चाळीसगाव पोलिसांनी संशयीतांना ताब्यात घेऊन दोन मोटारसायकल केल्या जप्त…
संशयीत आरोपीतांना ताब्यात घेवुन त्यांचेकडुन चोरीच्या दोन मोटार सायकली जप्त केलेबाबत…….
चाळीसगाव(जळगाव)प्रतिनिधी – याबाबत सवीस्तर व्रुत्त असे की,दि.(08)रोजी पोलिस अधिक्षक महेश्वर रेड्डी यांच्या आदेशाने व अपर पोलिस अधिक्षक,चाळीसगाव परीमंडळ कविता नेरकर (पवार),सहा पोलिस अधिक्षक चाळीसगाव अभयसिंग देशमुख, यांच्या मार्गदर्शनाखाली चाळीसगाव शहरात पोलिस स्टेशन हद्दीत कडक पेट्रोलिंग करण्याची मोहीम राबविण्यात आली होती.
वरीष्ठाच्या आदेशाने पोलिस स्टेशन हद्दीत कडक पेट्रोलिंग करीत असतांना गोपनीय बातमीदारामार्फत माहीती मिळाली की, बेलखेडा ता. कन्नड येथील दोन इसम हे दोन मोटार सायकली या मार्केट कमिटी परीसरात विक्री करीता येणार आहे याबाबत माहीती मिळाल्याने पोलिस निरीक्षक संदिप पाटील यांचे मार्गदर्शानाखाली लागलीच पोलिस पथक मिळालेली माहीतीची खात्री करणे करीता रवाना होवुन मार्केट कमिटी परीसरात जावुन अंधारात थांबले असता रात्री 9.30 वा. चे सुमारास दोन इसम हे त्यांचे ताब्यात दोन मोटार सायकली घेवुन मार्केट कमिटीचे आत आले तेव्हा त्यांना जागीच पकडुन त्यांचे ताब्यातील मोटार सायकलींबाबत विचारपुस केली असता त्यांनी उडवा उडवीचे उत्तरे दिली. तेव्हा त्यांना त्यांचे नाव गाव विचारले असता त्यांनी त्यांची नावे-1) बापुजी उर्फ लखन बळीराम राठोड वय- 35 रा. बेलखेडा तांडा ता. कन्नड जि. छत्रपती संभाजी नगर, 2) विवेक गणु आडे वय- 33 रा. बेलखेडा ता. कन्नड जि. छत्रपती संभाजी नगर असे सांगितले. वरील इसमांच्या ताब्यात 50,000/- रु. किंमतीच्या दोन मोटार सायकली (प्लॅटीना, फॅशन प्रो) अशा मिळुन आल्याने सदर इसमाविरुध्द पोशि समाधान पाटील यांचे फिर्यादीवरुन गुरनं. 248/2024 महा. पोलिस अधिनियम कलम- 124 प्रमाणे गुन्हा दाखल करुन आरोपीचे ताब्यात मिळालेल्या मोटारसायकल जप्त करण्यात आल्या आहेत.सदर मोटर सायकल कल्याण , ठाणे येथून चोरी केल्याची माहिती मिळाली आहे
सदरची कारवाई ही पोलिस अधीक्षक महेश्वर रेड्डी,अपर पोलिस अधीक्षक,चाळीसगाव परीमंडळ कविता नेरकर,सहा पोलिस अधीक्षक अभयसिंग देशमुख यांचे मार्गदर्शनाखाली पोलिस निरीक्षक संदीप पाटील,पोहवा राहुल सोनवणे,अजय पाटील, नापोशि भुषण पाटील,महेंद्र पाटील,पोशि विजय पाटील, आशुतोष सोनवणे,रविंद्र बच्छे,पवन पाटील,ज्ञानेश्वर गिते,ज्ञानेश्वर पाटोळे, समाधान पाटील,राकेश महाजन,मनोज चव्हाण यांचे पथकाने केली आहे. तसेच सदर गुन्ह्याचा पुढील तपास पोहवा अजय पाटील व पोशि ज्ञानेश्वर पाटोळे हे करीत आहेत.
