण महल्ले, स्थानिक गुन्हे शाखा, वाशिम यांचे पथक सपोनि.रमाकांत खंदारे, पोहवा.गजानन अवगळे, गजानन झगरे, राजेश राठोड, पोना.गजानन गोटे, पोशि.शुभम चौधरी, सर्व नेमणूक स्था.गु.शा., वाशिम यांनी पार पाडली.
