बुलढाण्यात LCB ची मोठी कारवाई: अवैध रेती वाहतूक करणारे २ टिप्पर जप्त, ६० लाखांचा मुद्देमाल हस्तगत

बुलढाणा :-

जिल्ह्यात विनापरवाना व अवैधरित्या गौण खनिजाची (रेती) चोरटी वाहतूक करणाऱ्यांवर कठोर कारवाई करण्याचे निर्देश बुलढाण्याचे पोलीस अधीक्षक निलेश तांबे यांनी दिले होते. या निर्देशांनुसार कारवाई करत स्थानिक गुन्हे शाखेच्या (LCB) पथकाने चिखली पोलीस ठाण्याच्या हद्दीत मध्यरात्री मोठी कारवाई केली असून ६० लाख ३० हजार रुपयांच्या मुद्देमालासह २ आरोपींना अटक केली आहे.

मध्यरात्री सापळा रचून नाकाबंदी

स्थानिक गुन्हे शाखेच्या पथकाला गोपनीय बातमीदाराकडून माहिती मिळाली होती की, चिखली पोलीस ठाण्याच्या हद्दीतील मलगी फाटा परिसरातून काही इसम स्वतःच्या ताब्यातील टिप्परद्वारे अवैध रेतीची वाहतूक करत आहेत. या माहितीच्या आधारे स्थागुशाच्या पथकाने ६ सप्टेंबर २०२६ च्या मध्यरात्री मलगी फाट्यावर सापळा रचून रोड नाकाबंदी केली. या नाकाबंदीदरम्यान अवैध रेतीची चोरटी वाहतूक करणारे २ टिप्पर रंगेहात पकडण्यात आले.

अटक करण्यात आलेले आरोपी

1. संदिप लिंबाजी देढे (वय २९ वर्षे, रा. देऊळगाव मही, ता. देऊळगाव राजा)

   
   

   

   
   

2. पवन देविदास मुरकुट (वय २७ वर्षे, रा. डोरव्ही, ता. सिंदखेड राजा, जि. बुलढाणा)

हस्तगत करण्यात आलेला मुद्देमाल (एकूण किंमत: ₹६०,३०,०००/-)

• १) टाटा कंपनीचे टिप्पर (क्र. MH-28-BB-7556): अंदाजे किंमत ₹३०,००,०००/-

  
  

  

  
  

• २) टाटा कंपनीचे टिप्पर (क्र. MH-14-MT-4933): अंदाजे किंमत ₹३०,००,०००/-

• ३) रेती (वाळू) ०६ ब्रास: अंदाजे किंमत ₹३०,०००/-

  
  

  

  
  

चिखली पोलिसांत गुन्हा दाखल

या प्रकरणी सहाय्यक पोलीस निरीक्षक (सपोनि) सुनील इंगळे यांच्या तक्रारीवरून चिखली पोलीस ठाण्यात आरोपींविरुद्ध भारतीय न्याय संहिता (BNS) कलम ३०३(२) आणि गौण खनिज अधिनियम कलम २१(१), २१(२) अन्वये गुन्हा दाखल करण्यात आला आहे. या प्रकरणाचा पुढील तपास चिखली पोलीस करत आहेत.

कारवाई करणारे पोलीस पथक

सदर कारवाई पोलीस अधीक्षक  निलेश तांबे यांच्या आदेशान्वये आणि अपर पोलीस अधीक्षक अमोल गायकवाड (बुलढाणा), अपर पोलीस अधीक्षक  पियुष जगताप (खामगाव) यांच्या मार्गदर्शनाखाली स्थानिक गुन्हे शाखेचे पोलीस निरीक्षक हेमंत ठाकरे यांच्या नेतृत्वात करण्यात आली.

या पथकात सपोनि सुनील इंगळे, पोहेकॉ. अनुपकुमार मेहेर, पोकॉ. विक्रांत इंगळे, सतीश नाटेकर आणि चापोकॉ. निवृत्ती पुंड (सर्व नेमणूक: स्थानिक गुन्हे शाखा, बुलढाणा) यांचा समावेश होता.