अमरावतीत मोर्शी पोलिसांची मोठी कारवाई; ५५,९०० रुपयांच्या मुद्यामहासह गुटखा वाहतूक करणारे वाहन पकडले

मोर्शी पोलिसांची मोठी कारवाई! मध्य प्रदेशातून महाराष्ट्रात होणारी प्रतिबंधन गुटख्याची अवैध वाहतूक उघड; चालकासह ५५,९०० रुपयांचा मुद्देमाल जप्त

अमरावती ग्रामीण / मोर्शी:

महाराष्ट्र शासनाने प्रतिबंधित केलेल्या गुटखा व सुवासिक तंबाखूच्या अवैध वाहतुकीविरुद्ध मोर्शी पोलिसांनी एक मोठी धडक कारवाई केली आहे. मध्य प्रदेशातून महाराष्ट्रात चारचाकी वाहनातून मोठ्या प्रमाणावर आणला जाणारा प्रतिबंधित गुटखा पोलिसांनी नाकाबंदी करून पकडला असून, या प्रकरणी एका आरोपीस अटक करण्यात आली आहे. पुरवठा साखळीचा सखोल तपास आता पोलिसांकडून सुरू आहे.

कारवाईची पार्श्वभूमी आणि तपशील:

अमरावती विशेष पोलीस महानिरीक्षक कार्यालयात नेमणुकीस असलेले साहाय्यक पोलीस निरीक्षक निलेश देशमुख यांना त्यांच्या गोपनीय बातमीदारांमार्फत माहिती मिळाली होती की, मध्य प्रदेशातून एका चारचाकी वाहनाद्वारे मोठ्या प्रमाणावर प्रतिबंधित गुटखा अमरावती जिल्ह्यातील विविध ठिकाणी विक्रीसाठी आणला जात आहे.

या माहितीचे गांभीर्य लक्षात घेऊन मोर्शी पोलीस स्टेशनचे प्रभारी अधिकारी, पोलीस निरीक्षक राहुल आठवले यांनी तत्काळ मोर्शी पोलिसांच्या पथकाला नाकाबंदी करण्याचे निर्देश दिले. दिनांक १० नोव्हेंबर २०२६ रोजी मोर्शी पोलीस स्टेशनचे पथक नाकाबंदी करत असताना, संशयित अशोक लेलँड कंपनीचे चारचाकी वाहन (क्रमांक MH 19 CX 0982) तेथे आले.

पोलिसांनी पंचसमक्ष वाहनाची झडती घेतली असता, त्यात महाराष्ट्र शासन प्रतिबंधित केलेला सुवासिक तंबाखू व गुटख्याचा मोठा साठा आढळून आला.

जप्त करण्यात आलेला मुद्देमाल:

• प्रतिबंधित गुटखा: ३५,०९०/- रुपये किंमतीचा साठा.

  
  

  

  
  

• वाहन: अशोक लेलँड कंपनीची चारचाकी (क्र. MH 19 CX 0982), किंमत अंदाजे २०,०००/- रुपये.

• एकूण जप्त मुद्देमाल: ५५,९०/- रुपये.

  
  

  

  
  

आरोपी आणि मुख्य पुरवठादारांची नावे:

1. शाहरुख खान सर्फराज खान (वय ३२ वर्षे, रा. आवेज नगर, अमरावती) – अटक गरिएको वाहन चालक.

चौकशी दरम्यान आरोपीने दिलेल्या माहितीनुसार, हा गुटखा जावेद सेठ उर्फ जावेदजावेद हारून सुवारी वाला (रानू बस्ती, नगीना मशिदी जवळ, बडनेरा) याने मध्य प्रदेशातील गोडावूनवरून भरून दिला होता. हा माल चांद खान उर्फ चांद भाई (रा. अमरावती), आणि रेहान खान उर्फ रेहान भाई (रा. डी.एड. कॉलेज जवळ, धरमकाटा ऑफिस परिसर, अमरावती) यांच्या गोडावूनवर खाली करणार असल्याचे उघड झाले.

अन्न व औषध प्रशासन विभाग, अमरावतीचे अधिकारी श्री. घनश्याम दंडे यांच्या फिर्यादीवरून वरील सर्व आरोपींविरुद्ध गुन्हा नोंदवून मोर्शी पोलिसांनी पुढील तपास वेगाने सुरू केला आहे.

मार्गदर्शन व सहभाग:

सदर कारवाई विशेष पोलीस महानिरीक्षक डॉ. महेश पाटील (IPS), पोलीस अधीक्षक  निकेतन कदम, अपर पोलीस अधीक्षक  दत्ता तोतवाड व उपविभागीय पोलीस अधिकारी उमेश पाटील यांच्या मार्गदर्शनाखाली, साहाय्यक पोलीस निरीक्षक निलेश देशमुख यांच्या गोपनीय माहितीच्या आधारे पोलीस निरीक्षक राहुल आठवले व त्यांच्या पथकाने यशस्वीरीत्या पार पाडली.

या कारवाईमध्ये पोहेकॉ श्रीकांत पाटील, पोहेकॉ मोहम्मद अमीर, पोहेकॉ धनसिंग ठाकुूर, पोहेकॉ मनोज गावडे, पोशि राजकुमार थोटे, पोशि छत्रपती करपते आणि पोशि अथर्व कोहळे यांनी सहभाग घेतला.