अमरावतीत मोठा अनर्थ टळला घातक शस्त्रासह सराईत गुन्हेगाराला अटक, संभाव्य गुन्हा टळला

अमरावती: अमरावती शहर गुन्हे शाखा युनिट-०२ च्या पथकाने एका सराईत गुन्हेगाराला घातक शस्त्रासह रंगेहात ताब्यात घेतले आहे. आरोपी एका गंभीर गुन्ह्याच्या उद्देशाने दबा धरून बसला होता, मात्र पोलिसांनी वेळीच कारवाई करत त्याचा कट उधळून लावला आणि शहरात होणारा एक मोठा अनर्थ टाळला.

गुप्त माहितीच्या आधारे रचला सापळा

१३ जून २०२६ रोजी गुन्हे शाखा अमरावती शहर पोलिसांना एक महत्त्वाची गुप्त माहिती मिळाली. या माहितीनुसार, अमरावती येथील हिंदु स्मशानभूमी, गुणवंत बाबा मंदिरासमोर एक तरुण स्वतःजवळ चाकू सारखे घातक शस्त्र बाळगून, एखादा गंभीर गुन्हा करण्याच्या उद्देशाने उभा होता.

ही माहिती मिळताच गुन्हे शाखा युनिट-०२ चे पोलीस निरीक्षक अतुल वर यांच्या मार्गदर्शनाखाली पोलिसांच्या पथकाने तात्काळ घटनास्थळी धाव घेऊन त्या इसमास ताब्यात घेतले.

आरोपीची माहिती आणि जप्त मुद्देमाल

• आरोपीचे नाव: महेश कृष्णा खोब्रागडे (वय २२ वर्षे)

  
  

  

  
  

• पत्ता: लुंबिनी नगर, अमरावती

• जप्त केलेले शस्त्र: सुमारे १,००० रुपये किमतीचा एक लोखंडी चाकू.

  
  

  

  
  

पोलिसांनी आरोपीकडून हा लोखंडी चाकू जप्त केला असून, त्याच्याविरुद्ध पोलीस स्टेशन फेजरपुरा येथे कलम ४/२५ आर्म्स ॲक्टसह कलम १३५ मपोका (महाराष्ट्र पोलीस कायदा) अंतर्गत गुन्हा दाखल केला आहे.

कारवाई करणारे पोलीस पथक

सदर कौतुकास्पद कामगिरी अमरावती शहराचे पोलीस आयुक्त राकेश ओला, पोलीस उपायुक्त श्याम घुगे, पोलीस उपायुक्त (मुख्यालय व गुन्हे) रमेश धुमाळ आणि सपोआ (गुन्हे शाखा) शिवाजी बचाटे यांच्या मार्गदर्शनाखाली पार पडली.

या कारवाईत गुन्हे शाखा युनिट-०२ चे पोलीस निरीक्षक अतुल वर यांच्या नेतृत्वात खालील अधिकाऱ्यांनी व अंमलदारांनी सहभाग घेतला:

• सपोनि. महेश इंगोले आणि पोउपनि गजानन सोनुने.

• पोलीस अंमलदार: सुनील लासूरकर, गजानन ढेवले, आस्तिक देशमुख, दीपक सुंदरकर, मंगेश परिमल, मनोज ठोसर, सचिन बाहाळे, जहीर शेख, अतुल संभे, नईम बेग, विकास गुडधे, विशाल वाकपांजर, राजीक रायलीवाले, योगेश पवार, संदीप खंडारे आणि चेतन शर्मा.