यशोधरानगर पोलिसांची मोठी कारवाई; घरफोडी व वाहन चोरी करणारे ३ आरोपी अटक, ६ गुन्हे उघड

नागपूर :- यशोधरानगर पोलिसांनी घरफोडी आणि वाहन चोरी करणाऱ्या एका गुन्हेगारी टोळीचा पर्दाफाश केला असून, ३ आरोपींना अटक केली आहे. या कारवाईत पोलिसांनी एकूण ६ गुन्हे उघडकीस आणले आहेत.

घटनेचा तपशील:

• घटनेची वेळ: दिनांक २ ऑक्टोबर २०२६ रोजी सायंकाळी १९:०० वाजat ते दिनांक ३ ऑक्टोबर २०२६ रोजी दुपारी १५:०० वाजे दरम्यान.

  
  

  

  
  

• घटनास्थळ: ५६०, गोंड मोहल्ला, यशोधरानगर, नागपूर.

  
  

  

  
  

• तक्रारदार: सौ. यशोदा विश्वनाथ कुंभार (वय ५६ वर्षे).

  
  

  

  
  

फिर्यादी सौ. यशोदा कुंभार या आपल्या कुटुंबासह घराला कुलूप लावून मुळकडे गोधनी, नागपूर येथे गेल्या असता, अज्ञात चोरट्यांनी त्यांच्या घराचे मुख्य लाकडी दरवाजाचे कुलूप तोडून आत प्रवेश केला. बेडरूममधील लोखंडी कपाटातील २,००,०००/- रुपये रोख तसेच सोन्या-चांदीचे विविध दागिने असा एकूण ८,८७,०००/- रुपयांचा मुद्देमाल चोरून नेला. या प्रकरणी यशोधरानगर पोलीस ठाण्यात अज्ञात आरोपीविरुद्ध भा.न्या.सं. च्या कलम ३०५(अ), ३३१(३), ३३१(४) अन्वये गुन्हा दाखल करण्यात आला होता.

तपास आणि आरोपींची नावे:

यशोधरानगर पोलिसांनी तांत्रिक तपास करून मिळालेल्या माहितीच्या आधारे खालील आरोपींना ताब्यात घेतले:

1. प्रवीण अनिल वालदे (वय २२ वर्षे, रा. संजय गांधी नगर, राणी दुर्गावती चौक, यशोधरानगर, नागपूर)

2. साहील पवन मेश्राम (वय २० वर्षे, रा. संजय गांधी नगर, सिद्धार्थ गौतम बुद्ध विहारजवळ, यशोधरानगर, नागपूर)

   
   

   

   
   

3. आर्यन धरमपाल भांगे (वय १९ वर्षे, रा. सुगत नगर बुद्ध विहार जवळ, राजनगर, जरीपटका, नागपूर)

चौकशीदरम्यान त्यांनी त्यांच्या इतर साथीदारांसह संगनमताने घरफोडी केल्याची कबुली दिली.

उघडकीस आलेले गुन्हे व जप्त मुद्देमाल:

आरोपींची कसून चौकशी केली असता त्यांनी यशोधरानगर पोलीस ठाण्याच्या हद्दीत १ घरफोडी आणि १ वाहन चोरीचा गुन्हा, पोलीस ठाणे शांतीनगर हद्दीत ॲक्टीव्हा, पोलीस ठाणे गिट्ठीखडान हद्दीत होंडा ॲक्टीव्हा, पोलीस ठाणे कळमना हद्दीत यामाहा एफझेड आणि हिरोहोण्डा स्प्लेंडर अशा एकूण ४ चोरीच्या वाहनांसह एकूण ६ गुन्हे केल्याचे निष्पन्न झाले.

• जप्त करण्यात आलेला मुद्देमाल: रोख २,००,०००/- रुपये, विविध सोन्या-चांदीचे दागिने आणि ४ चोरी केलेली वाहने असा एकूण ५,१२,२०0/- रुपयांचा मुद्देमाल जप्त करण्यात आला आहे. आरोपींना अटक करण्यात आली असून पुढील तपास सुरू आहे.

मार्गदर्शक अधिकारी:

ही धडाकेबाज कामगिरी पोलीस आयुक्त नागपूर शहर  विश्वास नांगरे पाटील, सह. पोलीस आयुक्त नागपूर शहर नवीनचंद्र रेड्डी, अपर पोलीस आयुक्त (दक्षिण विभाग) वसंत परदेशी, पोलीस उप आयुक्त (परिक. ५)  नित्यंद झा, आणि सह. पोलीस आयुक्त (कळमना विभाग)  रोहित ओव्हाळ यांच्या मार्गदर्शनाखाली यशोधरानगर पोलीस ठाण्यातील अधिकारी व अंमलदारांनी पार पाडली.