पिस्टल व कारतुसह एकास स्थानिक गुन्हे शाखेने घेतले ताब्यात….

पिस्टलसह काडतुसे बाळगणाऱ्याला बुलढाणा गुन्हे शाखेने सापळा रचून पकडले…

बुलढाणा (प्रतिनिधी) – बुलढाणा गुन्हे शाखेने देशी बनावटीचे पिस्टलसह काडतुसे बाळगणाऱ्याला मिळालेल्या गोपनीय माहितीवरून कौशल्यपूर्ण तपासाच्या आधारावर बुलढाणा ते अजिंठा रोडवरील देऊळघाट शिवारातील एका छोट्या हॉटेलजवळ सापळा रचून, शिताफिने पकडून त्याच्याकडून पिस्टल-01, जिवंत काडतुसे-05 असा एकूण- 45 हजार रु.चा मुद्देमाल जप्त केला आहे.

या बाबत सविस्तर वृत्त असे की, आगामी श्री.गणेश उत्सव, नवरात्र उत्सव, विधानसभा निवडणूक-2024, राजकिय व सामाजिक क्षेत्राशी निगडीत विवीध आंदोलनं यांचे पार्श्वभूमीवर जिल्ह्यामध्ये शांतता राहून, कायदा व सुव्यवस्था अबाधित राहण्यासाठी बुलढाणा पोलीस दलाकडून खबरदारीच्या उपाययोजना राबविण्यात येत आहेत. सदर अनुशंगाने जिल्ह्याच्या सीमेला लागून असलेले पोलीस स्टेशन त्याच बरोबर जिल्हा व तालुका मुख्यालय या व ईतर ठिकाणी देशी बनावटीचे अग्नीशस्त्र (पिस्टल), काडतुसे व ईतर हत्यारांची तस्करी, खरेदी-विक्री करणारे तसेच असे घातक शस्त्र जवळ बाळगणाऱ्या ईसमांचा मुद्देमालासह शोध घेवून, त्याचेवर प्रचलित कायद्यानुसार कारवाई करण्यासाठी पोलीस अधीक्षक विश्व पानसरे, अपर पोलीस अधीक्षक अशोक थोरात, बी. बी. महामुनी स्थानिक गुन्हे शाखा-बुलढाणा यांनी स्थानिक गुन्हे शाखा यांना आदेशीत केले होते. सदर संबंधाने वपोनि, माधवराव गरुड, पोनि.अशोक एन.लांडे यांनी अधिनस्त पोलीस अधिकारी व अंमलदारांची विवीध पथके तयार करुन, त्यांना अवैध देशी बनावटीची पिस्टले, काडतूस बाळगणाऱ्या इसमांचा शोध घेवून, त्यांचेवर कारवाई करणेबाबत सुचित केले होते.

सदर प्रमाणे (दि.02सप्टेंबर) रोजी स्थानिक गुन्हे शाखेच्या पथकाला गोपनीय खबर मिळाली की, बुलढाणा ते अजिंठा रोडवरील देऊळघाट शिवारातील एका छोटया हॉटेलजवळ एक तरुण मुलगा येणार असून त्याचे जवळ देशी पिस्टल व जिवंत काडतूसे आहेत. वरुन स्था.गु.शा.चे पथकाने बुलढाणा ते अजिंठा रोडवरील देऊळघाट शिवारातील एक छोट्या हॉटेलजवळ सापळा रचून, आरोपीला पकडून पो.स्टे. बुलढाणा ग्रामीण येथे कलम 3/25 भारतीय अग्नी शस्त्र कायद्याप्रमाणे गुन्हा नोंद करण्यात आला.

ज्यात आरोपी नामे (1) शेख वसीम शेख रऊफ (वय 30 वर्षे), रा.देऊळघाट ता.जि. बुलढाणा ह.मु. कटकट गेट डिपीजवळ, छत्रपती संभाजीनगर याच्यावर कारवाई करून 1) देशी बनावटीचे 01 नग अग्नीशस्त्र (पिस्टल) मॅग्झीनसह कि 40,000/-रुपये, 2) जिवंत काडतूस एकूण 05 नग कि. प्रत्येकी 1000/-रुपये प्रमाणे एकूण- 05,000/-रुपये असा एकूण- 45,000/-रुपयांचा मुद्देमाल हा जप्त केला आहे.

नमुद प्रकरणात देशी पिस्टल आणि काडतूसे खरेदी-विक्रीशी संबंधीत ईसमांचा शोध घेण्यात येत असून, त्या करीता पोलीस अधीक्षक, बुलढाणा यांचे मार्गदर्शनाखाली स्था.गु.शा.चे विशेष पथक तयार करण्यात आले आहे. सदर प्रकरणी, पो.स्टे. बुलढाणा ग्रामीण येथे गुन्हा नोंद करण्यात आला असुन, पुढील तपास पो.स्टे. बुलढाणा ग्रामीण यांचे कडून करण्यात येणार आहे.

सदरची कामगिरी पोलिस अधिक्षक विश्व पानसरे,अपर पोलिस अधिक्षक खामगाव, अशोक थोरात,अपर पोलिस अधिक्षक बुलढाणा बी.बी महामुनी  यांचे आदेशाने व मार्गदर्शनाखाली, वपोनि. माधवराव गरुड, पोनि.अशोक एन.लांडे प्रभारी अधिकारी, सपोनि. रुपेश शक्करगे, सफौ.गजानन माळी, पोहवा.दिपक लेकुरवाळे, जगदेव टेकाळे, नापोशि गणेश पाटील,संजय भुजबळ सर्व नेमणूक- स्था.गु.शा. बुलढाणा यांचे पथकाने पार पाडली आहे.