गिरोली(देवळी) येथील घरफोडी व खुन प्रकरणाची वर्धा पोलिसांनी २४ तासाच्या आत केली उकल…

वर्धा- सवीस्तर व्रुत्त असे की गिरोली(देवळी) येथील  प्रविण अरुण डहाके, वय 34 वर्षे,  यांनी दिनांक 09/09/2023 रोजी पोलिस स्टेशन देवळी येथे येवुन तक्रार दिली की, त्यांचे वडिल अरुण किसनाजी डहाके, वय 65 वर्षे, रा. गिरोली हे नेहमीप्रमाणे
दिनांक 08/09/2023 रोजी रात्रीचे जेवण करुन घरामध्ये रात्री एकटे झोपले असता रात्री दरम्यान अज्ञात चोरट्यांनी त्यांचे हॉलमध्ये घऱात चोरी करण्याचे उद्देशाने प्रवेश करुन घरातील स्टील डब्यात ठेवून असलेले नगदी अंदाजे 1,00,000/- रु. चोरी करुन त्यांना धारदार शस्त्राने डोक्यावर, मानेवर मारुन जिवानिशी ठार करुन चोरट्यांनी पोबारा केला. अशा तक्रारीवरुन पोलिस स्टेशन देवळी येथे अप. क्र. कलम 302, 460 भा.द.वि अन्वये गुन्हा नोंद करण्यात आला.होता
सदर घटनेचे गांभीर्य लक्षात घेता पोलिस अधीक्षक नुरुल हसन  अपर पोलिस अधीक्षक डॅा सागर कवडे यांनी तात्काळ घटनास्थळी भेट देवुन परीस्थितीची पाहणी करुन अज्ञात आरोपीतांचा तातडीने शोध घेवुन गुन्ह्याची उकल करुन आरोपींना अटक करण्याच्या
सुचना स्थानिक गुन्हे शाखेच्या पथकांना तसेच सायबर सेल शाखेला व पोलिस स्टेशन देवळी येथील अधिकारी, अंमलदार यांना दिल्या. सदर गुन्ह्यातील वयोवृध्द इसमास ठार करुन त्यांचे घरात चोरी केल्याबाबतच्या संवेदनशील घटनेचे गांभीर्य लक्षात घेवुन
पोलिस निरीक्षक संजय गायकवाड यांचेसह स्थानिक गुन्हे शाखेची 04 वेगवेगळी पथके तयार करुन गुन्हयाचा समांतर तपास
सुरु असताना सायबर सेल यांनी सखोल तांत्रिक तपास व मुखबिरकडुन मिळालेल्या माहितीवरून सदरचा गुन्हा त्याच्या नातवानेच केला असल्याबाबत संशय निर्माण झाल्याने अशा खात्रीशिर माहितीवरुन त्यासंबंधी पुरावे प्राप्त करुन मृतकाचा नातू (विधीसंघर्षीत बालक) यास ताब्यात घेवुन त्याचेकडे सखोल विचारपूस केली असता त्याने गुन्ह्याची कबुली देवुन सांगितले की, त्याला त्याचा मित्र मयूर उर्फ महेश गजानन कोडापे, वय 19 वर्षे, रा. सार्वजनीक बांधकाम विभाग कॉर्टर्स, वर्धा, तसेच हर्षल दिलीपराव पारडकर,वय 19 वर्षे, रा-प्राजक्तानगर, वर्धा यांना पैशांची आवश्यकता असल्याने त्यांनी महिला आश्रम येथील चहा कँटीनवर एकत्र येवून त्याच ठिकाणी चर्चा करुन त्याचे गिरोली येथे राहणारे आजोबा अरुण डहाके यांचेकडे भाजीपाला विक्रीचे भरपुर पैसे असतात व आज आजी सुध्दा त्यांचेसोबत नाही ते एकटेच आहेत त्यामुळे आपण त्यांचे घरी चोरी करु असा कट रचून मयुरचे पांढ-या रंगाचे मोपेड गाडीने तिघेही गिरोली येथे रात्रीचे दरम्यान पोहचुन आजोबा यांना आवाज दिला. आजोबा यांनी दार उघडले असता त्यांचे डोक्यावर कठीण वस्तूने प्रहार करुन त्यांना जिवानीशी ठार मारले व घरातील अलमारी मध्ये ठेवलेले पैसे व दागिने चोरी करुन
त्यानंतर सोबतची बॅग वायगाव हिंगणघाट रोडवर नेरी गावाजवळ टाकुन वर्धा येथे परत येवुन आलेल्या चौरीच्या पैशांची व
दागिन्यांची तिघांनी वाटणी करुन घेतली. त्यावर यातील सहभागी इतर 02 आरोपीतांना वर्धा येथुन तात्काळ ताब्यात घेवून सर्वांना
स्वतंत्रपणे विचारपूस केली असता तिघांनीही गुन्हा केल्याची कबुली दिल्याने पुढील कारवाईकरीता पोलीस स्टेशन देवळी येथे तपास अधिकारी यांचे ताब्यात देण्यात आले.
सदरची कारवाई  पोलिस अधीक्षक, नूरुल हसन, अपर पोलिस अधिक्षक डॅा सागर कवडे यांचे मार्गदर्शनात उपविभागीय पोलिस अधिकारी, पुलगाव संजय पवार, पोलिस निरीक्षक संजय गायकवाड, पोलीस निरीक्षक  भानुदास पिदुरकर, सपोनि संतोष दरेकर,संदीप कापडे, दिपक वानखेडे, पोउपनि अमोल लगड, राम खोत, पोलिस अंमलदार संतोष दरगुडे, हमीद शेख, गजानन लामसे, मनोज धात्रक, चंद्रकांत बुरंगे, नरेंद्र पाराशर, श्रीकांत खडसे, राजेश तिवसकर, सचिन इंगोले, प्रमोद पिसे,दिनेश बोथकर, रामकिसन इप्पर, मनिष कांबळे, प्रफुल वाघ, नितीन इटकरे, पवन पन्नासे, गोपाल बावनकर, रितेश शर्मा, संघसेन कांबळे, राकेश आष्टनकर, संजय बोगा, विनोद कापसे, अंकित जिभे, शिवकुमार परदेशी, गणेश खेवले, गजानन दरणे, अलका कुंभलवार सर्व स्थानिक गुन्हे शाखा, वर्धा तसेच सायबर शाखा वर्धा यांनी केली