गंभीर गुन्ह्यातील फरार पोलिसांना पाहीजे असलेला आरोपीस ३ वर्षानंतर स्थानिक गुन्हे शाखेने केली अटक…
यवतमाळ(प्रतिनिधी) – सवीस्तर व्रुत्त असे की पोलिस स्टेशन यवतमाळ शहर येथे नोंद असलेला अपराध क्रमांक ३२३/२०२० कलम ३२६ भा.द.वि. गुन्हयातील आरोपी
पांडुरंग सुधाकर उर्फ शेरु मडावी रा. अंगणवाडी जवळ मौजा डोर्ली ता. यवतमाळ
हा गुन्हा घडला तेव्हापासुन अटक टाळण्यासाठी फरार राहत होता. त्याचा शोध घेवुनही तो मिळुन न आल्याने त्याचे विरुध्द गुन्हयात आरोपपत्र न्यायालयात दाखल करण्यात आले होते. दिनांक १७/११/२०२३ रोजी स्थानिक गुन्हे शाखेचे पथकाला आरोपी पांडुरंग सुधाकर उर्फ शेरु मडावी हा डोर्ली येथील महालक्ष्मी (मेस्का माय) मंदीराजवळ थांबुन असल्याची गोपणीय माहिती प्राप्त
झाली त्यावरुन पथकाने क्षणाचाही विलंब न करता डोर्ली येथे जावुन माहिती प्रमाणे शोध घेतला असता एक इसम डोर्ली येथील महालक्ष्मी (मेस्का माय) मंदीराजवळ संशयास्पद स्थितीत आढळुन आल्याने त्यास ताब्यात घेवून त्याचे नांव पत्ता विचारले असता त्याने आपले नांव पांडुरंग सुधाकर उर्फ शेरु मडावी वय ४४ वर्षे, रा. अंगणवाडी जवळ मौजा डोली ता. यवतमाळ असल्याचे सांगीतले वरुन व सदर आरोपी हा पोसिस स्टेशन यवतमाळ शहर येथील अपराध क्रमांक ३२३/२०२० कलम ३२६ भा.द.वि. गुन्हयात पाहिजे असल्याने त्यास ताब्यात घेवून पुढील कारवाई करीता पोलिस स्टेशन यवतमाळ शहरचे ताब्यात देण्यात आले आहे
सदरची कार्यवाही ही डॉ. पवन बन्सोड, पोलिस अधीक्षक यवतमाळ, पियुष जगताप, अपर पोलिस अधीक्षक, यवतमाळ, आधारसिंग सोनोने पोलिस निरीक्षक, स्था.गु.शा. यवतमाळ, यांचे मार्गदर्शनात सपोनि विवेक देशमुख, पोलिस अंमलदार बंडु डांगे, साजीद सैय्यद, रुपेश पाली, रितुराज मेडवे, धनंजय श्रिरामे सर्व स्था.गु.शा. यवतमाळ यांनी यशस्वीरित्या पार पाडली आहे.
