खोलापूर पोलिसांची धडक कारवाई: १ किलो २० ग्रॅम गांजासह एक जण अटक; ७ लाख २० हजार रुपयांचा मुद्देमाल जप्त

महाराष्ट्रातील महत्वाच्या क्राईम संबंधी बातम्यांसाठी आम्हाला जॅाईन करा

खोलापूर (दि. १३ ऑक्टोबर २०२६):

अमरावती ग्रामीण पोलीस दलांतर्गत येणाऱ्या खोलापूर पोलीस स्टेशनच्या पथकाने अवैध नशेच्या पदार्थांविरोधात मोठी कारवाई केली आहे. पोलिसांनी एका चारचाकी वाहनातून तब्बल १ किलो २० ग्रॅम गांजा जप्त केला असून, या प्रकरणी एका आरोपीला अटक करण्यात आली आहे. या कारवाईत गांजा आणि वाहनासह एकूण ७ लाख २० हजार रुपयांचा मुद्देमाल जप्त करण्यात आला आहे.

कारवाईची पार्श्वभूमी:

अमरावती ग्रामीणचे पोलीस अधीक्षक निकेतन कदम यांनी पोलीस स्टेशन हद्दीत अमली पदार्थ, वरळी जुगार, अवैध दारू विक्री, गावठी हातभट्टी, अवैध रेती व गोवंश वाहतूक तसेच गुटखा विक्री व वाहतूक करणाऱ्यांवर कठोर कायदेशीर कारवाई करण्याचे आदेश सर्व ठाणेदारांना दिले होते. या पार्श्वभूमीवर खोलापूर पोलीस सतर्क झाले होते.

अशी झाली कारवाई:

गुप माहिती: दिनांक १३ ऑक्टोबर २०२६ रोजी खोलापूर पोलिसांना गुप्त बातमीदाराकडून माहिती मिळाली की, एक इसम आपल्या चारचाकी वाहनात (क्र. MH30 BC 6739) गांजा भरून वळगाववरून खोलापूर मार्गे दर्यापूरकडे जात आहे.
नाकाबंदी आणि पकड: या माहितीची खात्री पटताच खोलापूर पोलिसांनी पंचांसमक्ष आसरा फाटा, खोलापूर बस स्टँड येथे तात्काळ नाकाबंदी केली आणि संबंधित संशयित गाडीला व आरोपीला ताब्यात घेतले.
जप्त करण्यात आलेला मुद्देमाल:
- ०१ किलो २० ग्रॅम गांजा: (अंदाजे किंमत २०,०००/- रुपये)
- मारुती सुझुकी इको चारचाकी गाडी (क्र. MH30 BC 6739): (अंदाजे किंमत ७,००,०००/- रुपये)
- एकूण जप्त ऐवज: ७,२०,०००/- रुपये
  
  अटक करण्यात आलेला आरोपी:

नाव: अनिल गजानन वाळसे
वय: ३० वर्षे
पत्ता: ईटकी अंतरगाव, तालुका दर्यापूर, जिल्हा अमरावती
पोलिसांनी आरोपीविरुद्ध कायदेशीर कारवाई करत त्याला अटक केली आहे.

मार्गदर्शन व कारवाई करणारे पथक:

ही धडक कारवाई पोलीस अधीक्षक निकेतन कदम, अपर पोलीस अधीक्षक दत्ता तोटेवाड, मा. उपविभागीय पोलीस अधिकारी अशोक थोरात आणि स्थानिक गुन्हे शाखा (स्थागुशा) अमरावती ग्रामीणचे पोनि. अशोक लांडे यांच्या मार्गदर्शनाखाली पार पडली.

या यशस्वी कारवाईमध्ये खोलापूर पोलीस स्टेशनचे ठाणेदार API अनुप वाकडे, ASI पुरुषोत्तम बावनेर, HC सिद्धार्थ आठवले, HC सुनिल शेरेकर, HC दिपक उईके, HC शैलेष घुरडे, HC राहुल वानखडे, HC नरेंद्र काठे, PC निखिल आमझरे, PC वृंदावन गुडधे आणि चालक HC राजेश सरकटे यांनी सहभाग घेतला होता.