नागपुरात संघटित गुन्हेगारीवर ‘मकोका’चा बडगा: ४ गुन्ह्यांत २७ आरोपींवर कारवाई, ५८ सराईत पोलिसांच्या निगराणीखाली

नागपूर शहरातील परिमंडळ क्रमांक ०५ मध्ये संघटित गुन्हेगारीविरुद्ध पोलीस प्रशासनाने जुलै २०२६ मध्ये मोठी कारवाई करत ४ गंभीर गुन्ह्यांमध्ये २७ आरोपींवर ‘मकोका’ (MCOCA) अंतर्गत कारवाई केली आहे. याशिवाय १२ गँग हिस्ट्रीशीट उघडून ५८ सराईत आरोपींना प्रतिबंधात्मक निगराणीखाली आणले आहे.

कारवाईचा संक्षिप्त आढावा

• एकूण मकोका गुन्हे: ०४ गंभीर प्रकरणे

• मकोकाअंतर्गत आरोपी: २७ जण

  
  

  

  
  

• उघडलेल्या गँग हिस्ट्रीशीट: १२

• प्रतिबंधात्मक निगराणीखालील आरोपी: ५८ जण

  
  

  

  
  

मकोका कारवाईचा पोलीस ठाणेनिहाय तपशील

• भांडेवाडी पोलीस ठाणे (अप. क्र. १२१/२०२६): भारतीय न्याय संहिता (BNS) कलम १०९, २९६, ३(५) अंतर्गत ३ आरोपींवर मकोका कारवाई करण्यात आली.

  
  

  

  
  

• यशोधरानगर पोलीस ठाणे (अप. क्र. ३८९/२०२५): BNS कलम १०९(१), १८९(२), १८९(४), १९० अन्वये १० आरोपींवर मकोका लादण्यात आला.

• भांडेवाडी पोलीस ठाणे (अप. क्र. १२०/२०२६): BNS कलमांसह भारतीय हत्यार कायदा (कलम ४+२५) आणि महाराष्ट्र पोलीस कायद्याअंतर्गत ७ आरोपींवर कारवाई झाली.

• कळमणा पोलीस ठाणे (अप. क्र. ५७३/२०२६): BNS २०२३ च्या विविध गंभीर कलमांन्वये ७ आरोपींवर मकोकाअंतर्गत कारवाई करण्यात आली.

गँग हिस्ट्रीशीट व निगराणीखालील आरोपींची आकडेवारी

सदर मोहीम नागपूर शहराचे पोलीस आयुक्त विश्वास नागरे (पाटील), सह पोलीस आयुक्त आणि अप्पर पोलीस आयुक्त यांच्या मार्गदर्शनाखाली, परिमंडळ क्र. ०५ चे पोलीस उपआयुक्त नित्यानंद झा यांच्या नेतृत्वात पार पडली. संघटित गुन्हेगार आणि समाजकंटकांवर यापुढेही अशीच कठोर व सातत्यपूर्ण कारवाई सुरू राहील असा इशारा पोलीस विभागाने दिला आहे.