नागपुरात पोलिसांचा मोठा छापा: ५६ हजारांच्या प्रतिबंधित तंबाखू व पानमसाल्यासह मयूर यादव अटकेत

नागपूर (प्रतिनिधी): जरीपटका पोलीस ठाण्याच्या हद्दीत मानवी आरोग्यास धोकादायक असलेल्या बंदी घातलेल्या तंबाखूजन्य पदार्थांची अवैध साठवणूक व विक्री करणाऱ्या एका विक्रेत्यावर पोलीस उप आयुक्त (परिमंडल क्र. ६) यांच्या विशेष पथकाने धाड टाकून कारवाई केली आहे. या कारवाईत मयूर अशोक यादव (वय ४० वर्षे) या आरोपीला अटक करण्यात आली असून, त्याच्या ताव्यातून ५६ हजार रुपयांपेक्षा जास्त किमतीचा प्रतिबंधित पानमसाला व सुगंधित तंबाखू जप्त करण्यात आला आहे.

नेमकी घटना काय?

जरीपटका परिसरातील नारा गाव, माता मंदिराजवळ आणि पवनपुत्र सोसायटी परिसरात बंदी घातलेला पानमसाला व तंबाखूजन्य पदार्थांचा अवैध साठा करून त्याची विक्री केली जात असल्याची गोपनीय माहिती पोलीस उप आयुक्त, परिमंडल ६ यांच्या विशेष पथकाला मिळाली होती.

या माहितीच्या आधारे शनिवारी, २४ ऑक्टोबर २०२६ रोजी दुपारी १२:३० वाजेच्या सुमारास पोलिसांनी पंचांसमक्ष संबंधित ठिकाणी अचानक धाड टाकली. धाडीदरम्यान आरोपी मयूर अशोक यादव (रा. पवनपुत्र सोसायटी, नारा बसस्टॉप जवळ, जरीपटका, नागपूर) हा रंगेहाथ पकडला गेला.

५६,४८५ रुपयांचा मुद्देमाल जप्त

पोलिसांनी केलेल्या झडतीमध्ये आरोपीच्या ताब्यातून मोठ्या प्रमाणावर मानवी आरोग्यास अपायकारक असणारा साठा जप्त करण्यात आला. यामध्ये प्रामुख्याने:

• सुगंधित तंबाखू: एकूण २४.८४० किलोग्राम वजनाची विविध कंपन्यांची पाकिटे.

• प्रतिबंधिक पानमसाला व डबे: ‘राजश्री’, ‘विमल’, ‘पिके’, ‘केपी ब्लॉक’ यांसारख्या लोकप्रिय ब्रँडची पाकिटे, पाऊच व तंबाखूचे डबे.

  
  

  

  
  

• एकूण जप्त किंमत: ₹५६,४८५/- किमतीचा ऐवज पोलिसांनी घटनास्थळावरून जप्त केला.

शासनाने बंदी घातली असल्याचे माहीत असूनही, स्वतःच्या आर्थिक फायद्यासाठी आणि नागरिकांच्या आरोग्याशी खेळून हा साठा विक्रीसाठी ठेवल्याचे तपासात उघड झाले आहे.

कठोर कलमांखाली गुन्हा दाखल

या प्रकरणी पोलीस हवालदार रोमेश मेनेवार यांच्या फिर्यादीवरून जरीपटका पोलीस ठाण्यात आरोपीविरुद्ध गुन्हा नोंदवण्यात आला आहे. आरोपीवर:

• यांसारख्या गंभीर व कठोर कलमांन्वये कारवाई करण्यात आली आहे. आरोपीला जप्त मुद्द्यामालासह पुढील कायदेशीर कारवाईसाठी जरीपटका पोलिसांच्या स्वाधीन करण्यात आले असून पोलीस पुढील तपास करत आहेत.

या अधिकाऱ्यांच्या मार्गदर्शनात झाली कारवाई

सदर धडक कारवाई नागपूर शहराचे पोलीस आयुक्त  विश्वास नांगरे पाटील, सह पोलीस आयुक्त  नवीनचंद्र रेड्डी, अपर पोलीस आयुक्त (उत्तर प्रभाग) श्रीमती विनीता शाहू, पोलीस उप आयुक्त (परि. क्र. ६) रमेश धुमाळ आणि सहाय्यक पोलीस आयुक्त (जरीपटका विभाग) . सत्यवीर बंदीवार यांच्या मार्गदर्शनाखाली पार पडली.

कारवाई करणारे पथक: सहाय्यक पोलीस निरीक्षक अमोल ढोकणे, पोलीस हवालदार अरुण चांदणे, पो.अं. स्नेहदीप पानतावणे, सचिन टांगले आणि महिला पोलीस हवालदार आशा वानखेडे यांनी या कारवाईत सक्रिय भूमिका बजावली.