हिंगणघाट पोलिसांची मोठी कारवाई: तीन ठिकाणी छापे मारून २.८८ लाखांचा देशी-विदेशी दारूचा मुद्देमाल जप्त; तिघांवर गुन्हे दाखल

हिंगणघाट (वर्धा):

पोलीस स्टेशन हिंगणघाट येथील गुन्हे प्रकटीकरण (डी.बी.) पथकाने वरिष्ठांच्या मार्गदर्शनाखाली २६ जुलै २०२६ रोजी पोलीस ठाण्याच्या हद्दीत अवैध दारू विक्री व वाहतुकीविरोधात (प्रो. रेड) धडक कारवाई केली. या मोहिमेदरम्यान ३ वेगवेगळ्या कारवायांमध्ये एकूण २ लाख ८८ हजार रुपये किमतीचा देशी व विदेशी दारूचा साठा तसेच दुचाकी वाहने जप्त करून ३ आरोपींविरुद्ध दारूबंदी कायद्यान्वये गुन्हे दाखल करण्यात आले आहेत.

 १. लाडकी ते बुरकोणी रोडवर देशी दारूची वाहतूक करणारे दोघे अटकेत

गुप्त माहितीच्या आधारे पेट्रोलिंग करत असताना, मौजा लाडकी ते बुरकोणी रोडने दोन वेगवेगळ्या मोटारसायकलवरून देशी दारूची अवैध वाहतूक करणाऱ्या दोन इसमांना पोलिसांनी ताब्यात घेतले.

• आरोपी १ – बबन थुल:

  
  

  

  
  

  • जप्त माल: रॉकेट कंपनीच्या ९० मि.ली. च्या सीलबंद १०० प्लास्टिक शिश्या (किंमत ₹१२,०००/-).

  • जप्त वाहन: काळ्या रंगाची हिरो पॅशन प्रो प्लस मोटारसायकल (क्र. MH 34 AL 9742, किंमत ₹९०,०००/-).

    
    

    

    
    

  • एकूण जप्त मुद्देमाल: ₹१,०२,०००/-.

• आरोपी २ – भगवान काळे:

  
  

  

  
  

  • जप्त माल: रॉकेट कंपनीच्या ९० मि.ली. च्या संत्रा देशी दारूच्या सीलबंद १०० प्लास्टिक शिश्या (किंमत ₹१२,०००/-).

  • जप्त वाहन: काळ्या रंगाची हिरो स्प्लेंडर प्लस मोटारसायकल (क्र. MH 34 AJ 7509, किंमत ₹७०,०००/-).

  • एकूण जप्त मुद्देमाल: ₹८२,०००/-.

 २. संत तुकडोजी वॉर्डात मोपेडच्या डिक्कीत विदेशी दारू विकणाऱ्यावर छापा

हिंगणघाट येथील संत तुकडोजी वॉर्डात राहणारा आरोपी संदीप चाफले हा आपल्या मोपेड वाहनाच्या डिक्कीमध्ये विदेशी दारू बाळगून तिची अवैध विक्री करत असल्याचे निष्पन्न झाले. पोलिसांनी छापा मारून त्यास ताब्यात घेतले.

• जप्त मुद्देमाल:

  1. पांढऱ्या रंगाची जुनी वापरती हिरो डेस्टिनी मोपेड (क्र. MH 32 AY 3326, किंमत ₹१,००,०००/-).

  2. डिक्कीतील टिफिन बॅगमध्ये १८० मि.ली. च्या ‘रॉयल स्टॅग’ कंपनीच्या ४०० रुपये प्रति बाटलीप्रमाणे ६ सीलबंद बाटल्या (किंमत ₹२,४००/-).

  3. १८० मि.ली. च्या ‘रॉयल चॅलेंजर्स’ कंपनीच्या ४०० रुपये प्रति बाटलीप्रमाणे ४ सीलबंद बाटल्या (किंमत ₹१,६००/-).

• एकूण जप्त मुद्देमाल: ₹१,०४,०००/-.

 कारवाईचा थोडक्यात तपशील

 पोलीस पथक व मार्गदर्शन

ही धडक कारवाई  पोलीस अधीक्षक सौरभकुमार अग्रवाल, अप्पर पोलीस अधीक्षक सदाशिव वाघमारे, उपविभागीय पोलीस अधिकारी सुशिलकुमार नायक व  पोलीस निरीक्षक अनिल राऊत (पोलीस स्टेशन हिंगणघाट) यांच्या मार्गदर्शनाखाली पार पडली.

कारवाई करणारे पथक:

पो.उपनि. महेश इट्कल यांच्या नेतृत्वाखाली डी.बी. पथकाचे पोलीस हवालदार प्रशांत ठोंबरे, प्रवीण बोधणे, पो.ना. राजेश शेंडे, पो.शी. मंगेश वाघमारे, पो.शी. आशिष नेवारे आणि पो.शी. रोहित साठे यांनी ही यशस्वी कारवाई केली.

सदर गुन्ह्यांचा पुढील तपास हिंगणघाट पोलीस करत आहेत.