स्थानिक गुन्हे शाखेची मोठी कार्यवाही,रेणापूर परीसरात ५३ लाखाची गांजाची झाडे केली जप्त…
अंमली पदार्थ गांजाच्या झाडासह 53 लाख 80 हजार रुपये किमतीचा 358 किलो गांजा स्थानिक गुन्हे शाखेने केला जप्त….
लातुर(प्रतिनिधी) – याबाबत सवीस्तर व्रुत्त असे की, विधानसभा निवडणूकीच्या अनुषंगाने पोलिस अधिक्षक सोमय मुंडे यांचे आदेशान्वये लातूर जिल्ह्यातील अवैध धंद्यावर जोरदार कार्यवाही करण्यात येत आहे. त्याअंतर्गत दिनांक 11/11/2024 रोजी रेणापूर पोलिस ठाण्यांतर्गत वाला शेत शिवारात स्थानिक गुन्हे शाखेने मोठी कारवाई करत रेणापूर तालुक्यातील वाला शिवारात एका शेतातून 53 लाख 80 हजार 650 रुपयांचा लागवड करण्यात आलेला गांजा जप्त करण्यात आला आहे
स्थानिक गुन्हे शाखेला रेणापूर तालुक्यातील वाला शेत शिवारात गांजाची शेती होत असल्याची गुप्त माहिती मिळाली होती,त्याआधारे पोलिस निरीक्षक स्थागुशा संजीवन मिरकले यांच्या नेतृत्वात पथकाने वाला शिवारातील प्रेमदास पांडुरंग पवार यांच्या शेतात छापा टाकून गांजाची 358 किलो वजनाची झाडे जप्त केली आहे.या प्रकरणी पोलिस ठाणे रेणापूर येथे गुन्हा दाखल करण्यात आला असून सदर गुन्ह्यात शेतमालक 1) प्रेमदास पांडुरंग पवार, वय 48 वर्ष, राहणार फरदपूरतांडा, तालुका रेणापूर जिल्हा लातूर. यास अटक करण्यात आली आहे.
सदरची कामगिरी पोलिस अधिक्षक सोमय मुंडे, अपर पोलीस अधिक्षक डॉ. अजय देवरे यांचे मार्गदर्शनात, परीविक्षाधीन पोलिस अधिक्षक सागर खर्डे, स्थानिक गुन्हे शाखेचे पोलिस निरीक्षक संजीवन मिरकले यांचे नेत्रुत्वात,सहाय्यक पोलिस निरीक्षक विश्वंभर पल्लेवाड, पोलिस अमलदार राहुल सोनकांबळे, साहेबराव हाके ,सुधीर कोळसुरे, नाना भोंग, मोहन सुरवसे, संजय कांबळे, युवराज गिरी, सचिन धारेकर, सिद्धेश्वर जाधव, नितीन कठारे, मनोज खोसे, जमीर शेख, राहुल कांबळे, चालक पोलिस अमलदार मुंढे ,पाटील, फोटोग्राफर सुहास जाधव यांचा सहभाग होता.
स्थानिक गुन्हे शाखेचे सहाय्यक पोलीस निरीक्षक विश्वंभर पल्लेवाड यांच्या फिर्यादीवरून गुन्हा दाखल करण्यात आला असून गुन्ह्याचा पुढील तपास रेणापूर पोलिस ठाण्याचे सहाय्यक पोलिस निरीक्षक नंदलाल चौधरी, मदतनीस पोलिस अमलदार अभिजीत थोरात हे करीत आहेत.
