‘ऑपरेशन कवच’ अंतर्गत अमरावती ग्रामीण पोलिसांची धाडसी कारवाई; मोर्शी, चांदूर बाजार व चांदूर रेल्वेतून लाखो रुपयांची अवैध दारू जप्त!

अमरावती :-

ग्रामीण पोलीस अधीक्षक कार्यालयाच्या वतीने जिल्ह्यातील अवैध धंद्यांवर अंकुश ठेवण्यासाठी ‘ऑपरेशन कवच’ ही विशेष मोहीम राबवली जात आहे. या अभियानांतर्गत अमरावती ग्रामीणचे पोलीस अधीक्षक श्री. निकेतन कदम यांच्या प्रत्यक्ष आदेशानुसार स्थानिक गुन्हे शाखा (LCB) आणि विविध पोलीस ठाण्यांच्या पथकांनी ०४ सप्टेंबर २०२६ व ०६ सप्टेंबर २०२६ रोजी मोर्शी, चांदूर बाजार आणि चांदूर रेल्वे पोलीस ठाण्यांच्या हद्दीत धाडी टाकून अवैध दारूविक्री आणि वाहतुकीविरुद्ध मोठी कारवाई केली.

१. मोर्शी पोलीस ठाणे: अवैध गावरानी हातभट्टी दारू वाहतुकीवर धाड

• घटनाक्रम: मध्य प्रदेशातील रोहना येथून दोन इसम दुचाकीवरून ग्राम हिवरखेडे (तालुका मोर्शी) च्या दिशेने मोठ्या प्रमाणात अवैध गावरानी हातभट्टी दारूची वाहतूक करत असल्याची गोपनीय बातमी पोलिसांना मिळाली होती.

  
  

  

  
  

• कारवाई: माहितीच्या आधारे पोलिसांनी तात्काळ परिसरात सापळा रचला. मात्र, पोलिसांची चाहूल लागताच आरोपी आपल्या दुचाकी घटनास्थळी सोडून पसार झाले.

• जप्त मुद्देमाल: पोलिसांनी घटनास्थळावरून २५ लीटर क्षमतेच्या ५ ट्युबमध्ये भरलेली २२० लीटर गावरानी हातभट्टी दारू (किंमत ₹२२,०००/-) आणि वाहतुकीसाठी वापरलेल्या दोन मोटरसायकली (किंमत ₹६०,०००/-) असा एकूण ₹८२,०००/- रुपयांचा मुद्देमाल जप्त केला.

  
  

  

  
  

२. चांदूर बाजार पोलीस ठाणे: घरझडतीत देशी दारूचा साठा उघडकीस

• घटनाक्रम: चांदूर बाजार हद्दीतील हिरूळपूर्णा येथे अवैध दारूविक्री सुरू असल्याची माहिती मिळाल्यानंतर पोलिसांनी दोन ठिकाणी संशयित घरांची पंचांसमक्ष झडती घेतली.

  
  

  

  
  

• कारवाई व आरोपी: १) अशोक मणिराव सुलताने (वय ६० वर्ष) आणि २) मोहन संजय कुरवाडे (वय ४२ वर्ष, दोन्ही रा. हिरूळपूर्णा) यांच्या घरातील जिना तसेच पलंगाखाली लपवून ठेवलेला दारूचा साठा पोलिसांनी शोधून काढला.

• जप्त मुद्देमाल: ‘बॉबी संत्रा’ कंपनीच्या देशी दारूच्या २० काचेच्या पावट्या (किंमत ₹२,०००/-) हस्तगत करण्यात आल्या.

३. चांदूर रेल्वे पोलीस ठाणे: घरातून १०० लीटर गावठी दारू जप्त

• घटनाक्रम: राजीव गांधी नगर, चांदूर रेल्वे येथील एका घरात अवैध दारूची निर्मिती व विक्री होत असल्याच्या संशयावरून पोलिसांनी पंचांसमक्ष छापा टाकला.

• कारवाई व आरोपी: या कारवाईत आरोपी सौ. निला सुंदर पवार (वय ४६ वर्ष, रा. राजीव गांधी नगर) हिच्या ताब्यातून दारूचा साठा जप्त करण्यात आला.

• जप्त मुद्देमाल: ५० लीटर क्षमतेच्या २ प्लास्टिक डब्यांमध्ये ठेवलेली एकूण १०० लीटर गावठी हातभट्टी दारू (किंमत ₹१०,२००/-) जप्त करण्यात आली.

कारवाई करणारे पथक:

ही संपूर्ण कामगिरी पोलीस अधीक्षक  निकेतन कदम यांच्या आदेशानुसार आणि अपर पोलीस अधीक्षक  दत्ता तोटेवाड यांच्या मार्गदर्शनाखाली पार पडली. या कारवाईत स्थानिक गुन्हे शाखेचे (LCB) पोलीस निरीक्षक  अशोक लांडे, चांदूर बाजारचे ठाणेदार  आधारसिंग सोनोने, चांदूर रेल्वेचे ठाणेदार . राजीव हाके, पोलीस उपनिरीक्षक आकाश शिवणकर आणि LCB पथकातील कर्मचाऱ्यांचा महत्त्वाचा सहभाग होता.