वरोरा येथे बेकायदेशीर पिस्तूल आणि मॅगझिनसह १ जण गजाआड; गुन्हे शाखेची कारवाई

वरोरा (चंद्रपूर):

स्थानिक गुन्हे शाखा (LCB) चंद्रपूर आणि पोलिस स्टेशन वरोरा यांच्या संयुक्त पथकाने केलेल्या धडक कारवाईत पिस्तूल व मॅगझिनसह एका आरोपीला अटक केली आहे. ही कारवाई १७ ऑगस्ट २०२६ रोजी वरोरा शहरातील मित्र चौक परिसरात करण्यात आली.

 कारवाईचा सविस्तर घटनाक्रम:

• गुप्त बातमीदारामार्फत टीप: १७ ऑगस्ट रोजी स्थानिक गुन्हे शाखा व वरोरा पोलिस स्टेशनचे पथक शहरात पेट्रोलिंग करत असताना, मित्र चौक येथील रहिवासी संतोष सेलोकार याने आपल्या राहत्या घरी बेकायदेशीरपणे अग्न्यास्त्र (पिस्तूल) बाळगले असल्याची गोपनीय माहिती पोलिसांना मिळाली.

• घरावर छापा (रेड): मिळालेल्या माहितीच्या आधारे पोलिसांनी त्वरित मित्र चौक येथील संतोष दादाजी सेलोकार (वय ४८ वर्षे) याच्या घरावर छापा टाकला.

  
  

  

  
  

• मु मुद्देमाल जप्त: घरझडती दरम्यान आरोपीकडे ५०,००० रुपये किमतीचे १ पिस्तूल (मॅगझिनसह) विनापरवाना बेकायदेशीररित्या आढळून आले. पोलिसांनी सदर मुद्देमाल जप्त केला.

 तपासात नातेवाईकांची नावे उघड

आरोपी संतोष सेलोकार याच्याकडे सदर पिस्तूल कोठून आणले याबाबत विचारपूस केली असता, त्याने सांगितले की:

हे शस्त्र त्याचे नातेवाईक देवा नौकरकार व त्यांची पत्नी सौ. भाग्यश्री देवा नौकरकार (दोघे रा. मित्र चौक, वरोरा) यांनी त्याच्या घरी आणून दिले होते.

 पोलिसांची कारवाई व गुन्हा दाखल

• आरोपीविरुद्ध वरोरा पोलिस स्टेशन येथे अपराध क्रमांक ९०४/२०२६, कलम ३, २५ भारतीय हत्यार कायद्यान्वये गुन्हा नोंदवण्यात आला आहे.

  
  

  

  
  

• मुख्य आरोपी संतोष सेलोकार याला अटक करण्यात आली असून, पिस्तूल आणून देणारे आरोपी देवा नौकरकार आणि सौ. भाग्यश्री देवा नौकरकार यांचा शोध सुरू आहे.

• या प्रकरणाचा पुढील तपास वरोरा पोलिस करत आहेत.

 मार्गदर्शन व कारवाई करणारे पोलिस अधिकारी:

ही कारवाई  पोलिस अधीक्षक, चंद्रपूर आशुष नोपानी,  अपर पोलिस अधीक्षक, चंद्रपूर  ईश्वर कातकडे, पो.नि. अमोल काचोरे (स्थानिक गुन्हे शाखा) आणि पो.नि. ओमप्रकाश सोनटक्के (वरोरा पोलिस स्टेशन) यांच्या मार्गदर्शनाखाली पार पडली.

कारवाईत सहभागी पथक:

सपोनि शरद भस्मे, सपोनि लक्ष्मी चौधरी, पोउपनि सर्वेश बेलसरे, तसेच अंमलदार/कर्मचारी – सुभाष गोहोकार, सचिन गुरनुले, रज निकांत पुट्ठावार, सुखराज यादव, अमोल नवघरे, विठ्ठल काकडे, प्रफुल पुप्पलवार, प्रतिक हेमके, महेश गावतुरे, सौरभ कुलथे, पुजा मोहूर्ले, दिपाली देशमुख, दिनेश अराडे, प्रशांत बावणे.