गोंदियात वाळूची अवैध वाहतूक; ३० लाखांच्या मुद्देमालासह ६ जणांवर कारवाई

वैनगंगा नदीपात्रातून वाळूची अवैध वाहतूक; गोंदिया एलसीबीची धडाकेबाज कारवाई, ३० लाखांच्या मुद्देमालासह ६ जणांवर गुन्हा दाखल

गोंदिया:

पोलीस अधीक्षक गोरख भामरे यांच्या निर्देशाखाली आणि स्थानिक गुन्हे शाखेचे (LCB) पोलीस निरीक्षक रेवचंद सिंगनजुडे यांच्या मार्गदर्शनाखाली गोंदिया पोलिसांनी अवैध धंद्यांविरोधात जोरदार कारवाई केली आहे. दावनिवाडा पोलीस स्टेशनअंतर्गत येणाऱ्या महालगाव घाट परिसरातून वैनगंगा नदीच्या पात्रातून वाळूची अवैध वाहतूक करणाऱ्या १ टिप्पर आणि ३ ट्रॅक्टरसह ३० लाख ३० हजार रुपयांचा मुद्देमाल जप्त करण्यात आला असून ६ जणांवर गुन्हा दाखल करण्यात आला आहे.

 नाकाबंदी करून रंगेहात पकडले

१ सप्टेंबर २०२६ रोजी स्थानिक गुन्हे शाखेचे पथक जिल्ह्यात अवैध धंद्यांवर धाडी टाकण्यासाठी गस्त घालत होते. यादरम्यान, दावनिवाडा हद्दीतील महालगाव घाटावरून वैनगंगा नदीच्या पात्रातील वाळू उपसा करून टिप्पर व ट्रॅक्टरद्वारे अवैध विक्रीसाठी वाहतूक केली जात असल्याची गुप्त माहिती पोलिसांना मिळाली.

माहितीच्या आधारे पोलिसांनी महालगाव ते धापेवाडा रस्त्यावर तातडीने नाकाबंदी केली. काही वेळातच महालगावच्या दिशेने १ टिप्पर आणि ३ ट्रॅक्टर एकामागून एक येताना दिसले. पोलिसांनी संशयित वाहने थांबवून पंचांसमक्ष पाहणी केली असता, त्यात अवैध वाळू भरलेली आढळली. वाहनांच्या चालकांकडे वाळू वाहतुकीचा कोणताही परवाना नव्हता. नदीपात्रातून वाळू चोरी करून ती विक्रीसाठी नेली जात असल्याचे चौकशीत निष्पन्न झाले.

जप्त केलेला मुद्देमाल (एकूण किंमत: ₹३०,३०,०००/-)

 आरोपींची नावे

या प्रकरणी दावनिवाडा पोलीस ठाण्यात खालील ६ आरोपींविरुद्ध गुन्हा दाखल करण्यात आला आहे:

• सागर कन्हैय्यालाल नेवारे (वय २८, रा. कुंभारटोली, आमगाव)

• प्रकाश राऊत (टिप्पर मालक, रा. आमगाव)

  
  

  

  
  

• अंकित कामठे (ट्रॅक्टर चालक, रा. खुर्शीपार, ता. खैरलांजी, जि. बालाघाट)

• राजू अनंतराम बंबारे (वय ३६, ट्रॅक्टर मालक, रा. महालगाव)

• चैनलाल मदारीलाल बंबारे (वय ५१, ट्रॅक्टर चालक-मालक, रा. महालगाव)

• चरण भाऊलाल मंदरेले (वय ३५, ट्रॅक्टर चालक-मालक, रा. महालगाव)

 कारवाई करणारे पोलीस पथक

ही धडक कारवाई पोलीस अधीक्षक गोरख भामरे आणि LCB पोलीस निरीक्षक रेवचंद सिंगनजुडे यांच्या नेतृत्वात खालील अंमलदारांनी केली:

• पोहवा संजय चव्हाण

• पोहवा सोमेंद्रसिंग तूरकर

• पोहवा रियाज शेख

• पोहवा दीक्षितकुमार दमाहे

• पोहवा सुबोध बिसेन

• पोशि छगन विठ्ठले