अवैध गांजा विक्री करणाऱ्यावर हिंगणघाट पोलिसांचा छापा; एक जण अटकेत
हिंगणघाट (वर्धा) दिनांक १९ ऑक्टोबर २०२६:
हिंगणघाट शहरात अवैध अंमली पदार्थांच्या विरोधात पोलीस प्रशासनाने मोठी कारवाई केली आहे. गुप्त माहितीच्या आधारे पोलिसांनी हिंगणघाट येथील एका आरोपीच्या घरात छापा टाकून तब्बल ३८६ ग्रॅम गांजा जप्त केला असून, एन.डी.पी.एस. ॲक्टनुसार गुन्हा नोंदवून आरोपीला अटक करण्यात आली आहे.
अशी हिंगणघाट पोलिसांची कारवाई:
ही गोपनीय माहिती तात्काळ उपविभागीय पोलीस अधिकारी सुशीलकुमार नायक यांना देण्यात आली. त्यानंतर पोलीस निरीक्षक अनिल राऊत यांच्या आदेशानुसार पोलिसांनी पंचासमक्ष, फॉरेन्सिक टीम, मापारी व पोलीस स्टाफसह विरभागत सिंग वॉर्ड येथील अरुण कुडची याच्या घरी छापा टाकला.
घरातून जप्त झाला गांजा:
गुन्हा दाखल व पुढील तपास:
या प्रकरणी आरोपी अरुण अनिल कुडची याच्या विरोधात हिंगणघाट पोलीस स्टेशनमध्ये एन.डी.पी.एस. ॲक्ट (NDPS Act) कायद्यान्वये गुन्हा नोंद करून त्याला अटक करण्यात आली आहे.
सदर धडक कारवाई जिल्हा पोलीस अधीक्षक सौरभकुमार अग्रवाल, अपर पोलीस अधीक्षक सदाशिव वाघमारे, उपविभागीय पोलीस अधिकारी सुशीलकुमार नायक यांच्या मार्गदर्शनाखाली पोलीस निरीक्षक अनिल राऊत यांच्या सूचनेनुसार सपोनी अतुल स्थूल, पोलीस हवालदार प्रशांत ठोबरे, पो.ना. राजेश शेंडे, पो.शि. आशिष नेवारे व पो.शि. मंगेश वाघमारे यांनी पार पाडली. गुन्ह्याचा पुढील तपास हिंगणघाट पोलीस स्टेशनचे पी.एस. सोनकुसरे करीत आहेत.
